巷仔見麵館 (軒尼詩大廈)

呢間餐廳都係掃code 網上落單 同朋友都係叫咗一樣嘅焗豬扒飯
餐廳環境幾好幾簡潔 但又不失港式風味 雖然好似得幾盞射燈 咁但都算幾光猛 地方望落去都好乾淨
見到大家食嘅都係中式熱門嘅食物 我就叫咗佢其他食物😂

焗豬扒飯 $58
睇落去份量適中 但食落去非常之飽 佢嘅炒飯粒粒分明 而且醬汁同豬扒嘅份量可以食曬成個飯！
味道嚟講 感覺上豬扒可以再腍多少少！醬汁都夠味道 蕃茄都好夠腍 再加上芝士焗燶咗可以食到有少少拉絲 以下午茶嚟講都算係一個又平又飽嘅選擇！！