Xi Xup

营业中

休息中

岩岩呢個weekend，話晒老公同我想搵啲新意，決定去大圍區搵個靚地方食lunch，順便感受下唔同嘅情趣！老公帶我去到呢間餐廳嘅門口，點知一到就勾起我嘅回憶——好似好耐以前有個小學同學喺附近教書咁！店主同我哋吹水時話，呢度嘅熟客多數係街坊、平日上班族同老師。餐廳嘅裝修好有格調，有淨色牆同一個超搶眼嘅大壁畫，色彩豐富得來又唔過火，成個地方有種好chill嘅氛圍，飲住杯越南咖啡，食個lunch，簡直係繁忙上班族嘅「回氣站」！店員推介嘅signature dish係大叻薄餅（Da Lat Pizza），可以揀雞肉定牛肉，薄得來脆卜卜，上面仲有豬肉鬆做topping，食落真是一個驚喜！口感同我同老公舊年喺富國島食嘅八爪魚炸米餅有啲似，攪到我食住食住有啲掛住旅行，差啲眼濕濕！另外我哋點咗一啲我同老公嘅越南菜必選：甘甜班蘭蜆湯，隻隻蜆都大得誇張又juicy，湯底甜甜地好開胃，仲配埋香噴噴嘅焗法包，完美！老公呢個「靚牛狂熱者」，每次出街食飯都要搵靚牛，見到有蜆嘅菜式佢都係照點不誤，哈哈！Weekend嚟到呢度，見到店主親力親為咁serve客，雖然忙到飛起，但同每個客人都keep住嗰份親切嘅互動，真心

今日黎到大圍呢間既越式小店餐廳真係大驚喜呀!!!唔單止環境舒適, 服務好, 食物質素仲非常高 食完讚口不絕, 好值得再黎食!!!除左餐牌上既餐點之外餐廳仲有offset menu......班蘭撞奶 $38一上枱就聞到超香班蘭味底層係濃郁嘅椰奶, 上層係班蘭汁, 撞埋一齊形成漂亮嘅漸層~~飲落先係班蘭嘅清香, 跟住係椰奶嘅滑溜, 甜度啱啱好越式炒蜆 $78鑊氣十足!! 炒到香噴噴~~~蜆肉飽滿冇沙, 最正係個汁, 鮮甜惹味豬腩蝦肉米紙卷 $48米紙煙韌透薄~~ 豬腩肉肥瘦適中, 蝦肉爽甜, 加埋紅蘿蔔絲, 青瓜絲同檬粉, 口感豐富點埋自家製醬汁, 酸甜開胃!!串燒雞肉$78雞肉燒到外皮微焦, 香口卜卜脆, 肉質嫩滑多汁蝦醬通菜 $98呢道菜非常惹味!!! 蝦醬落得夠多但唔會好咸, 通菜炒到翠綠爽脆順化扎肉牛尾湯米線 $98湯底超正超濃郁!! 啖啖都係蝦既精華牛尾炆到淋滑, 扎肉彈牙有咬口~米線索晒湯汁精華, 超超超好味

❤️Da lat Pizza Beef 有芝士、肉鬆、豬肉、蛋等。可選雞或牛，揀左牛。呢款薄餅幾特別，佢餅底十分薄而脆，可用鉸剪剪成一片片來吃。旁邊還有微甜的醬汁，點埋醬汁同吃更滋味～😋❤️Bun Thit Nuong 豬頸肉春卷撈檬除左有豬頸肉，重有豬肉串、春卷等。配菜還有柑桔、椰菜絲、薄荷葉、紅蘿蔔絲🥕等。豬頸肉上有炸蒜等，入口份外香口👍🏻。落埋酸汁同吃更開胃🤤。夏天食撈檬十分清涼～🥰❤️Caramelized Wings 魚露炸雞翼炸得十分香脆😍，皮脆肉嫩，肉汁鎖住了，不錯吃！👍🏻

樓底極高，空間感十足，裝修以型格黑色為主調，巨型西貢小姐壁畫相當吸睛，主打南越正宗地道菜式。燒豬肉米子卷 ($48)燒豬肉香口，配上微甜濃香的自家製花生醬，味道充滿層次，令人胃口大開。烤雞腿肉串燒 ($78)雞腿肉嫩滑，肉汁豐富，味道香甜，不用蘸醬汁已滋味滿盈。生牛肉河粉 ($98)湯頭濃香鮮甜，牛肉軟腍，肉味濃郁。椰子咖啡 ($48)香醇濃厚咖啡與清甜椰香交織，清爽提神，加上烤椰子片，帶來豐厚口感，一試難忘。

Xi xup—大圍越南菜🇻🇳小店，環境好有格調，好似去左越南嘅酒吧餐廳咁，一入到來就被牆上壁畫吸引住！🍽️火魔牛肉🔥，用瓦煲點火煮熟嘅牛肉，伴以越式香料同洋蔥煮成，搭配蝦片食，牛肉肉質嫩滑，食落濃味🐮肉鬆烤茄子🍆，用醬油醃過嘅茄子，上面鋪滿肉鬆😛雞肉串燒🍗，配上紅蘿蔔同青瓜絲，大大減低左油膩感，食完之後唔會覺得好heavy😚豬頸肉春卷撈檬🐖十分豐富，唔單止有豬頸肉，仲有越南網春卷，搭配大量芽菜同紅蘿蔔絲，咬落去好有咬口！#xixup#大圍美食#越南菜#香港美食#hkfoodie#hkig

今日終於去到大圍一間新開嘅越南餐廳，名叫 Xi Xup 。餐廳位置就喺大圍站一出直行到尾油站附近，裝修風格相當吸引，牆上有色彩繽紛嘅越南風情裝飾。環境好舒適，燈光柔和，非常適合朋友聚餐或者情侶約會。我試咗幾樣招牌菜，首先係燒豬肉米子卷，米紙外皮煙靭，裡面包住新鮮嘅蔬菜同燒豬肉，搭配特製醬汁，味道好豐富，口感層次感十足。接住嚟試咗火龍法包，裡面有扎肉、豬肉，加上多種新鮮蔬菜，咬下去真係口感爆表！醬汁酸甜，非常開胃，與香脆外皮形成完美平衡，真係好想再食多一個。魚露炸雞翼方面，外皮炸得脆啲，咬下去時，完全無油膩感，魚露的鹹香令雞翅更加美味，真係一口接一口。最後仲試咗個炒通菜同大叻薄餅，底部用米紙製成，底脆脆嘅，上面有蛋、芝士同肉鬆，味道既特別又有趣。整體而言，呢間 Xi Xup 餐廳無論係食物定環境都一流，真係好適合越南菜愛好者，強烈推薦！我已經迫不及待想再次光顧！#越南餐 #越南料理 #越南小馆 #香港 #香港美食 #大圍 #沙田大圍好介紹 #大圍xixupXi Xup (大圍)大圍積存街70-72號景星樓地舖

同事成日講佢屋企附近有間隱世越南菜好正，終於有機會試到👍🏻一入餐廳已有幅好靚既人像壁畫，內裡既裝潢都好有feel,好chill 既感覺，餐牌選擇唔算好多，但都幾特別同好食😋1. 炸香菇蝦春卷 💰$ 881碟有4大件，外面脆卜卜，包住原隻大蝦，一咬落去食到啖啖蝦肉搭配咗香菇肉碎粒，增加味道既層次&口感，沾呢度既特色秘製汁，好好味😋食咗2件都覺得唔夠喉🫢2. 冰鎮苦瓜 💰$48呢個係夏天必選，無諗過不用烹調，都可以咁好食🤤苦瓜一d 都唔苦，咬落去又爽又甜，中間配咗碟肉鬆，原來呢兩樣野可以咁夾，食到停唔到口，沾廚師配既甜椒醬又另一返風味3. 豬腩蝦肉米紙卷 💰$48晶瑩剔透既米紙透視咗裡面豐富既餡料，有大隻蝦，一d 都唔肥既豬腩肉，生菜，紅蘿蔔絲，檬粉，煙韌既外皮咬落去口感相當豐富，沾埋個汁，特別開胃4. 大叻薄餅 💰88米紙除咗可以做卷物，原來仲可以做pizza 底🫓係出面未食過，有肉鬆，腸仔，芝士醬，味道好特別，好食到食完一件又一件🤤5. 蝦醬通菜 💰$78傳統口味，蝦醬好香，但又唔會好咸，上面配咗少少乾蒜碎同辣椒粒，另碟菜更香口，呢個餐牌係無顯示架🫢🫢係上open rice 見到多口問

大圍入面有好多滄海遺珠嘅cafe，喺大圍嘅後巷入邊藏住呢間環境chill爆充滿越南風情嘅小店，佢播住舊式英文歌🎶提供各種傳統越南菜式任君選擇，聽講ViuTV曾經都介紹過呢間今次試咗佢哋嘅lunch set，包一個random starter、main同埋飲品，最出色係豬頸肉春卷撈檬🐷豬頸肉爽口彈牙，撈檬汁酸甜開胃，呢款嘅料較豐富滿足☕️另外越式牛奶咖啡都唔錯，越式咖啡會比較苦但呢杯都算容易入口，餐廳嘅椰子咖啡好似幾hit不過lunch set就冇包呢杯嘢飲，想試嘅話就要散叫啦🙌🏻-𝙎𝙚𝙩 𝙈𝙚𝙣𝙪 ▫️是日頭盤 ⭑⭑⭑⭒⭒▫️生牛肉河粉 $𝟭𝟬𝟴 ⭑⭑⭑⭒⭒▫️豬頸肉春卷撈檬 $𝟭𝟬𝟴 ⭑⭑⭑⭑⭒▫️青檸梳打 ⭑⭑⭑⭑⭒▫️越南咖啡 ⭑⭑⭑⭑⭒

💙 一入到去餐廳已經比巨型壁畫吸引! 係一個越南女仔嘅側面，顏色同埋風格都好靚👍🏼 餐廳氣氛亦都幾舒適，少少昏暗感有啲情調🤣💙 肉鬆烤茄子 $68首先嗌啲小食食吓，呢個係冷盤，連埋肉鬆食都唔會太鹹，茄子充分吸收咗醬汁，一咬就爆汁，估唔到又幾滋味😍💙 蝦醬炒通菜 $78通菜一直都係我哋好鍾意食嘅菜，因為都係非常之掛汁！蝦醬同通菜好夾，份量亦都不少😁💙 生牛肉河粉 🍜 $98嚟到越南餐廳一定要食Pho 🤓 生牛肉換言之就係上菜嘅時候仲係半生熟，之後用非常熱嘅湯去浸熟佢，咁就唔會過熟而引致肉質太韌。湯底都處理得非常好，高質的越南河粉👍🏼💙 燒豬扒鴨蛋飯 $98雞蛋就食得多，鴨蛋比較少食，煎到燶邊，撈埋飯同埋豬肉一齊食好滋味😋半碟仲有青瓜同蕃茄💙 斑斕撞奶 $38 💙 桔仔梳打 $38呢度嘅飲品都比較特別😍 斑斕撞奶易入口，桔仔梳打有少少鹹柑桔嘅感覺非常解渴~下次早啲嚟可以試埋呢度嘅椰子咖啡/雞蛋咖啡呢~

前菜就已經開波好精彩～😋 🥢 肉鬆烤茄子燒得啱啱好嘅茄子，面頭鋪上肉鬆＋青蔥，再點啲微辣水蘸醬～鹹香有層次！💥🍆🧅🥖 越南法包（扎肉肉鬆）：外脆內鬆，扎肉同肉鬆夾得剛剛好，啖啖都好滋味～懷舊味濃郁！💛🍜 Pho Special X河粉：牛味超濃郁！有生牛肉、牛腩、牛丸，湯底清甜唔膩，配埋芽菜夠清新～暖笠笠好滿足 🤤🔥☕ 越南奶啡：香濃又帶少少甜，啱晒我呢啲奶啡控 😍 🥤 Lime Soda：酸酸甜甜，食完Pho 飲返杯清爽解膩，好舒服～🍋✨Xi Xup地址 大圍積存街70-72號景星樓地舖營業時間星期一 全日休息星期二至日12:00 - 16:00； 18:00 - 22:00

一直都好鐘意呢間越南野食物有創意，味道亦好有特色裝修好有特色，有一幅牆畫好有越南風情越式炒蜆蜆肉新鮮飽滿大大粒肉，一啲沙都無有啖啖香茅味蝦醬炒通菜蝦醬味道啱啱好，鹹香味十足烤牛肉米紙卷米紙皮有嚼勁，好足料食落清新，再加上酸酸甜甜嘅醬汁，很惹味魚露炸雞翼 雞翼大大隻炸得金黃酥脆，肉質鮮嫩多汁帶有微微的魚露香，好食！順化扎肉牛尾湯米線湯底濃郁，牛尾超級腍，最重要係無味精椰子咖啡口感係沙冰，唔會太甜帶輕輕嘅椰子味咖啡都幾濃味，有驚喜！

大圍總係有好多驚喜小店每次去探完親戚都一定要留喺大圍食飯，今次喺OpenRice搵到間比佢嘅名所吸引，一睇原來係越南菜，有得網上訂位，而且價錢都比較相宜決定一試餐廳位於比較隱蔽嘅位置，不過我哋book咗夜晚八點依然熱鬧，呢種人流令我更期待食物嘅質素 餐牌上有好啲係平時越南餐廳無見過嘅菜式，特別得來都依然保留住越南風味肉鬆烤茄子($68)茄子烤完依然嫩滑，同埋保留咗茄子嘅水份，配上醬汁，加埋肉鬆有多重口感魚露炸雞翼 ($78)魚露嘅鮮甜配以雞翼，為雞翼帶嚟天然嘅鹹味，薄薄炸粉雞肉汁，酥脆又Juicy順化扎肉牛尾湯米線 （$98）牛尾炆得好腍，湯底濃味而不油，加上米線嘅彈牙，吸收咗牛尾湯嘅鮮味，唔錯豬頸肉春卷撈檬 ($88)平時嘅檬粉感覺就係撈埋一堆，首先呢碟已經俾佢嘅擺盤吸引，外貌精緻，而且配料充足，份量偏多另外我哋仲點咗，炒通菜 ($78)雖然好飽，但因為好惹味所以都繼續食埋😅總結好食同有特色，果然隱世小店係生存之道

呢區餐廳小店多不勝數要突為而出真係要花點心思 。外面睇以為係一間酒吧，原來係一格好有格調嘅越南🇻🇳餐廳 。今日天氣超熱，高溫🥵天氣下好想食啲清爽午餐平日午餐有頭盤、主菜及飲品，免加一好吸引🤩頭盤係醬汁肉鬆茄子，大大件又爆汁，口感味道有啲似日式茄子，好特別🙌🏻豬頸肉春卷撈檬 $108大碗又多芽菜，我最愛😍豬頸肉入味，炸網紙蝦春卷好鬆脆，免治豬肉串很少係撈檬中出現，有誠意😋越南法包（扎肉肉鬆）$98法包🥖係少女粉紅色，好特別🩷鬆軟法包內夾雜扎肉及酸酸蘿蔔絲，加上特調肉醬，香口惹味👍🏻兩杯青檸🍋‍🟩梳打簡直係夏天解暑之選

場內有多個打卡位，一入門口就會見到黑熊同恐龍同你打招呼，牆身還有一幅牆畫，還有其他越南感覺既裝飾，不過當天滿座，未能一一打卡留念。🌸是日頭盤：肉鬆醃漬茄子🌟🌟🌟🌟🌟鹹香肉鬆，醃漬茄子夠入味。🌸PHO SPECIAL X河粉 $168🌟🌟🌟🌟🌟牛骨髓大大嚿，夠濃郁牛味道，牛骨還帶有筋肉，彈牙又juice既牛丸、嫩滑安格斯牛肉；牛骨湯超濃郁配埋河粉，超滿足。🌸BUN THIT NUONG 豬頸肉春卷撈檬 $108🌟🌟🌟🌟🌟天時暑熱吃個冰爽撈檬真係不錯，還有酸蘿蔔、爽脆青瓜、新鮮椰菜，再加埋酸汁，超開胃！豬頸肉燒得夠嫩滑、蝦春卷夠惹味，還有肉卷。🌸Viet Milk Coffee（cold）🌟🌟🌟🌟🌟豆漿咖啡口感特別，兩者配搭比較順滑。🌸Lime Soda （cold）🌟🌟🌟🌟🌟超Flash嘅感覺，還有話梅中和一下檸檬梳打嘅味道，口感有點似鹹檸七。

香港食過大大小小不同嘅越南菜最近嚟呢間餐廳．環境充滿格調品嚐到與別不同．充滿驚喜嘅越南菜式呢度好多客人都會點呢個招牌法包✨火龍法包法包口感鬆軟夾著扎肉同豬肉．上面仲加上肉鬆✨大叻薄餅薄餅都好有特式批底唔係一般麵粉製作咁厚薄脆嘅口感．沾上香甜嘅醬汁份外滋味✨越式炒蜆蜆肉新鮮飽滿滲出啖啖香茅味✨烤牛肉串燒牛肉質感軟腍．肉汁豐富非一般嘅傳統串燒✨班蘭撞奶味道香甜．滲出清新班蘭味今餐菜式特別．有創意一定有下次