💡 二人優惠套餐 $138
🔺 重慶酸辣粉 ＆ 重慶涼麵
兩碗主食就揀咗一凍一熱，酸辣粉湯底酸酸辣辣，配上掛晒湯嘅薯粉，有咬口又夠過癮。重慶涼麵適合夏天食，有青瓜、花生等脆口野，食落又冇咁悶，涼麵彈牙，配上重慶辣汁，好惹味。
🔺 蜂蜜芥末雞翼 2隻
炸皮個感覺又有啲港式感覺，似生炸雞翼，炸得剛剛好，外脆內軟，又好juicy。配上濃濃嘅蜂蜜芥末醬，甜得嚟又有芥末唔會太膩。😍
🔺 紅糖糍杷 & 香桃茶 & 青蘋果茶
叫得二人餐，點少得甜點同飲品。紅糖糍杷上有滿滿嘅黃豆粉及紅糖醬，份量仲要比想像中多好多！茶都好清新，配上濃味嘅主食剛剛好～
💡涼拌皮蛋 $22
川菜又點少得皮蛋，配上口水汁，辣辣地加上皮蛋獨特嘅口感同味道，作為小菜係幾正！
雙拼雲吞套餐 - 高麗菜 & 韮菜 (紫菜湯) $48
雲吞皮薄但唔會鬆散晒，餡料調味恰到好處，配合紫菜湯底都幾夾。
