這家餐廳主打工業風酒吧格局，昏黃燈光配上牆身霓虹燈招牌，氣氛好chill又帶少少美式街頭味，適合一大班朋友慢慢坐住歎雞翼同飲嘢。環境整體算闊落，不會太嘈，幾舒服。
❈ 雞翼放題 - 10款口味HK$188
雞翼是無激素，不含抗生素。放題有10種口味任選任續，90分鐘內每次可以點最多6款味道，每款最多4隻，對喜歡試味的人來說非常滿足。 由經典Buffalo醬、紐奧良香粉、加州風情，到超重辣的死神醬都有，辣度層次好分明。 再加上咖啡燒烤醬、中式海鮮醬、黑椒檸檬、蒙古燒烤、田園風味和泰式甜酸醬，每款味道都各有特色，由煙燻、香料到甜酸路線都有。
雞翼是慢煮再炸炸，外層香脆、入面保持嫩滑多汁，醬汁掛得均勻，Cajun Spice同Lemon Pepper香氣突出，可以配啤酒慢慢食。 濃味醬汁系如Buffalo、Mongolian BBQ同Thai Sweet Chilli就偏向重口味，越食越邪惡。
飲品方面同樣係放題形式，基本有汽水選擇。凍檸茶再加$10。如果再加錢升級，仲可以享用啤酒、紅白酒同烈酒free flow。
