影片
更多
2022-11-17
399 浏览
一次過滿足3個願望！清酒Sake Pairing上KLOOK無意中見到，見價錢唔係好貴，於是膽粗粗走去試下。星期三中午尖沙咀出勤後(乜咁《孤獨的美食家》情節)，去咗南海一號試下佢哋最新搞嘅Campaign「清酒 X 海鮮品味之旅」。講真，Sake自己唔太在行，平時都係飲日威或者梅酒。飲親Sake一開就要成支隊晒，平日冇乜幾可有機會同fd飲到，但呢度可以試晒3隻唔同清酒，仲有海鮮同靚景，於是就試一試佢。1︰30pm坐低，一坐低就見到3隻Sake杯嚴陣以待。隨後侍應就好周到幫我圍餐巾同斟茶。跟住駐場嘅唎酒師就講解日本清酒知識，俾我呢個外行人聽。今次3隻Sake分別係︰1.黑龍 九頭龍 逸品福井縣出品，入口溫和，飲落第一口覺得少少甜，尾勁帶辛。2.月桂冠 愛說話的鯨魚京都府出品，比九頭龍 逸品更甜，帶米香，個人最like。3.竹笙釀鮮露荀 配 MIYASAKA 山田錦 純米吟釀長野縣出品，3隻中最香(個人覺得，同桌友人覺得月桂冠香D)如果唔係pairing，齋飲都ok！以上次序係跟唎酒師建議，當然每人唔只一杯，唔夠可以refill再飲嘅。【前菜】蜜汁叉燒 + 陳皮話梅萵荀 + 白胡椒海哲頭叉
上KLOOK無意中見到，見價錢唔係好貴，於是膽粗粗走去試下。星期三中午尖沙咀出勤後(乜咁《孤獨的美食家》情節)，去咗南海一號試下佢哋最新搞嘅Campaign「清酒 X 海鮮品味之旅」。講真，Sake自己唔太在行，平時都係飲日威或者梅酒。飲親Sake一開就要成支隊晒，平日冇乜幾可有機會同fd飲到，但呢度可以試晒3隻唔同清酒，仲有海鮮同靚景，於是就試一試佢。
1︰30pm坐低，一坐低就見到3隻Sake杯嚴陣以待。隨後侍應就好周到幫我圍餐巾同斟茶。跟住駐場嘅唎酒師就講解日本清酒知識，俾我呢個外行人聽。
今次3隻Sake分別係︰
1.黑龍 九頭龍 逸品
福井縣出品，入口溫和，飲落第一口覺得少少甜，尾勁帶辛。
2.月桂冠 愛說話的鯨魚
京都府出品，比九頭龍 逸品更甜，帶米香，個人最like。
3.竹笙釀鮮露荀 配 MIYASAKA 山田錦 純米吟釀
長野縣出品，3隻中最香(個人覺得，同桌友人覺得月桂冠香D)如果唔係pairing，齋飲都ok！
以上次序係跟唎酒師建議，當然每人唔只一杯，唔夠可以refill再飲嘅。
【前菜】蜜汁叉燒 + 陳皮話梅萵荀 + 白胡椒海哲頭
叉燒味道合格，唔會太甜，厚切有咬口。如果多D燶邊更好。
【主菜1】蠔皇原隻鮑魚 配 黑龍 九頭龍 逸品
友人話好食過阿一鮑魚？我話唔同級數！不過So far夠鮮同tender。唎酒師建議一啖鮑魚一啖九頭龍 逸品，帶出鮮味。
【主菜2】金榜醬大蝦 配 月桂冠 愛說話的鯨魚
3道主菜中個人最like呢味，因為帶少少辣，大蝦炸到脆卜卜唔乾，連個汁都好惹味，亦係呢度名菜之一。配月桂冠個人覺得係perfect match！講唔出原因，就係夾！
【主菜3】脆米班肉炒飯 + 竹笙釀鮮露荀 配 MIYASAKA 山田錦 純米吟釀
炒飯炒得夠乾，而家仲有少少脆米令口感提升。食完飲啖酒體個人覺得最香、最複雜嘅MIYASAKA作結。
23 浏览
0 赞好
0 留言
张贴
