餐厅：WM Café & Bar地点：红磡马头围道菜式：西餐午市套餐包是日餐汤或者忌廉龙虾汤，主食有肉类，焗饭，意大利粉、汉堡等多款选择，包冻西柚子蜂蜜绿茶或者热饮，可以加钱升级餐饮，都可以加钱要小食或者甜品。平日无加一。忌廉龙虾汤忌廉龙虾汤虽然唔大碗，不过龙虾味好浓厚，面头加上少少忌廉。纽西兰谷饲肉眼扒伴时令蔬菜 $138纽西兰谷饲肉眼扒带少少筋，牛味唔错，就算全熟都好嫩，唔会太干。有三款汁拣，我拣左牛肝菌汁，味道都唔错，唔会太重口味。下面好多粗身连皮薯条，热辣辣炸起，好脆口又啖啖淀粉，已经跟有茄汁一细兜。时令蔬菜有清淡西兰花。加钱叫左两份小食。芝士焗西兰花 加$18呢个价钱份量好多，西兰花面头系满满焗到微焦芝士，好味又健康。卡邦尼芝士焗椰菜花 加$18呢个卡邦尼芝士焗椰菜花仲加有火腿同洋葱丝添，个汁更加滑溜带咸香，令d椰菜花好正。下午茶套餐有11款，包热咖啡或者热茶，有沙律，小食，意大利面，甜品等，可以加钱升级特饮。价钱好抵。蜜瓜田园沙律配巴马火腿 $40 另加一蜜瓜田园沙律配巴马火腿系新鲜生菜底配车厘茄，加有酸甜酱汁，面头系新鲜哈蜜瓜粒配几片巴马火腿同大量芝士粉。健康够味。唔钟意巴马火腿都可选烟三文鱼。安格斯牛柳拿破仑意大利面 $52 另加一安格斯牛柳拿破仑意大利面系好大碗圆幼身spaghetti捞有嫩口牛柳同杂菜，个拿破仑汁番茄味浓，酸酸甜甜好开胃。份量好大碗。日式杂莓蜜糖热香饼配云呢拿雪糕 $68 另加一日式杂莓蜜糖热香饼配云呢拿雪糕系三层松软热香饼面头加上一层忌廉同一大球云呢拿雪糕，仲有蜜糖酱，配好多新鲜杂莓，包括蓝莓，红莓同士多啤梨。软绵绵热香饼配热熔冰冻滑溜雪糕真系绝配。雪沙草莓 加$18 另加一雪沙草莓大大杯，面头加上薄荷叶。士多啤梨味又香甜又滑溜，味道唔假，唔算太甜，仲有一粒士多啤梨。冰川雪山 加$18 另加一冰川雪山用只好靓玻璃杯上枱，系好吸引人嘅蓝色雪山！饮落味道清新，好似系柠檬梳打味，甜甜地，虽然面头雪糕变左芒果味，卖相都好好，雪糕超大球，而且个人更钟意芒果味雪糕。热柠水 热柠水有三片柠檬，好够热，可解解腻。总括而言，今餐食物质素不俗，份量好多，呢个价钱好抵食。餐厅座位舒适，服务唔错。…Read More
