原本諗住同班frd睇戲之前食個飽lunch，食咗佢哋嗰個$78 午市套餐。入到去嘅第一反應係感覺好窄，等下有個細盒仔，攞嚟俾我哋擺袋或者衫嘅，點知原來佢哋整個盒喺度完全係攞嚟衰嘅，我個frd嫌煩已經攞俾啲服務員示意佢哋去收，點知個阿姐攞咗個盒返嚟，攞咗返嚟都好啦，仲要放得唔好！
然之後有個員工被棘倒咗，佢攞住嘅嗰啲有熱湯嘅兜倒瀉咗，倒咗係我哋個位度，仲要大部份係倒咗落我個書包度。呢個我都算啦你呢，即係倒瀉完之後佢仲要係繼續忙自己啲嘢，員工佢一啲處理方法都冇諗過就繼續做嘢，而且唔道歉嘅
你如果服務態度咁差就唔好做服務性行業
加且，我唔係食霸王餐吖嘛？！我有俾錢㗎，唔該你都俾啲服務態度嚟好唔好？
菜係咁上錯我都算啦，都係我哋班frd。但係你唔耐煩嘅態度我就一定要批評
食物質素還可以，昆布湯係推薦嘅
但係呢間餐廳如果你當日心情差就唔好嚟，恐怕只會更差
