鷹巢

假期前嚟「鷹巢」食Lunch，果然無失望！

午市套餐性價比高，點心款式多，樣樣都試到。最驚喜係懷舊錦鹵雲吞，外皮脆到不得了，個酸甜汁係精髓，仲有叉燒、蝦粒，食落好過癮！

點心拼盤都好高質，蝦餃、鳳眼餃新鮮足料，春卷脆身唔油膩。啫啫唐生菜夠鑊氣，瑤柱蛋白炒飯亦夠香口。

不得不讚服務，換碟加水好主動，全程食得好暢快！絕對會再嚟！