鐵板燒

同男友第三次來鐵板燒，由於我地早收工，6點前就到左，所以唔洗等位有得食啦！今晚我地點左小元貝拼豬肉片餐（$72）同埋龍脷魚柳餐（$62）：

前菜／配菜：味道不太咸，都幾新鮮，份量好夠。

前菜／配菜

小元貝拼豬肉片：份量非常充足，可能係鐵板燒同埋味重既關係，唔覺有雪藏味。之前都有食過，今次叫多次可惜小元貝唔夠牛油香味，豬肉片肉質幾好但胡椒粉太重同味太濃，比起上次食失色左！

小元貝拼豬肉片

龍脷魚柳：份量都係好足，肉質就一般，不過不失啦！味道唔咸，仲好香口，剛剛好！

龍脷柳

餐跟湯同飯，因為兩樣食物無特別，所以無影相啦！順帶一提，湯係跟food court提供，好咸，所以我飲左兩啖就無飲了！