位於旺角商廈頂層嘅酒吧餐廳，主打fusion手工墨西哥料理，餐廳仲有室外座位，無論係室內定室外座位都充滿休閒氣氛，好適合放工同朋友嚟chill下～
🐮燴牛面頰捲麵($188)
使用紅酒🍷及香草🌿煮，牛面頰好軟熟，意大利捲麵喺出邊比較少食到🤔比一般意粉更加掛汁！
🍄🟫黑松露野菌薯糰($138)
店員話一定要趁熱食！黑松露醬好濃稠，加入左多種野菌🍄包括：椎茸、白露菇、靈芝菇，薯糰幾煙韌，沾滿曬黑松露醬汁，十分Creamy！
🌮牛肉墨西哥夾餅 ($218)
脆身炸玉米餅包住調味惹味嘅牛肉餡，加入牛油果同醃製過嘅酸香番茄粒，層次豐富得嚟又夠清新，係一道唔錯嘅開胃菜！
🍎反轉蘋果撻 ($98)
蘋果撻底牛油香突出，面層焦糖化嘅蘋果帶玉桂香氣，配上冰凍雪糕，冷熱交融，甜而不膩～
