YOLO Cafe & Bar (已結業)

嗱嗱，就嚟同大家講下我去到間有份量又有水準嘅餐廳食嘅經歷🍴。一落座我哋就點咗個二人套餐嚟試，其中個忌廉雜菌湯，幼滑得滯，沖咗我夠癮，湯裏頭嘅菇味濃郁得嚟又唔死咸，起咗個好頭。啱哋，個水牛城雞翼一上枱，即刻攞起嚟啖，香辣得嚟又帶點微酸，啖啖肉香，真係過癮添！主菜方面，三文魚意大利飯，啱晒唔鍾意食得太重味嘅我，青青草味噴香，三文仔肉質鮮美得滯；香辣大蝦意粉就啱晒想刺激下味蕾嘅朋友，辣得啱啱好，個蝦又夠晒彈牙，治癒咗我個肚餓病。最後，青檸梳打輕輕酸酸地，爽口得嚟又清新，盡收夏天涼快風情。講真，要講係非常美味同實惠嘅一餐，讓我走進貴氣嘅世界，但又唔洗破產，心情都順嘅！我食完之後心情好好，感覺就似係喺屋企附近嘅茶餐廳嗰種親切。如果你想搵個地方令自己嘅五官都開心，呢間絕對可以考慮啦👍🏻！…查看更多

同fd食完嘢諗住喺旺角搵間未去過又唔嘈嘅bar坐低，見呢間有位又靜靜地就入咗去店內環境昏暗，有啲打卡語錄燈，空間大，裝修簡單，有啲當眼位置放置咗雜物。但係，行入去冇人理你，我哋企喺度不知所措尷尷尬尬，等咗好一陣間先有人示意座位。🔸Pink Coast $98 + double shot Lychee, rose, elderflower, lemon, soda, gin嘢飲可以加錢叫double shot，酒味明顯重啲，但整酒整好耐，一度以為漏單，味道就不過不失。…查看更多

一坐低就比碟蝦條我，餐具都未有就擺上嚟，喊到痴根，用手食，仲要冇紙巾，最後收我$28一碟。個炸雞超難食，等咗好耐，間餐廳已經係冇乜其他人，得嗰幾舊收我$200。重點係好唔抵好唔抵好唔抵，貼錢買難受。一碟炸雞一杯嘢飲，兩個人食埋單280 仲要係勁肚餓，炸雞超級厚粉，完全唔新鮮 極大雪藏味，衰過麥當勞 178嘅炸雞只有七件，全部都係細塊，完全唔明點解人有人會話好食，超級大伏，希望各位兄弟姊妹，真係食呢間錢要三思…查看更多

早排同女朋友經過附近諗住試下新野 完全中哂伏 唔會再有下次😂一開頭QR落單已經搞左勁耐 個版面勁慢 同左staff講 靜係叫我地等下 可能係個上網問題 心諗你直接幫我落唔會快啲咩😅兩個人叫左個豬仔骨, 青醬蜆肉意粉同雞翼個豬仔骨勁韌 個bbq醬帶酸 唔知係咪變壞左🫢青醬蜆肉意粉無味 份量太少雞翼 水牛汁ok 不過啲雞翼唔好食 雪左好耐野飲叫左兩杯洛神花 第一次飲落係有苦味😂賣單個時有同個staff反映啲野食質素 一句唔好意思都無講聲 靜係講話多謝你意見…心諗唔洗咁既態度嗎 仲要收人加一 又逼住瘋狂食隔離枱啲二手煙 成間鋪烏煙瘴氣🫣咁既服務質素 個環境幾靚都搞唔掂…查看更多

早幾日同幾個FD黎飲下野chill下 但最尾竟然係唔開心咁走 超掃興入到去啲staff態度都已經唔係好 我地3個女仔要坐二人枱 啲枱凳又細又逼 坐到勁唔舒服最失望係啲野食 中哂伏 個nachos居然係凍 上面啲醬又勁少 我不如自己買包薯片好過個青醬蝦同卡邦尼意粉無味之餘 仲要係有蛋殼…😑個蘋果批皮淋個心係凍 食落有啲怪味全部野食係得啲蝦叫接受到仲要收加一 絕對無下次 亦都唔會叫朋友黎 …查看更多

早排係網上見到呢間野 諗住同女朋友黎試下 點知中哂伏 入到去啲職員態度都唔太友善 串串貢咁 見到個menu都無乜興趣 不過見一場黎到 照試下啦 主食選擇唔多 扒類完全無 全部都係簡單意粉同飯 價錢都偏貴 所以最尾叫左個二人餐 叫做抵食少少 沙律正常 個湯幾香但好咸個意粉無味 仲有蛋殼😂 意大利飯個味還可以 但係太少珍珠貝 齋食飯咁雞翼質素好一般 感覺係雪左勁耐食落有啲霉咁 係得個汁叫做好啲個Yuzu honey就勁淡 似飲緊水咁…食食下期間唔小心倒瀉左水 但無人理過我地 啲職員圍埋係到嘻嘻哈哈 仲要可以自己開左枱黎食水煙 心諗雖然無乜客姐 但起碼都有番少少尊重同態度去對啲客呀 仲有想講既係 可唔可以分番吸煙區同非吸煙區呢 隔離枱啲水煙成日攻埋黎 想食餐安樂茶飯都唔得 唔報控煙辦都偷笑 最尾仲要收我加一 邊到黎既自信同服務…裝修就各花入各眼啦 係大廳個燈牌感覺好老套😂(純粹個人意見) 同埋cafe黎講無風格 唔知想行咩路線 打卡位亦唔多 感覺似酒吧多過cafe餐廳…查看更多

【其實服務唔差！】之前見有d 食評話服務差本來有少少影響我黎唔黎食但今日同好朋友黎食個afternoon tea侍應都非常有禮貌有笑容 會教點用qr code 落單會提醒某d 食物要時間去焗/準備食物味道同賣相都符合預期意式磨菇批培茶鮮奶蜜糖雞翼個調味唔錯！如果之前真係服務差既話我覺得佢地都有睇到食評而努力改善！環境舒服，適合約朋友黎吹水，或者自己一個黎放鬆下唯一係覺得冷氣比較大 可能坐左風口位不過落雨天開大左少少冷氣 都應該既~…查看更多

上兩個星期同朋友嚟呢度食飯見網上啲相影到咁靚 諗住實冇死點解樣樣都令我失望:(首先係員工態度 真係勁差一入去好似唔想招呼我同朋友咁然後一野就咁掉個QR code俾我地又鞋口鞋面 我地入嚟到坐低前後都冇1分鐘已經咁嘅態度之後諗住算 當食野啦點知野食先最差 個卡邦尼意粉唔知想點凍架大佬 仲差過我去7仔買$18叮叮意粉個流心蛋唔係流心架🥲甜品蘋果批 衰過麥當勞蘋果批起碼人地都食落係熱辣辣大佬 比啲誠意啦 收我$58個架仲有就係咁大間舖可唔可以分返開吸煙區同非吸煙區對我同我朋友都唔食煙嘅嚟講真係好難頂總結 真係好難頂:(唔會推介任何人嚟環境靚都係咁話…查看更多

首先係見到呢間餐廳有應援活動先嚟，總共嚟咗兩日。第一日啲staff態度都唔係話好架啦，又係叫幾次先應，但係最基本嘅野都有比齊。點知第二日嘅體驗令我忍唔住要上OpenRice打食評😀入座要比嘅落單QRcode15分鐘都無比，叫極啲staff都好似聾左咁扮聽唔到，叫野飲又唔比杯墊，小食拼盤上到嚟又淨係比個空嘅醬汁碟，叫個staff埋嚟睇佢都忍唔住笑😂做野咁唔上心，唔明點解OpenRice上面仲有人話佢店員友善，叫10幾次都唔應+比佢黑面，我真係睇唔岀佢幾友善啦。仲要收人加一，我真係唔知佢服務左我啲咩。講翻野食，叫左飯+意粉+all day breakfast 飯嘅賣相就見人見智啦。個意粉食左2日隻蛋都係實心，一啲都唔流，仲要係凍🙂係雪櫃攞岀嚟應該都係差唔多温度All day breakfast個炒蛋仲食到有蛋殼😂叫左杯milkshake，水到成杯朱奶咁又無味，麥當勞都整得好過佢一百倍。成間野最好食就係個鮮炸魷魚同埋薯條😂甜品方面cake就不過不失，不過蘋果批勁難食，皮淋蘋果有怪味，好想知蘋果批咁易整點解都可以咁難食總結係你食埋我果份，想去試伏嘅我唔阻你…查看更多

同朋友去食Dinner, 見到啲相環境唔錯，本身都好高期望，點知完全中伏～嗌咗個all day breakfast, 入面最好食嘅竟然係茄汁豆都幾好野🙃啲蛋炒到又老又有蛋殼，薯餅又勁乾有雪味….十分難吃朋友嗌咗碟流心蛋意粉～送到黎凍到好似隔夜餸咁最後嗌咗蘋果批…以為有少少希望，但最後係一個完全唔熱又唔鬆脆既東西出咗黎🙃店員懶散態度先至最令人大開眼界，只有一個棕髮女生用心服務～其餘都係勁懶懶閒，特別有個似係新入職的女生，問佢有關落order既野，勁唔耐煩咁回答，仲要答錯晒啲野！！🥲餐廳個名叫YOLO…我諗我都只會係食一次，冇下次建議改返名做You Only Eat Once算數😅嬲到我淨係影左張單，啲野食影都冇影過🫠…查看更多

味道比預期實在差太多 嘢食可以講係完全唔達標 嗌左個Brunch 咁Classic嘅嘢都可以唔好食 個薯餅好大陣雪藏味⋯⋯仲衰過M記個啲 蛋亦煎到老哂 個菇出哂水又腥😅 最出奇係個Chocolate milkshake 飲落去只係可可粉溝奶 有chocolate 有milk 但冇shake😅仲要唔甜🙃 另外相信唔少人會認同 個流心蛋意粉水準參差 一時溫泉蛋一時半熟 最後係個蘋果批 係現成嘅都唔緊要 好歹都焗熱少少⋯⋯ 上到嚟只可以話暖暖哋 味道亦好難令人滿意 環境值得一讚係裝橫都幾靚 幾有氛圍 但係冇明確區分水煙區 食嘅時候隔籬枱食水煙 我哋枱食哂 結果有位朋友氣管敏感服務欠佳 當中有道菜上左一個空嘅鐵兜😅 問返先知原來係比漏左茄汁 有位職員全程亦態度冷淡 幾次詢問都冇積極回應 好令人沮喪希望貴店努力改善🙏🏻😅…查看更多

嘢飲完全不符合預期，highball似啲冰溶咗溝出嚟，叫杯passion唔知乜嘢黎。叫個Shisha等咗八個字都未到。嘢飲叫四杯嚟咗三杯。仲要有個侍應出嚟懶醒話Shisha係要等，話啲草要焗。焗40分鐘。焗到變草乾啦。你估我唔知要焗咩。唔係等八個字吓嘛？之後先死死地氣話我地趕。不如取消。挑，你一早講要40分鐘咪得。基本服務。冇。嘢飲質素。冇。shisha質素。sorry冇嚟到。唔知呢間嘢係做乜嘅。唔該顧掂自己能力先好諗住懶醒串個客啦。…查看更多

係網上口碑甚佳的YOLO Cafe 裝修風格走Cyber路線，環境衛生，座位舒服睇到佢哋提供輕食同全日早餐，好啱我口味==========🔹 YOLO All Day Breakfast 肉系主義早餐 (太陽蛋/炒蛋) $128(蛇餅腸，雜菜沙律，多士，薯餅，煙三文魚，茄汁豆，雜菌)揀咗炒蛋，炒得嫩滑保留蛋汁多士夠脆口；茄汁豆經過烹煮==========🔹Onsen Tamago Carbonara 慢煮溫泉蛋卡邦尼意粉 $98卡邦尼汁帶輕淡不膩的忌廉味道意粉軟硬度適中有口感溫泉蛋煮的時間拿捏得好，蛋夠軟滑輕身；煙肉香口==========🔹Dirty 髒髒咖啡 $42冷與熱在口中交織，咖啡帶應有的苦，酸，甘味道🔹Caramel Latte 焦糖咖啡 $45甜度不高，帶淡淡的奶香及咖啡味道==========最令我滿意係店員的服務態度，殷勤有禮又主動，值得嘉許🫰🏻…查看更多

小清新🌿舒適Cafe☕️可能係最好飲嘅檸啡🍋💎 檸啡 (Iced) $50必飲💯💯 （😋：8.9/10）👍🏻：又好飲又好睇😍必叫‼️可能係我飲過最好飲嘅檸啡🤤🤫真係好refreshing🌱完全冇咗嗰種苦味🥰檸檬令到成杯咖啡更加提神醒腦🍋👎🏿：冇✅💎 Americano $35一般✅（😋：6.8/10）👍🏻：我個人來講唔識飲齋啡 純粹覺得有咖啡味 有啲酸味 有啲苦味咁🙈🤣👎🏿：朋友就話覺得唔太好飲，有少少似豉油味？💎 YOLO小食拼盤 $148可以一試✅ （😋：7/10）👍🏻：四隻炸雞翼最好食，都幾大隻，皮脆肉嫩，唔錯！小食拼盤就係咩都有啲🥳好啱大家晏晝飲杯咖啡吹吓水，夜晚配杯啤酒🍻Cocktail🍸摸吓酒杯底～👎🏿：本身對香辣魷魚圈好有期望🥹不過食落就只係正正常常，普普通通咁啦，口感亦唔太煙韌。豬肉腸都普通，冇乜肉香味環境：8.2/10 （張枱都幾大，坐得好舒服）服務：7/10 (電話自助落單)價錢：人均約 $100性價比：7.5/10📍 YOLO Cafe & Bar (旺角)旺角染布房街6-8號華樂大廈地下6號舖…查看更多

追星的小胖友有日特約小胖話可一路追星一路食嘢，追星都有嘢食？小胖唔信就當然要去睇下😆起初以為係某星開的餐廳，因為內部貼滿明星嘅週邊又會播歌，後來胖友話原來佢唔係單一某明星餐廳，係會支援不同的明星，幾有趣，不過就算唔追星，佢內部的設計都算ig able ，座位設計亦寬敞，不錯去。小胖點了南瓜湯蘆筍蟹肉意粉，芝士忌廉溫泉蛋啡菇和髒髒咖啡佢的意粉軟硬適中，味道不錯，蟹肉量亦算多，蘆筍唔會太老，冇咩渣，不過南瓜味未係好突出，可加強溫泉蛋水準不錯，唔會有蛋腥味，啡菇夠大粒，亦都十分多汁，唔會烤到乾晒咖啡味道濃滑，唔會過甜特色餐廳來說，不錯食…查看更多