Yung Chicken Beer

营业中

休息中

個人都幾鍾意食韓國野嘅，一直都未試過李家咪試下囉。。。話晒都叫食韓式炸雞嘅，應該都唔太差，點知。。。我兩個人食，叫咗個冷麵，半隻醬炸雞，年糕湯，同埋一杯酒。講咗杯酒先，一個字"甜"，冇咩酒味。冷麵就正常，隻炸雞呢，就都真係脆嘅，不過我覺得M記炸雞翼好食啲。至於個年糕湯，就味精味重，所以飲完都幾口渴。叫做試下，如果有選擇我都應該會去附近嘅韓國餐廳食，呢間應該唔會再去啦。我個人覺得就真係麻麻地，所以有機會都會食其他炸雞店。。。

今次朋友介紹嚟呢間食，如果唔係朋友介紹我都唔知道有一間，環境好舒服，又有啲情調，地方都好乾淨，店員亦都好nice,每一樣都好好食，🤤🤤雖然出面都有食開韓國餐廳，呢間質素都真係好唔錯，👍價錢我覺得都合適，當然人多可以食多幾款，邪惡但又好食炸雞，佢呢度嘅泡菜都好好味，👍好啱我口味，😋😋份量又夠，呢度有道地嘅韓國人，唔知係咪咁，我覺得正中啲好味啲呢🤣我哋幾朋友都話無得彈，下次我都會再嚟，會介紹朋友，

說起韓式炸雞的名店，就不能不提起這一間"李家"....想當年，尖咀總店的門外總會有一條等候入座的人龍。但自炸雞熱潮褪去後，人龍就已不復再。總壇的情況已是如此，那分店就更不用說了。今天走入店，人客就只得我們二人而已，尤如包場一般....炸雞當然是必點的item，另外一款由太太話事點甚麼，她說不想又來一味熱氣嘢，於是就叫一個"清"一點的蘿蔔魚餅串來平衡下....主菜未上先來泡菜小食是所有韓食店的指定動作。泡菜辣度頗強入口夠辛；椰菜絲溝了一點千島醬上去入口甜甜的頗惹味；醃蘿蔔非常爽脆，用來消膩就啱晒....眼前的魚餅串的而且確甚清能起到消滯的作用，不過個人就不太喜歡這種韓式魚餅的甜味，感覺上十分的假。要吃，我還是愛港式的魚蛋或潮式魚餅多一些....今天炸雞的口味選了蜂蜜蒜蓉。所謂的蒜蓉是將好幾顆蒜頭堆放在雞上，肉本身是不太有蒜香味的；雞剛新鮮熱辣炸起外皮非常脆入口熱呼呼，但可惜是肉比較嚡口且沒想像中有那麼多汁....看來這所謂的韓式炸雞始祖，水準也只是不過爾爾....

其實食物味道還可以的，份量係細囉。。。。。。而且，服務員態度好差，今日跟同事去食飯，有一個店員，從我地落單，至我地賣單，佢一直黑我地面，期間，佢地落錯單，比多左一份炸雞我地，我地主動要埋佢，免佢地浪費，佢重要係我地身邊同同事話我地，落錯單話唔要之後又要，搞到佢做多野又改單乜乜乜。。。。。。。。。。。。。。。。。。。。。。。。。。。。。。唔浪費都有錯，而且你要講我地壞話，可唔可以行遠d，真係就係我地枱邊

同大學同學飯聚，突然想食韓國野，行過又見到李家有位，於是就入去試下😋💕✨叫咗幾道菜😌🤘⭐蒜味蜂蜜炸雞侍應姐姐好有心咁問我地要唔要辣因為我地都唔食得辣，所以就揀唔辣🎃一上碟就聞到岩岩炸起既香味，咬落去好多肉，而且啲肉汁流出黎💕蒜蓉同蜂蜜個味非常夾，份量對4人黎講都非常合適，炸雞亦都係全晚最滿意🤘侍應仲提供埋手套俾我地，等我地可以食得乾淨啲👏👏👏⭐芝士蛋卷鐘意芝士既朋友有福了😛💕個蛋卷除左有豐富既蛋味，而且整得好結實，唔會一切就爛裡面仲有豐富既芝士，可以做到芝士拉絲既效果，個醬汁都好夾💋⭐芝士辣雞炒年糕呢個有少少似宫保雞丁既味，辣辣地既雞粒幾過癮不過年糕就有啲韌，有啲似食緊擦子膠咁，而且同個辣雞既味唔太夾😗⭐鐵板燒牛肉可能前幾道菜加上好多芝士，所以食呢個菜既時候都有啲滯😂🙈牛肉煮耐左，有啲老，係唯一無食哂既菜🙈🙈🙈總括呢間都幾好食，坐得舒服，價錢又唔太貴，下次會再黎👏🌸

猜不到在土瓜灣這小小的舊區也會出現李家的蹤影，晚餐點了甜辣炸雞、泡菜紫菜包飯、芝士蛋餅。甜辣炸雞偏辣，十分野味，肉質結實，嗜辣的人可以一試。芝士蛋餅足料，芝士味濃，做到拉絲效果。而紫菜包飯則不過不失，不會令人留下太深刻的印象。食物總體而言都是不過不失，週末休閒之選而餐廳環境比較昏暗，裝潢稱不上別緻，要拍照留念不建議來這家分店。店舖的人流較少，相對侍應人數亦不多，但能夠照顧到客人需要。價錢亦是中規中矩，可以接受。

李家係我朋友經常會去的餐廳,因爲受到來至星星的你影響，由看完韓劇開始，大家吃炸雞的次數都開始好多。我們通常去尖沙咀的李家吃。今次經過土瓜灣見到有分店於是就入左去，我地叫左芝士年糕，魚糕湯，同炸雞！！李家的炸雞係即叫即整的，所以等後的時間可能有點長，大概20-25mins.炸雞外脆内嫩魚糕湯係朋友的最愛每次都必點，魚糕湯内有黑椒同青椒，所以有點微辣。芝士年糕分量 好多，又飽肚次次都食唔曬。總括李家的炸雞每次都不會令我們失望。 食的辣的朋友可以挑戰辣雞腳

午市lunch set 都幾抵食！叫左個海鮮豆腐湯 $48 加一有3個小伴菜+一個主食+一碗飯。即叫即整，溫度係滾燙...份量都幾夠，有小小八爪魚，幾粒小蝦，豆腐，雞蛋，翠玉瓜，味道清淡，好岩送飯。如果唔鐘意食肉類，呢個係個好選擇！但係一堆人食會開心點，可以叫下炸雞🍗、泡菜餅、飯卷😭

土瓜灣韓國餐廳嘅選擇實在唔多，不過自從出現李家係之後就經常經常去幫襯佢啲炸雞。舖頭唔算好大，近門口部分係方型檯，而裡面部分就係卡位為主，門口出面仲有一張高檯添。最愛佢嘅蜂蜜蒜蓉炸雞，食落去炸雞的辣味同蜂蜜味平衡得非常好，完全唔使擔心啲雞會因為有蜂蜜汁變得唔脆口，食到尾仲係好脆，所以會愈食愈滋味，停唔到口！

尋晚同朋友係我屋企附近食晚飯, 揀左呢間餐廳~2個人叫左4樣野, 包括泡菜煎餅, 餃子年糕湯, 紫菜飯團同鐵板燒豬肉(朋友今次病所以無點炸雞, 上次試過係唔錯既, 熱辣辣同埋D雞都幾滑, 好就好在可以叫半份, 岩2,3個人食)因為想食D肉, 所以點左個鐵板燒豬肉, 個豬肉個色幾淡, 味道OK叫得個豬肉又想有D飯可以送下, 但唔多覺MENU有白飯, 就叫左紫菜飯團個紫菜飯團裡面係白飯, 外面包住D紫菜, 感覺有點HEA..個餃子年糕湯味道正常, 不過D餃子太淋好易散開...泡菜煎餅唔太辣, 都香口同飽肚但感覺韓國比較基本既石鍋飯同紫菜包飯卷都無.. 選擇太少食完都幾口渴, 味精可能太重手了...如果下次懶得去得遠而又突然好想食韓國野都可能會再幫襯既 😅

Did come at the same time and they said the beef is out of stock. Tried to pop in again and they served beef on today.Surprised with the environment, European style but serving Korean. Pretty silent after rushed hour and can enjoy the a relaxing meal here with the fab dish.

平時冇食宵夜嘅習慣，今晚突然間好口痕，好想食啲香脆嘅嘢，咁我老婆就提議去李家食， 入到去睇下個餐牌有好多嘢都好正，但係我哋都係點左兩個小食一杯有酒精嘅飲品就算啦。炸薯条$38香脆薯条配有茄汁同蜜糖芥末醬，食個咀不停。燒雞泡魚干$48兩片雞泡魚表面塗上醬油燒乾再配香脆花生和沙律醬，剪大小塊自己決定，送酒一流。燒酒雞尾酒菠蘿味$48飲落味道似兒時食的果汁冰条味，甜甜酸酸帶有酒精味，比起其它燒酒易入口。兩人消费佰餘元，抵呀！

炸雞好好食，泡菜煎餅都好好食，係一間好少人知嘅良心小店。有多款炸雞🍗，其中蜜糖炸雞最好食，咁自飲呢個泡菜海鮮湯煲好唔錯。環境整潔，職員都好有禮貌。喂，要寫八十字咁多嘅，終於夠80字。

母親節到到都係孝子孝女同母親食飯，當然我都不例外啦。不過媽媽就唔想去同人迫，近近地食餐飯就夠。土瓜灣近年都開左幾間韓國餐廳，但都未曾嘗試過，咁岩我地經過見無咩人，環境都唔錯，就決定食呢間。餐廳範圍比較細，環境都有別於一般韓國餐廳，風格好似比較外國feel，燈光都比較暗，如果係一班朋友吹水都幾好氣氛。食物品種不算多，但主要食品都有。我同媽媽兩個人就叫左半隻炸雞同泡菜煎餅，都係去韓國餐廳必食既野。叫完野食，就即時有兩碟小菜送上。沙律醬椰菜就無咩特別，個人覺得換成蛋黃醬會比千島醬更配椰菜。醃蘿蔔酸酸甜甜，是吃炸雞很好的配搭，消下肉既油膩感。煎餅比平時食開既唔同，較薄身。有啲似茶樓既薄餐，但係係泡菜味。欣賞當中有八爪魚粒粒，令口感豐富，但略嫌泡菜唔夠多。一上菜以為蒜蓉變蒜頭，同埋個底啲汁多到浸住炸雞，以為會淋。點知又唔會喎，依然保持外層脆卜卜。咬落好香蒜味，不過食食下有啲辣，外層炸粉唔算厚，但肉質有啲鞋，唔夠滑身。整體中規中矩，沒有驚喜。食食下聽到隔離枱講中午會抵食啲，下次搵機會試下食中午先。

同朋友嚟試下呢間李家，之前試過尖沙咀嗰間，土瓜灣都係第一次試。入到去有個韓國女人同你講韓文打招呼， 另外有個香港男人招呼我地，先知道原來韓國女人係新嘅老闆， 呢度地方比較細唔同尖沙咀， 比較優靜主要都係招呼街坊為主， 同朋友靜靜地傾下偈食吓炸雞都不失為一個不錯嘅選擇， 我哋點咗一份原味嘅炸雞同其他分店一樣有蘿蔔同椰菜絲做配菜俾你醒醒胃， 炸雞炸得唔錯，仲保持有肉汁同熱辣辣脆卜卜，幾好食， 今次同朋友都冇嗌到酒飲， 侍應好好，俾咗一大壺凍水我哋，絕對冇嗰啲一定要迫你叫野飲，如果唔係就冇水俾你飲嘅情況，下次都會再嚟。