👌🏼沙律：提供好多種唔同嘅沙律菜選擇，種類豐富。缺點係沙律醬汁普普通通，冇咩選擇。橄欖油亦都好普通，唔香。
👌🏼冷盤：提供一般嘅salami、煙三文魚等，冇咩特別。
👌🏼壽司刺身：正常嘅三文魚油甘魚吞拿魚果類，三文魚味道幾肥美。壽司冇乜選擇。
👌🏼熟食：都多種類，有乳鴿、燒羊肉串、燒賣、河粉之類。
🤔Muffin : 普普通通
甜品：係呢度嘅highlight。放喺玻璃櫃入邊，賣相精緻。自己最鍾意係Tiramisu、斑蘭蛋糕、松露朱古力。
1
另外係熟食部仲有一款類似夾餅嘅甜品，蛋漿嘅外皮包住花生醬同椰絲。味道都唔錯。
雖然比起坊間有啲下午茶buffet貴少少，但係整體嚟講，環境光亮雅致，景色優美，甜品精緻，整體體驗唔錯。係同朋友傾計chill 下嘅好選擇。
1
2
