三星台菜食堂 (The L. Square)

黎到銅鑼灣，就靠我男人去搵食啦。
（有時foodie都要放下手，搵少次嘅🤣）

樓上食台式都幾特別，咁高望嘅景當然開揚，我哋都坐係窗邊。

選擇算係多，基本上想食都有。

先黎一支冷泡茶，18元，同cold brew有同樣效果，天氣熱呷一啖確係舒服。

阿嫲魯肉飯，52元。魯肉夠味，肥瘦平均，配料都好足。

第一鹽酥雞，58元，新鮮整起，夠哂熱氣。粉算少，脆口，肉算嫩，小小汁。味道不錯，蒜係辣蒜，可口。

牛肉湯餃10隻，82元，皮小厚，料尚平均，湯頭偏濃，價錢上偏貴。

味道整體係可以，魯肉飯同鹽酥雞點得過，留意番成餐飯食完幾口渴。