好耐無食石燒牛扒，同朋友去了荃灣聯仁街的「DAY22 STEAK」。門面睇落普通，入到先發現系牛扒專門店。試試咗個二人餐，有齊鵝肝牛扒、酥皮湯、雞翼、意粉同薯條等，價錢幾合理。
🥩 鵝肝配安格斯封門柳
石燒熱辣上台，封門柳肉味幾濃，切開粉嫩有肉汁。鵝肝外脆內軟，配牛扒幾香口。
🥣 蘑菇忌廉酥皮湯
酥皮焗到金黃，浸落蘑菇湯度飲，湯底 creamy，酥皮吸滿湯幾好味。
🍗 花蜜雞翼
雞翼炸到脆身，掃咗花蜜醬，甜中帶微鹹，有肉汁。
🍝 茄汁炒意粉 + 炸扭紋薯條
▪️義大利麵炒得幾彈牙，茄汁酸甜開胃
▪️扭紋薯條粗身，外脆內軟，點茄汁幾好食
🥤 飲品試咗藍色夏威夷同利賓納，藍色夏威夷賣相幾得意，味道酸甜。
