個母親節飯同生日飯合併一齊食，
咁好啦講講下就冇左回事，
突然老闆醒起好似今日話係約左食飯，
問佢地突然又話全部人都話ok，
忽然之間Book 邊間食好呢，
好歹都5位食，walk in 通常都冇位。
伯友又話想食西餐，
咁兩餐夾埋食又冇理由是但 ，
諗諗下有一間好似好耐冇去響洪水橋又泊到車（呢個先係至緊要），
打去有位咁就去馬啦，其實私心係想食豬手😆。
首先叫左個大西蘭花湯：
中間有個用酸忌廉打成ga mouss，飲落去好輕身。
再黎一個大紙船小食拼盤：
有炸蝦，雞翼，腸，大堆薯條響底
配左兩種醬
咁食德國菜出左名都係食腸仔
腸仔拼盤:
我目標想食的豬手：
侍應會好識做咁成隻比我地相機食左先，
再會去旁邊細檯幫我地碎左佢。
食落去面皮係脆，內裡夠味。
以下幾樣就唔特別講了。
最後上居然係咖哩農夫包，
大家都飽晒時上呢個。。。。
1
反而伯友最欣賞係呢個包包，面頭炸蝦黎，
包吸左汁軟硬度剛剛好，味道都剛剛好，唔會因為比包吸左汁而變淡。
後記：
環境呢間餐廳其實元朗屯門都少有，
泊車，LIVE BAND 氣氛都好，
食物質素都唔會脫軌，咁多年都重保持到。
