自家製韓國刀削麵 (好順景大廈)

好耐冇試過咁有驚喜嘅韓式麵店～今次喺元朗發現呢間「自家製韓國刀削麵」，真係每一口都暖入心！

我哋叫咗人氣嘅雞髀刀削麵同花蛤刀削麵，仲加咗一份手工蒸餃。先講個花蛤湯，真係太正！湯底飲得出用足料熬成，唔會有腥味，反而好清甜鮮香，蜆肉肥美，飲晒都唔夠喉～而且佢哋嘅刀削麵有咬口，掛湯力一流！

雞髀嗰碗都唔輸蝕，足料到整隻雞脾直頭落晒碗，湯頭濃厚，雞肉嫩滑，最啱最近轉天氣想滋補一下。

蒸餃亦都好值得一試，餡料飽滿，皮薄唔黐牙，幾款口味都有層次。配埋餐廳免費提供嘅韓式泡菜，更加有feel～

1

5

10