狗狗爸爸睇到社交平台帖文，餐厅喺4-7/10 1200-1700推出牛扒薯条tasting menu，每客$249，包经典核桃沙律同主菜(牛扒薯条)，主题吸引，一于订位试试。周日1345到达，喺餐厅侧边的食肆人多狗狗多，但呢度冇食客，变咗包场。沙律好快送上，谂住快少少食完便离开，可惜其后出现小插曲，最后食咗2个钟。经典核桃沙律：之前食过，钟意沙律入面的腌洋葱；食材简单，有罗马生菜、腌洋葱同核桃，酱汁系略带柠檬味的橄榄油；生菜爽脆；腌洋葱微酸，唔咸，开胃；败笔系核桃，食落好腍，冇正常脆身的口感，食多几粒先察觉佢氧化咗，有油膉味；向狗狗爸爸求证，佢都食得出，只好同侍应反映，之后厨师亲自向我哋了解，其后亦解释批核桃系前一日焗好，余货亦唔系粒粒出现同类问题，所以餐厅都唔确定成因；最后，厨师主动提出换过另一款沙律俾我哋尼斯沙律：之前喺度食午餐，可以拣尼斯沙律/核桃沙律，呢款沙律虽然食材丰富(罗马生菜、素吞拿鱼、鸡蛋、车厘茄、薯仔)，但唔系我的心水，不过餐厅只得2款沙律，所以当听到换另一款时，都知道系尼斯沙律；沙律料多，食材新鲜，只系薯仔连皮烚，冇调味，麻麻地；制作呢个沙律要烚蛋又要煮薯仔，所以，上菜需时，时间观感真系几长牛扒薯条：有一份由侍应送上，另一份由一位唔系穿著黑色厨师服但又应该对菜式熟悉的店员/店主送上，佢提我哋一定要连汁食；呢件素牛扒由𤠣头菇制成，估计每份餐用咗2只菇，而餐厅又冇花太多心思摆盘，令牛扒的presentation唔靓，沿边位岩巉，模仿上冇咁逼真；撇除摆盘，主菜都几好食；伪装成牛扒的猴头菇染咗鲜红色，有牛扒血腥的视觉效果，口感上系菇的软腍，至于味道方面，如果唔点酱，依然食到少少甘苦味(唔知餐厅系咪自己浸发𤠣头菇，处理程序又真系唔简单)，配合酱汁可有效覆盖到阵甘苦味；薯条唔热但松脆，不过因为超幼，所以冇乜薯味；酱汁系灵魂，每次嚟游，最期待就系酱汁，呢款酱creamy，唔识形容佢的味道，但入口温和呢个餐冇加一，抵唔抵食见仁见智，我抱尝新的心态嚟，的确得到我想要的体验，但客观咁计，1个沙律+2块猴头菇+1堆薯条+酱汁，唔算抵食，所以，要谂多啲系研发呢道菜的时间同心思。食完后，心谂：我会再帮衬吗？今次出现核桃沙律同摆盘呢啲小细节问题(前者餐厅都有诚意处理)，我觉得呢度的消费同餐厅对细节的执著未算对等，而呢一点系由第一次嚟食嘢直至而家，都喺唔同范畴呈现，令人又爱又恨，而且一次又一次，难免失望~…ดูเพิ่มเติม
，早几日问左新年开唔开，佢话开，咁我就WhatsApp Book咗6:30pm 3位，专登初一想带妈咪嚟食好嘢，佢要求早几日要拣好食咩我就拣咗呢5样：茄子鱼子酱尼斯沙律法式纸包鱼威灵顿牛柳葡式焗鸭饭坐低等左1小时，等到瞓著咗终于嚟第一样，法式纸包鱼，眼见枱枱都要等差唔多一小时，其实我唔明，点解早几日落定单，都会准备唔切？ 
跟住佢话前菜要最好上…….下！我冇机会答可唔可以唔好佢已经走左，跟住又等半个钟嚟威灵顿牛柳，冇耐嚟葡式焗鸭饭再等半个钟先嚟到前菜茄子鱼子酱，个茄子系冰冻 但要最后上？
跟住又喺度先沙律，已经21:30，3个钟都未嚟到个沙律，成间餐厅得返我地3个，我问唯一一个只系不停禁mon既侍应，个沙律唔嚟就帮我Cancel佢，佢大叫Shit！跟住入厨房，跟住佢出嚟问我，你系咪真系有落单？
必定要来试一试的法式素菜
最推介是威灵顿牛 鱿鱼圈 纸包鱼 牛油果他他 炖肉每道菜份量足够 非常满足。环境舒服 －个好值得推介的西式素食餐厅
