鮮選壽司

依家先選壽司每一間分店我都食過咁滯，其實間間都差唔多，少少似超級市場壽司嘅好食少少版本，價錢上埋單五百幾蚊，唔知有冇記錯，我覺得山頂呢間好似比較貴少少？係咪我錯覺呢？

今次帶咗個龍蝦壽司，覺得唔錯， $50.1件，值得一試；另外呢度嘅吞拿魚真係好食過其他平價壽司好多， $25兩件，好抵食，好食過爭x和壽x郎好多！

雪糕都好濃烈牛乳味！

另外值得一讚係佢哋嘅店員好有禮貌，尤其是個阿姐，入門嘅時候會提醒我哋入座要小心梯級！

唯一覺得真係要劣評就係佢嘅箱壓壽司，根本就壓唔實，而且好細件！同埋啲綠茶根本就冇綠茶味，唔知似乜！

另外我都好好奇，本身點嗰六件三文魚壽司就見到有啲分別的，不過上菜嘅時候又覺得睇唔出有咩分別🤣

1