心諗佢講到咁多野食,
雞煲可選以下一款 (半隻雞)：
- 秘制四川麻辣雞煲 (大 / 中 / 小 / 微辣)
- 皮蛋芫茜湯雞煲
火鍋配料已包括：
- 美國手切雪花肥牛 (小)
- 自製菜肉餃
- 自製韮菜餃
- 牛丸
- 貢丸
- 芝心丸
- 墨魚丸
- 冰豆腐
- 粟米
- 雜菜拼盤
- 特色冰粉
就即管去試一試, 點知一試就
今次第1次寫食評係因為比呢間野激到火都黎埋!
1. 同朋友4人入到去, 地方細唔緊要...佢張枱又細, 但就用d勁大隻既碗碟,
迫到冇朋友...
2. 一入到去見到得一個侍應, 心諗地方細應該都ok,
點知個侍應真係xxxxxxxxxxx! 冇招呼, 問佢幫我地落左d野食未啦...
佢又話忙緊要等....咁即係落左未呢?
之後等左勁耐d野食終於黎喇!
3. 半隻雞...唔足料...都預左...不過D雞真係少
4. 味道已經唔夠濃, 唔知佢知唔知道咩係正宗雞煲,
人地個汁係好杰, 而且香濃, 佢果個就好希..
而且d雞又唔入味....
都算啦...我都未開始加配料...佢倒左成煲淡而冇味既水/湯落去
仲要係冇問過我地需唔需要一下就倒落去, 當時我記得係唔會導致乾水住...
真係勁嬲...成個雞煲既濃湯就咁就冇左......
5.我地落單之前, 問要咩辣, 我地諗緊微辣會唔會都好辣啦...因為有朋友唔食辣
個侍應又扮醒目話, 放心啦, 微辣真係好少好少辣, 一d都唔辣...
我唔知佢呢d咩評語~
但點知個野黎到.......係辣到媽媽聲...
我自問都係一個食得幾辣既人都食到要飲水果d...
我朋友點食呢?如果佢既suggestion係幾辣既話...我地會唔要辣囉...
人地咁樣點食呢???
6.團購個餐係唔抵食既...話就話有咁多樣野...但只係得一粒//仲話可以2-4人食..
玩咩...2間野既合作好有問題
團購根本冇平過...
間野都係咁上下價錢
7. 價錢貴又唔抵...
可樂要10蚊, 王老吉要12蚊, 茶水都冇,,,樣樣10蚊計....就要冇得refill既茶水...
8.最嬲係呢樣野..
.
話說我地諗住食少少,咩都試下就再叫下佢其實打邊爐d配料啦
佢有半碟同全碟既分別...我地全部都係劃半碟....
黎到既時候心諗都幾抵..半份都咁大份...
但最後埋單先知係個好唔小心既侍應入錯單囉...
佢仲要一d歉意都冇,一句, """""我新黎嫁..."""""".
有冇搞錯~食半碟變全碟, 價錢係double 喎大佬~
新黎係咪大晒先???你而家落錯單
冇錯我係食左全碟, 我冇期望你收返半碟價錢, 但至少個老闆娘係度....
一個解釋, 一句對唔住都有掛...或者比個9折, 計少一碟20蚊既金茹我都可以算
你可以咩都唔理既話
唔該老闆娘認真檢討一下
9. 個餐有特色冰粉, 我問佢齊晒未d野, 問左一次, 話等等,
問第2次, 佢又話唔好意思話要轉頭先出比我
我等等下自然唔記得......跟住就可以冇左件事....
最後都冇食到個所謂特色冰粉....
認真失望
又唔係好食...太子有間好食過佢多多聲...
又唔係平....係貴到死....我地呢個價係食唔飽人既!!!
坐得又唔舒服....
我點解要再幫襯你先???
嬲到震呀!!!!!!!!!!!!!!!!!!!!!
