最近去左間餐廳非常特別😃一邊好似超市咁，可以自己拎住個籃係急雪櫃揀食材😯😯
佢揀完之後另一邊可以坐係餐廳食，佢有兩個爐，一個係可以打邊爐🥘，一個係BBQ爐🍖或者你買返去屋企自己燒鄧都得😀不過，呢到有晒爐，又有得坐得舒舒服服，仲要唔洗加一，又無限時，鍾意同朋友吹下水，坐幾耐都得😀😀最緊要唔洗自己洗碗嘛😂
不過全部都係自助式，例如要自己加湯(熱水)等，但現場啲職員都好幫得手，你有咩唔明或者你唔識點燒，燒幾耐佢都會教你嘅😀仲要每枱都會送埋醬汁同埋鹽，黑胡椒等俾你燒肉😍
野食方面，不論係用黎燒烤定打邊爐嘅食材，都好多選擇❗️❗️佢大部分嘅肉類都係大概$5×-$6×就已經有150g🤤當然想食靚啲嘅就有啲日本A4，A5和牛，但都係百幾蚊都有150g😄
仲有其他好多串燒、打邊爐嘅丸呀，價錢都係十幾廿蚊已經食到😀😍
食物質素方面，我地試左牛小排($88/150g)同牛板腱($58/150g)，開頭會以為同街市平平地個啲牛肉可能差不多，但食落原來啲肉都差喎，食落好有牛味，唔會靭，比想像中好食😍😍
仲有揀左三文魚腩串($38/4串)❗️三文肉腩燒到好脆，啲魚油燒到出晒黎，食落外脆內滑😍😍值得一試
因為實在太多選擇有排講😂但總括黎講，黎呢到食真係豐儉由人，想食一兩碟又得，想一大班人黎揀多幾碟又得，仲要無限時慢慢坐吹下水，咁黎呢到就啱晒😍❗️
