SHAKE SHACK (太古廣場)

中午一點左右，午飯時間未找到坐位，除了漢堡包之外，我哋都想試吓夏日限定杜拜開心果奶昔，這個係限定要外買的，於是便落單全部外賣。在等候食物時我哋搵到了坐位，便順理成章坐下来享用。

食到一半的時候，有位本地員工路過，響我哋張枱前停下，同我哋講，如果響店內進食就唔好落外賣order，下次唔好咁樣喇！

order咗外賣，之後見到有位改為坐低食係咪犯咗shake shack法例？係咪要拎食物嘅時候需要請求員工幫我轉返店內食？可能係外賣食物用多了點包裝紙同袋，員工見到咁樣就極唔順眼，要立刻俾我哋一個口頭警告教導一下。遇到這個不體諒客人嘅本地員工，就算食物有幾好食，我以後都唔會再幫襯！

上OpenRice 看到其他人上載嘅相片，都有人在店內享用TO-GO ONLY嘅杜拜開心果奶昔啦，唔知有冇收過shake shack 員工嘅口頭警告呢？