WM Café & Bar (雅濤居購物商場)

营业中

休息中

WM Cafe 位於馬鞍山雅濤居購物商場地下，以西式餐點為主打。這次來到 WM Cafe 用餐，我點了 WM香煎牛柳配薯條及雜菜和 WM炸雞翼，甜品則是自家製芝士蛋糕，配上一杯凍齋啡。前菜是龍蝦湯及特色麵包，兩者食落去都幾夾。先來介紹 WM香煎牛柳配薯條及雜菜，這道主菜的份量相當慷慨，薯條和雜菜的份量也十分豐富。牛柳的煎得剛剛好，外皮酥脆，肉質鮮嫩，加上配搭的紅酒燒汁，讓整道菜色更加豐富，香味四溢，讓人食指大動。接著是 WM炸雞翼，這道菜色一上桌，就能聞到誘人的香氣，五隻雞翼炸得恰到好處，外酥內嫩，每一口都是美味的享受。最後來到甜品時間，自家製的芝士蛋糕外觀看上去十分迷人，切開一口，內裡的芝士口感濃郁，不甜膩，讓人回味無窮。至於杯凍齋啡，味道唔似一般餐廳咁酸，唔錯。整體來說，WM Cafe 的餐點質素相當不錯，每一道菜色都有獨特的風味，特別是炸雞翼和香煎牛柳，讓人忍不住多嘗幾口。另外，店員的服務也很親切，讓人用餐愉快。如果你也是西式餐點的愛好者，那麼 WM Cafe 絕對是你不能錯過的好去處。

消費卷又可以周圍搵好嘢食，今日打算行沙田區因有多個大型商場連接住舒服又方便。 我哋揀咗間餐廳除咗室內裝修簡約，室外環境都唔錯，可以鄰近惠康超市掃貨行一陣又可以回家煲劇，屯馬綫交通方便快捷。 入到餐廳選擇個柚子蜜糖燒雞配時令蔬菜配薯蓉，重加了多$38就可以轉套餐有餐湯、廚師發辦沙律，仲有兩隻吉列炸蠔外脆內軟多汁。 燒雞又鮮嫩多汁，而且配埋薯蓉簡直絕配。 另外仲order 雙層安格斯牛肉芝士漢堡，手工一啲都唔油膩配上多種蔬菜，醬汁材料，口感豐富，味道有點香辣，好醒胃，食埋個柚子蜜糖燒雞簡直就已經好滿足。 我哋仲叫咗兩杯特飲，一杯係朱古力咖啡特飲一杯係特濃朱古力係睇個賣相打咭影相都已經夠，飲埋落口，真係好好飲啊！下次一定再去幫襯。

今晚同朋友係馬鞍山行街，係美食沙漠揾食，朋友帶左我去想去左食WM cafe & bar🥰🥰環境氣氛都好好，岩哂傾計吹水聚腳架💁🏻‍♀️炸雞翼（柚子醬）（$58/6隻）這款炸雞翼簡直一級棒！炸得香脆，再蘸上柚子醬，酸酸甜甜的味道真是讓人垂涎三尺！而且，這六隻炸雞翼份量十足，夠2人分享呢🥰意式海鮮薄餅（$148）🍕薄餅真的非常好吃！強力推薦！薄餅底酥脆，上面配上新鮮的蝦肉、魷魚、蟹肉、青口和紫洋蔥，再加上滑溜溜的芝士，一口下去，食唔停口🥰🥰同朋友分享，完全食得哂！而且喜歡厚批既朋友仔都可以加$20轉厚批日本魷魚筒蒜香墨魚汁扁意粉（$138）🍜魷魚筒，配上炸軟殼蟹，加上蟹籽，配上墨汁扁意粉，口感獨特，味道非常濃郁，令人回味無窮！店員非常友善和熱情，而且，他們的菜式上菜速度也非常迅速，讓客人不用等太久。真係美食沙漠既一根稻草呢💁🏻‍♀️

🧑🏻‍🍳 餐廳座位比較多，環境都乾淨舒服，而食物嘅種類都好多，住喺附近嘅街坊不妨去試吓~—————————————————————🍴 芝士芥末焗蟹肉忌廉長通粉 ($138) 上面鋪滿芝士，焗完之後芝士嘅焦香味好濃，而忌廉醬汁嘅味道亦都好濃，長通粉軟硬程度適中，咬起上嚟好有口感😋 美味指數: 8/10—————————————————————🍴 英式炸鱈魚柳配薯條 ($138) 炸鱈魚柳炸得好酥脆，另外竟然係配一個芝士醬，感覺好特別，而薯條嘅份量都好多，不過就比較乾身少少😋 美味指數: 6.5/10—————————————————————🍴 烤檸檬雞鎚4件 ($58) 以為係烤嘅，但變咗炸嘅，感覺似cp牌嘅雞翼一樣炸得好香脆😋 美味指數: 7/10

每次帶b去餐廳都要左諗右諗，又怕餐廳太細擺吾到bb車，又怕佢突然要飲奶換片等…今次要分享下呢間係馬鞍山雅濤居商場地下既WM cafe & Bar 餐廳，雖然吾太近馬鐵站，但反而人少少，坐得幾舒服☺️侍應見到我抱住bb 又推住bb車 ，即刻安排一個較舒適位置可以放到bb車！So nice! 跟住又同我講商場有育嬰室可以換片同餵奶，呢個資訊對我哋嚟講好緊要！因為bb仲細，隨時要有準備👏🏻重要係食物質素很不錯！加$38轉套餐有湯、麵包炸蠔小食、吞拿魚沙律，非常豐富，抵呀！日本明太子扁意粉大啡菇野菌芝士意大利飯意式海鮮薄餅轉厚批 正好多😋凍西柚綠茶, 好fresh,summer drink 一流 👍🏻仲要唔使加錢✌🏻

今晚我同朋友去了馬鞍山的WM Cafe & Bar，試吓佢地嘅日本帶子巴馬火腿卡邦尼煙肉扁意粉，WM雙層安格斯牛肉芝士漢堡，黑松露芝士汁炸薯條。呢間餐廳係雅濤居購物商場地下，環境舒適，有梳化位同露天位可以揀。餐牌上有好多西式菜式，價錢都唔貴，性價比高。帶子巴馬火腿卡邦尼煙肉扁意粉係一個套餐，配埋一個吉列炸蠔同一個忌廉龍蝦湯。扁意粉煮得剛剛好，唔會太軟或太硬。帶子又大又新鮮，火腿同煙肉都好香，卡邦尼醬汁夠滑夠芝士。吉列炸蠔外脆內嫩，沾埋塔塔醬更加惹味。忌廉龍蝦湯濃郁香滑，有好多龍蝦肉碎同粟米粒，飲落去暖胃又開胃。WM雙層安格斯牛肉芝士漢堡係佢地嘅招牌菜之一。漢堡包入面有兩塊厚厚嘅牛肉扒，夾埋芝士、生菜、番茄、洋蔥、醬汁等等。牛肉扒煎得香嫩多汁，芝士溶得剛剛好，生菜番茄增加清爽感，洋蔥增加甜味，醬汁增加風味。漢堡包又大又高，食落去好有飽足感。黑松露芝士汁炸薯條係我哋嘅小食之選。炸薯條外皮金黃酥脆，內裡鬆軟香滑。黑松露芝士汁非常香濃誘人，令人一口接一口停不了口。今次嘅食物都好好味，份量又足夠，服務又好，我哋都好滿意。下次有機會仲會再嚟試下其他菜式。

▫️安格斯牛肉煙肉芝士漢堡+薯條 （$98+$18)👉🏻 個包烘底好夠脆，牛肉好重牛味，煎得好香同超Juicy，配料有蕃茄洋蔥芝士同生菜，夾埋一齊食唔會感覺好Heavy😋👉🏻薯條由頭食到最後一條都係好脆，完全停唔到口😏⭐️⭐️⭐️⭐️⭐️.▫️焗安格斯牛肉醬千層麵配薯蓉（$88)👉🏻肉醬好夠味份量仲好多，再配埋融咗嘅芝士同一層層彈牙嘅麵皮真係冇得輸！👉🏻薯蓉🥔綿滑得嚟帶有薯仔粒，好有咬口⭐️⭐️⭐️⭐️. ▫️ 套餐升級（$38)🔸吉列炸蠔：炸得超級香脆，點埋他他醬好惹味🔸廚師沙津：新鮮沙律菜配大量芝士粉仲有一大舊鴨胸🔸龍蝦湯：龍蝦味非常濃郁，質地好傑身🔸凍西柚綠茶：唔會好甜幾解膩⭐️⭐️⭐️⭐️.▫️ 柚子醬炸雞翼（$58)👉🏻 柚子醬甜甜酸酸好開胃，雞翼外皮炸到脆卜卜☺️⭐️⭐️⭐️⭐️——————環境：裝修用咗紅磚牆配啡色傢俬，有酒吧Feel，環境都幾企理餐廳大部份都係卡位，仲用咗黃光燈，傾一晚計好舒服.評分：8/10.平圴消費：～$150

馬鞍山一向沒有什麼餐廳 雖然近年情況已有改善 但大部份都是集團式餐廳 沒有什麼意欲光顧 之前偶爾試到一間高質西餐 很值得推薦今次第二次探訪 食物質素仍然相當高店內有獨立梳化座 環境衛生良好意式芝士茄蓉炸肉丸炸肉丸入口不油膩 肉丸有肉汁不鞋口新鮮茄蓉酸甜 加上底部的薯蓉 一口有不同的滋味墨西哥雞肉芝士烤餅一向很喜歡Quesadilla 烤餅夾了滿滿的雞肉和芝士餡 作為小食很飽肚 芝士芥末焗蟹肉忌廉長通粉醬汁不算稠杰 更偏向水一點芝士和芥末加在一起互相調和了彼此的味道個人覺得味道更側重隨便一方更好黑松露雜菌pizzaPizza有很多芝士黑松露醬一pat pat地加在pizza上lol 份量毫不吝嗇菇菌類入口多汁juicyPizza底還有少許蕃茄醬 令pizza多了一丁點蕃茄的酸甜味趁熱食太滋味 是今餐的mvp結帳的時候才發覺所有東西都有芝士😂馬鞍山有高質西餐 令人感動 會再光顧😂👍🏻

同心愛既人行完馬鞍山海濱長廊，搵一間出名既西餐廳入去食牛排。特別想讚一讚餐廳環境非常衛生，而且服務都非常有禮貌。燒美國頂級肉眼伴燒汁 250g ＄290我order左五成熟，果然冇令我失望，熟度岩岩好，而家牛味好夠，油花都好靚，食落非常香口多汁，必食之選。我仲配左個龍蝦湯 ，真係好好飲，之前飲過咁多間真係呢間最出色，我覺得大家都一定要黎試。自製蘋果金寶配雪糕$38好新鮮，真係即叫即整，如果你鐘意食甜品，一定唔可以錯過。

今日屋企人黎左探我，同佢地去左附近一間西餐簡單晚餐，今日dinner set啲餐唔太岩，所以散叫，價錢幾合理，野食大大份，環境都唔錯，乾淨企理。。🥢炸魚薯條 $108兩大件炸魚，炸得香脆得黎唔過火，切開睇到皮同魚肉好實，唔會一切就爛。仲有薯條幾多幾抵食。。🥢原條香烤美式BBQ豬仔骨配德國脆皮咸豬手 $198性價比極高既菜式，又有豬手又有豬仔骨，仲要勁大舊，起碼切開有7條骨，口味偏甜身帶少少辣，豬手就炸得乾身。+$33轉套餐，配是日餐湯、吉列炸蠔、熱檸茶，餐湯係龍蝦湯，好掂👌🏻。叫左杯1664都係30幾蚊，簡單晚餐黎講CP值好高👍🏼

而家出邊食嘢越嚟越貴，馬鞍山區選擇唔多，呢一間西餐廳有梳化位又坐得舒服，重點係平民價錢，食物質素唔錯👍🏻喺香港宜家真係好難搵。晚市基本上每人叫一個意粉/飯都係$90左右，加$33配上套餐，仲有餐湯、炸蠔或沙律及飲品，真係相當抵食！餐牌有小食、沙律，意粉、飯、pizza、burger、扒類等等主食、甜品，如果一大班朋友或者同屋企人食，仲可以散叫開心share，價錢經濟實惠。我哋揀咗兩個主食。▶️意式肉醬千層麵薯蓉$88肉醬千層麵非常足料，新鮮焗起熱辣辣，薯蓉軟綿綿。加$33轉配咗套餐，有熱辣辣嘅餐包同埋蕃茄湯。炸蠔新鮮炸起，非常香脆。餐飲揀咗熱檸茶，茶味好濃香。▶️雙層安格斯牛肉芝士漢堡配薯條$108🍔🍟漢堡包大大個，而且用上安格斯牛漢堡，所以肉味香濃仲有生菜🥬、蕃茄、芝士等等。漢堡包肉非常Juicy, 薯條又炸得香脆！讚！▶️另外散叫咗一個田螺薯蓉配多士$88田螺肉大粒，多士香脆！薯蓉軟綿綿焗完之後又夠香！餐廳環境衛生，服務好，食物質素唔錯，真係好抵食！

星期日兩點半,諗住見到好多,好嘅食評諗住去試下,去到門口,我行入去侍應生叫我行返出去門口,執緊枱未得,等咗十分鐘未有回應跟住有一個著恤衫,貌似經理嘅人,我問佢請問得未呀,佢就話,執緊枱呀嘛,我都知呢間餐廳好好生意但態度其實真係唔需要咁惡劣

今晚去馬鞍山探朋友，記得雅濤居購物商場有間餐廳叫WM Café & Bar，食物質素唔錯，所以同朋友去食dinner。今次order咗檸檬海鹽蜜糖脆炸雞翼、蕃茄湯、吉列炸蠔、白酒忌廉煮蜆配法包多士、炸軟殼蟹黃金蟹肉忌廉珍寶蟹柳意粉，飲品有凍檸檬蜜和凍檸檬茶。檸檬海鹽蜜糖脆炸雞翼極惹味，炸得外脆內軟，配合檸檬嘅酸、海鹽嘅鹹、蜜糖嘅甜，每一啖都有唔同口感味覺。蕃茄湯好濃郁蕃茄田園香。吉列炸蠔夠大隻又新鮮，且唔係厚粉，炸得剛剛好金黃色。白酒忌廉煮蜆係必叫之選，蜆好肥厚兼且鮮味濃，白酒忌廉汁吸晒蜆肉精華好鮮甜，法包多士點汁食一流。炸軟殼蟹黃金蟹肉忌廉珍寶蟹柳意粉，有原隻酥炸香脆軟殼蟹，配上鮮嫩蟹肉及珍寶原味蟹柳，所有蟹味元素加埋忌廉意粉，食物層次感出晒嚟。

本身諗住響附近食嘢原本book咗嗰間突然冇預警底下關門喺最近嘅情況底下搵返相同格調嘅餐廳，於是乎就去咗呢一間去到就大件事頭先夜晚7:30去到舖頭，都係冇乜人不過最近呢間可以坐得耐啲咁就局住入去啦啲朋友都就嚟嚟到，費事要大家失望入到去望吓個餐牌，啲嘢食都普普通通好似正常橫掂都去到咪試吓鋸個扒囉叫左medium rare佢跟餐餸姐龍蝦湯咁落去都算不錯個黑糖麵包都幾好味，軟身，呢兩樣嘢已經係全晚最好食嘅嘢食到炸雞，點解個芯係凍既 wtf,味道都淡口，薯條好白雪雪無咩調味，咁睇吓佢配咩醬啦，普普通通既沙律醬同茄汁主菜牛扒黎到，一落刀，切唔開既？肉眼喎，medium rare 喎我開始將塊扒360度就轉住搵個落刀點試吓同d 紋玩吓遊戲，橫紋切唔開，順紋勉強可以切開，望吓啲肉入邊係一丁點粉紅都沒有，而且放入口都係好強勁既咬口，直頭un到可以攞嚟訓練咀嚼肌，而且亦都感覺唔到有啲什麼調味，如果唔點佢跟嘅醬汁塊牛扒根本就冇乜味，再加上防切割功能，真係不可一不可再。最後跟埋杯餐飲既熱朱古力，唔知係咪我個心情已經跌到谷底，我唔知點樣評價，但係我真係覺得唔好飲，所以我就望吓我朋友睇佢有咩表示同行嘅其中一個朋友

喜歡呢度環境闊落，空間感足，坐得好舒服！👉🏻雙層安格斯牛肉芝士漢堡配薯條 $108漢堡包有黑白芝麻，特別香！夠脆又同時夠香軟，兩塊厚身安格斯牛肉不得了，肉汁juicy，肉味濃！中間仲夾左芝士、菜同蕃茄等配料，口感豐富！金黃色薯條更加令人食唔停口！👉🏻炸軟殼蟹黃金蟹肉忌廉珍寶蟹柳意粉 $138酥炸軟殼蟹大大隻，夠霸氣，蟹肉同蟹柳份量都唔算少！意粉掛滿忌廉汁，夠哂入味！👉🏻WM三重奏 $78分別有橄欖油蒜片魷魚仔、雞尾酒大蝦、同埋牛油焗雜菇！原來除左魷魚仔，仲有蜆肉，好鮮味！中意雞尾酒大蝦好彈牙爽口！加$33有是日餐湯餐包+吉列炸蠔/沙律+咖啡/茶熱伯爵茶👉🏻龍蝦忌廉湯色澤亮麗，質地稠身，好濃郁的味道，夠滑！👉🏻黑糖麵包微暖，口感鬆軟！👉🏻吉列炸蠔皮薄，唔會好厚粉，咬入口鬆脆，蠔無腥味！👉🏻伯爵茶好清香，解膩一流！