&You

身處屯門市廣場，小人跟友人同樣不諳此處，正當毫無頭緒找吃之際，乍見一家西餐廳，隨機直入也。公司三文治用的是脆的麥包，公治應該要有的都有齊：煎蛋、午餐肉、火腿、生菜、沙律醬之類，可惜問題是整份公治都不太夠熱，是做起擱了很久嗎？不能說難食，但因為不夠熱的關係，食完滯到暈囉！香蒜海鮮意粉的熱度較佳，起碼入口之際仍然是熱的。然而蒜味過份輕淡，欠缺蒜香的衝擊；辣味更是微乎其微。尚幸海鮮算多，口感爽而彈牙。反觀跟配的蒜蓉包蒜香更為出色，餘韻長留於口腔之中。意粉還可，公治方面，小人寧願茶記好過囉～…查看更多

今日又去試新野「& You café」先說飲品，點了一杯Flat white香濃的奶泡有醇厚咖啡香，入口順滑，咖啡與牛奶的比例調配得宜，每一口都能感受到溫潤的層次感，作為用餐前序幕，相當不錯。接著是英式早餐拼盤，可謂豐盛滿載。厚切火腿鹹香適中，煙肉煎得邊緣微脆，油脂適中不膩口；滑嫩的炒蛋拌著細碎香蔥，香腸肉汁豐富；焗豆軟糯，吸附了番茄的酸甜，搭配烤得微焦的番茄片，酸甜開胃；麵包外層帶點韌性，內裡柔軟，抹上牛油後，每一口都是滿足。漢堡套餐也很有亮點，漢堡鬆軟且帶著微微的麥香，夾著芝士，與內餡的肉排等搭配，香氣撲鼻。薯條炸得金黃酥脆，外脆內軟，即便放了一會兒，依舊保持不錯的口感，蘸點特調醬料，更有風味最後的燉牛肉飯套餐同樣出色，燉牛肉軟嫩入味，醬汁濃稠，裹著紅蘿蔔、洋蔥等蔬菜的清甜，拌著白飯吃，每一口都很好吃。附的沙律菜新鮮脆爽，淋上的沙拉醬酸甜可口，能很好地解膩；還有一碗粟米濃湯，濃稠醇厚。整體而言，「& You café」不僅餐點種類豐富，味道也有水準，無論是想來份豐盛早餐，還是飽足的主餐，這裡都能帶來不錯的體驗，很適合和朋友閒暇時光來小聚用餐。…查看更多

反正我今日想食個豐盛早餐🍳黎到市中心 周圍搵下 又揀唔岩，又黎番&you睇下啦 因為佢痛減10蚊優惠感覺佢價錢比 beaxns 平好多亦有望OpenRice 啲食評， 比較份量，質量同價錢 ，再減埋coupon , 都係&you 啦 經濟唔好呀麻🥲🫠叫左份豬排 焗豆 炒蛋配多士牛油好多🫠多到我要即刻挖走😹焗豆就….我個人覺得又幾好食喎 細細pat , 過下癮，食落唔似啲鷹x 牌茄汁焗豆？豬排好大塊 聞落都好香 水準保持到 蛋就滑滑的 金黃色既唔講咁多， 我食野先🤓😌…查看更多

好難食，岀餐慢，美心集團🙄叫咗明太子蟹柳意粉(凍鮮無味蟹柳，明太子汁好稀無乜味)和叫咗日式炸豬扒定食(炸豬扒好燶，皮肉分離，全瘦肉)，覺得好似食垃圾，平時好少浪費食物，但真係吾想食…查看更多

5.1. 黃金週假期，早上同屋企人去食早餐，點選了&You 早餐及豬扒煎蛋蕃茄韓式拉麵，飲品配白咖啡,奶茶和可樂，還加配了全麥多士。&You 早餐有慕尼黑腸、煙肉，炒蛋、牛油果醬、蘑菇、熱香餅及芝麻菜蘋果沙律，幾欣賞佢個芝麻菜蘋果沙律，健康之選，熱香餅都好好食；豬扒煎蛋蕃茄韓式拉麵，豬扒大件，味道ok; 加配的全麥多士脆脆地，熱熱地配上牛油一流，而家有$10折扣優惠，3個餐可以用3張coupon, 都ok 嘅，本身是有點小貴。…查看更多

餐廳位於市中心商場內🏬主打西餐、漢堡包🍔眼見環境整潔又舒適🫠而且價錢算合理‼️於是我哋就找個座位自助掃code📲下單今次我哋點咗：🌟燒雞胸肉凱撒沙律🥗+鮮奶咖啡套餐賣相吸引🤩雞胸肉嫰滑🐔蔬菜新鮮，份量都唔少；蒜茸包又香又脆口，好食😋🌟豬肉腸蕃茄忌廉汁意粉🍝+$另加薯條🍟意粉拍得住高檔西餐廳質素，麵質口感唔錯👍番茄仔夠新鮮配搭醬汁一齊食超滿足‼️…查看更多

話說琴日諗住俾多次機會呢間餐廳🍴因為第一次去嘅時候食炸雞已經係唔熟㗎啦🥶但係個味道係正常嘅🤡跟住琴日去叫咗個豬扒蛋飯 個豬扒係生…個員工都承認豬扒確實係生！一個最基本 豬扒蛋飯都可以唔熟 個廚師究竟係咩事？之後間嘢話換過一碟俾我都算數😮‍💨點知叫咗個雞翼 首先層皮係超級硬🫠然後入邊啲雞翼係紅色 只係介乎於僅僅合格熟同唔熟之間🙂個員工大大力話冇問題 仲用白切雞同我比喻 話白切雞啲骨都係紅色 心諗同雞翼有咩關聯😇仲要話係啲醃料搞到紅色 問佢咩醃料又講唔出🧐之後我話影相報食環署 佢仲要話好 員工就走開咗當我真係打電話嘅時候 佢又走過嚟話換比我是在自打嘴巴嗎？🙂‍↔️最後就退返雞翼錢俾我😮‍💨以後都唔會再去食呢間嘢！🤮🤮🤮…查看更多

去到屯門廣場，有時都想就近搵下野食，去到三樓，看到有位店員在店外掂客，那就入內看看。快餐店格式，配上藍白柔和風格，感覺不錯。掃code下單，餐牌上有，可手機單中沒有，那一位像是經理的女店員走來，說在現在手機只有下午茶，如果是這時間點餐，去門外單餐還有七五折優惠。心算一下，價錢抵玩，那說聲感謝就去門外點餐，叫了牛肋肉條飲和，問了店員有什麼推薦的黑醋雞漢堡餐，外面比較少看到，留意茶類只有熱的選擇，沒有凍。那拿了電子牌回到座位，等了一會兒就先來牛肋條飯，好日式的風格，有湯和沙拉，不過不失，配菜那兩片蘿蔔沒有吃，其實換成醃漬的黃蘿蔔比較好。肉都是剛好一口一口吃，份量一般，茶也比想像中大杯。汁醬就像是傳統蕃茄打個底汁，再加香料和像羅宋湯料組成，酸甜咸的口感，和肉都可以配合。吃到一半，漢堡來了，薯條吃上去比較油，像是蕃炸，扣分。漢堡的麵包和在外面吃的不是大眾貨？很軟軟的麵包皮，又很鬆漲的密度，口感不錯。雞炸得有汁水和嫰滑，就是黑醋的味道不多，麵包甜度有點高，搶這過了調味因為打了折扣，和在外面其他店食的差不多，想不到有點驚喜，也坐得不錯，店中的態度和服務可以。店名：＆you地址：屯門廣場三樓附近。費用：打了折扣，那就大眾價位。如要看更多食評，去主頁點擊，純自費吃飯，希望有金主課金QQ…查看更多

之前幫襯過幾次都覺得整體幾好，最近再去叫咗個拿破崙意粉定食，成碟煮到燶曬都照出餐，要慢慢挑曬啲黑色嘢先敢食，味道就得個酸字，本來想投訴，驚廚房加料所以都硬食，不建議點呢個定食。…查看更多

今日屯門做嘢做晏咗先食飯，諗住去屯門市廣場食嘢多啲選擇。見到呢間& you好似幾啱食，諗住試吓。太肚餓個腦思考唔到，諗住叫個set算數。我叫咗個紅酒牛肋條套餐。拍檔叫咗鯖魚。雖然個牛冇乜紅酒味，但係牛肉都算多，個汁送飯都好味。拍檔個燒鯖魚雖然細條啲，但佢都話好食。個飯佢哋用珍珠米，湯可以揀味噌湯或者粟米湯。我哋叫咗粟米湯係用粉開嘅，不過都算好味。每人$88 坐得舒服都算可以。…查看更多

今日去到第一次食， 叫店員攞隻碗， 咁簡單嘅要求佢都黑曬面， 你說話我聽提我要自己攞， 其實今時今日香港飲食業搞成咁， 真係咎由自取， 嚴格嚟講係抵x死, 我以後都唔會再嚟. 畀咁嘅價錢但係完全冇服務可言， 食快餐都冇咁受氣， 加上食物質素都係好一般…查看更多

&you位於屯門市中心，菜式非常多元化，有便當、意粉、全日早餐、漢堡等，呢啲西日式料理。餐廳空間寬敞，環境都舒適，而落單係需要用到QR code掃描並支付，無需等待店員落單和牛漢堡扒日式咖喱煎蛋鮮菇飯和牛漢堡扒，牛味濃郁，肉質都嫩滑，份量適中，咖喱汁充滿日式風味，香味濃厚，微辣中帶點酸，再加埋煎蛋嘅蛋汁，令人開胃，但份量有點偏小。鮮菇則中規中矩，另外，碟邊附上一些蔬菜，啱晒注重均衡飲食嘅都市人黑醋脆雞漢堡配薯條脆雞口感酥脆，雞肉唔嚡，但黑醋醬汁較少，漢堡稍微偏乾，配餐的薯條份量不算多，但口感香脆…查看更多

手機落單先支付，以為去咗快餐店或者國內消費，不過減省成本都係正常點咗紅酒牛肋條套餐非常鍾意個粟米濃湯，每啖都係粟米😊紅酒汁上碟已聞到好香撈飯真係好享受牛肋條唔錯都幾入味又夠腍呢度擺枱唔算密，如果二人食飯傾吓計都舒服…查看更多

最近收到d coupon，原來呢間野開始賣早餐，但經過上次幫襯既經驗真係唔想再食呢間野，但老婆話比多次機會佢，所以就落去睇下有咩食，見個餐牌價錢都吸引，正當我地想入去果陣又見到上次果個光頭佬，我地企係門口就已經見到佢唔戴手套掂d食物，下一秒就hi落個身度，即刻同老婆講走！…查看更多

星期六同老婆去左呢間野食，野食係屯門區算係唔錯，而且個環境就幾好，搵左位之後原來掃qr code落單，叫左個明太子意粉，味道唔錯，老婆就燒雞漢堡，都幾大份，兩個人都係200蚊左右。坐既位置可以見到廚房煮野，可惜發現唔係好唔衛生，見有個光頭廚房佬講嘢好大聲，又成日咳，成個廚房得佢著便服，唔知係未d大粒嘢啦，真係唔敢再有下次，好彩嗰次食完冇咩病痛，我覺得咳唔緊要，但戴番個口罩，始終係做飲食，仲要開放式廚房…查看更多