林記點心

营业中

休息中

星期六下晝兩點鐘嚟到竟然好多嘢都賣晒，好辛苦先至搶到以下嘅點心：燒賣：呢間嘅燒賣真係唔錯，因為自家製所以d肉好新鮮。魚翅餃：而家好似好少地方食得到，係細個嘅味道，最鍾意食個餃子餅整到好薄嘅皮，即係好似魚翅嗰塊。牛肉腸：牛肉就普普通通啦，不過佢個腸粉皮好好食，唔會林pat pat。豉汁蒸排骨：啲排骨偏瘦，幾好。反而蒸飯就仲有好多，不過都係得兩款，分別係排骨飯同埋肉餅飯，因為已經叫咗蒸排骨所以就揀咗肉餅食。