Xi Xup

大围积存街好多好嘢食, 大家都知.但行多几条街, 冇谂过会揾到间咁有惊喜嘅越南餐厅.一入门口就俾佢嘅装修吸引住.个feel有啲似酒吧.墙上面有一幅好大嘅越南少女壁画.餐厅气氛好舒服.讲下食物先.大叻Pizza (HK$88)饼底好薄好脆.剪开嘅时候会有「咔嚓咔嚓」声.馅料有得拣牛肉或者鸡肉, 我拣咗鸡肉.Pizza上面仲有虾米、肉松、葱同埋蛋.食落有啲咸香味同少少甜.个酱酸酸甜甜, 少少辣.我觉得唔点酱都好食.猪颈肉春卷捞檬 (HK$88)份量都几多.除咗烧猪颈肉、炸虾春卷同檬粉, 仲有炭烧猪肉串、劲多生菜同青瓜.个汁酸酸甜甜好开胃.春卷偏咸, 但咬落好脆.里面只虾好大只, 仲有啲肉碎.猪颈肉好香, 唔韧.烧猪肉米纸卷 (HK$48)真系有惊喜.米纸皮烟韧.馅料有烧猪肉、檬粉、萝卜丝、生菜, 层次丰富.烧猪肉口感结实.点花生酱食, 劲好味!整体嚟讲, 呢间餐厅个vibe几好.坐得好舒服.食物卖相靓, 味道有层次.特别推介米纸卷.我食完仲回味紧.我下一定要试埋其他嘢食!…查看更多

岩岩呢个weekend，话晒老公同我想揾啲新意，决定去大围区揾个靓地方食lunch，顺便感受下唔同嘅情趣！老公带我去到呢间餐厅嘅门口，点知一到就勾起我嘅回忆——好似好耐以前有个小学同学喺附近教书咁！店主同我哋吹水时话，呢度嘅熟客多数系街坊、平日上班族同老师。餐厅嘅装修好有格调，有净色墙同一个超抢眼嘅大壁画，色彩丰富得来又唔过火，成个地方有种好chill嘅氛围，饮住杯越南咖啡，食个lunch，简直系繁忙上班族嘅「回气站」！店员推介嘅signature dish系大叻薄饼（Da Lat Pizza），可以拣鸡肉定牛肉，薄得来脆卜卜，上面仲有猪肉松做topping，食落真是一个惊喜！口感同我同老公旧年喺富国岛食嘅八爪鱼炸米饼有啲似，搅到我食住食住有啲挂住旅行，差啲眼湿湿！另外我哋点咗一啲我同老公嘅越南菜必选：甘甜班兰蚬汤，只只蚬都大得夸张又juicy，汤底甜甜地好开胃，仲配埋香喷喷嘅焗法包，完美！老公呢个「靓牛狂热者」，每次出街食饭都要揾靓牛，见到有蚬嘅菜式佢都系照点不误，哈哈！Weekend嚟到呢度，见到店主亲力亲为咁serve客，虽然忙到飞起，但同每个客人都keep住𠮶份亲切嘅互动，真心觉得好有心！整体嚟讲，呢度系个好chill又好味嘅地方，推介俾想揾个悠闲lunch spot嘅朋友！…查看更多

今日黎到大围呢间既越式小店餐厅真系大惊喜呀!!!唔单止环境舒适, 服务好, 食物质素仲非常高 食完赞口不绝, 好值得再黎食!!!除左餐牌上既餐点之外餐厅仲有offset menu......班兰撞奶 $38一上枱就闻到超香班兰味底层系浓郁嘅椰奶, 上层系班兰汁, 撞埋一齐形成漂亮嘅渐层~~饮落先系班兰嘅清香, 跟住系椰奶嘅滑溜, 甜度啱啱好越式炒蚬 $78镬气十足!! 炒到香喷喷~~~蚬肉饱满冇沙, 最正系个汁, 鲜甜惹味猪腩虾肉米纸卷 $48米纸烟韧透薄~~ 猪腩肉肥瘦适中, 虾肉爽甜, 加埋红萝卜丝, 青瓜丝同檬粉, 口感丰富点埋自家制酱汁, 酸甜开胃!!串烧鸡肉$78鸡肉烧到外皮微焦, 香口卜卜脆, 肉质嫩滑多汁虾酱通菜 $98呢道菜非常惹味!!! 虾酱落得够多但唔会好咸, 通菜炒到翠绿爽脆顺化扎肉牛尾汤米线 $98汤底超正超浓郁!! 啖啖都系虾既精华牛尾炆到淋滑, 扎肉弹牙有咬口~米线索晒汤汁精华, 超超超好味…查看更多

Lunch时间，咁早连生牛河都冇，得鸡丝。叫左个火龙法包，个包唔热，又唔脆，个酱咸到爆。同侍应反映，佢冇反应。另外叫左个牛肉米纸卷，普普通通，冇乜特别。如果唔系可以带狗入去，88蚊可以更多餐厅选择。…查看更多

最近去咗大围新兴嘅人气越南餐厅 Xi Xup, 真系越开越旺！我哋拣咗周末晚市去，果然名不虚传，未到六点半已经全场爆满，门口仲有人等位。建议大家一定要早去或者订位，否则要等好耐。 - Summer Rolls ($48) 鲜虾米纸卷，内馅清爽，虾肉弹牙，配上酸甜鱼露汁，开胃又解腻。 - 虾酱通菜 ($78) 份量好多，d通菜嫩 ，一d都唔痴牙，，炒得好香，呢个系off menu 架，系店员同我地推介嘅，大家不妨碰下运气叫份黎试下- Pho X ($148) 招牌牛骨牛肉粉，用料十足，有齐牛肉、牛丸同骨髓，汤底清甜带浓郁牛香，唔会太油腻；pho滑溜，牛肉片薄而嫩滑，加埋少少青柠同辣椒，味道更突出。 - Com Tam ($98)越南猪扒煎蛋饭饭，猪扒好大件，略嫌佢煎得过火同有d筋位难咬，但个香茅腌味好好味，带微焦香气，非常惹味。- Coconut Coffee ($48) 咖啡香浓，加上椰子嘅香甜，味道层次丰富，甜而不腻，好啱打卡同慢慢叹。 - Pandan Milk ($38) 绿色饮品颜值高，带淡淡斑兰香气，奶味顺滑，系小清新之选。 两个人食咗六样嘢，加一服务费，一共 500蚊。以大围区嚟讲唔算平，但食材质素、环境同气氛都算对得住价钱。 餐厅装潢走文青风，木枱木椅加上暖黄灯光，感觉轻松舒服，几有越南小店 vibe。周末真系好旺场，气氛热闹，但人多时稍嫌嘈杂。 …查看更多