三一餃子 (通菜街)

营业中

休息中

最近同奶奶去咗旺角嘅三一餃子，聽講佢哋主打餃子酒場文化🍶一於去試吓！環境幾舒服，燈光柔和，好啱同屋企人或者朋友慢慢食嘢傾吓偈我哋叫咗兩個雙拼餃子🥟煎餃要咗招牌餃子貳號同黑白松露豬肉餃，水餃就芫茜豬肉餃加墨醉雞餃，兩款都各有特色，煎餃皮脆餡靚，水餃皮薄餡多，勁讚👍🏻重點推介🤩就係佢哋旺角店新推出嘅期間限定菜式「餃子の逆襲～烤餃子飯團」個名都幾盞鬼🤣熱辣辣嘅飯團配埋香脆嘅煎餃，口感豐富，好有驚喜😍另外叫咗個火焰醉雞翼🔥🐔上枱嗰陣真係有🔥好有氣勢！雞翼好入味，酒香十足，正！最後食埋個自家製巴斯克芝士蛋糕🍰口感幼滑，甜度適中，完美ending飲品方面，我哋叫咗佢哋嘅House Sake🍶日本清酒二段酵母仕込，入口順滑，同啲餃子好夾🥟仲有🤫記得post 社交平台，或者搵店員selfie，會送多杯清酒🍶😆整體嚟講，食物質素高，環境舒適，服務態度都好好，下次會再嚟試吓其他口味嘅餃子同埋其他菜式😋