銀座神樂屋

食物：

刺身冇冰底。。超市水準。。冇乜味。。得鱆紅魚同甜蝦好少少。。

每人228只得豚肉。。要食牛就最少要268。。仲要加一。。不過都係普通貨。。冇乜味。。不過唔韌。。肉質ok。。

豆乳湯底。。超級鹹。。愈食愈鹹。。豉油都唔使點。。問題係。。只包一杯汽水。。唔係罐裝/支裝。。真係一杯。。再飲要7蚊杯。。好彩有茶。。不過又係冇味。。唔睇會以為飲緊水。。

焗帶子同蒸蛋出奇地好食。。明太子蛋卷、燒墨魚咀都幾好食。。蜆又係冇乜味。。

自家製烏冬。。好彈牙。。可惜比個湯底搞到好鹹。。之後用昆布清湯洗過都唔係好食到。。

菜都算新鮮。。不過唔算多款。。

軟雪糕。。自己斟。。幾香奶味。。幾滑。。應該真係日本貨。。

員工：

呢度落單要自己寫紙。不過唔係平時放題嗰啲紙。。而係白紙。。但啲員工唔會自己講聲。。

無論搵佢哋問嘢、落單、追單。。個個都好似喺夢境咁。。係咪做慣酒店餐廳。。唔識做放題？？

上菜：

除咗加單漏咗之外。。其他速度都正常。。

叫1串燒帶子。。最後嚟咗4串。。仲要分兩次。。燒青椒就冇嚟到。。

（成晚啲客坐唔足半個場。。如果多啲客唔知會唔會再亂啲。。）