WhySo (已結業)

之前外賣試過漢堡唔錯，諗住見系公司附近就堂食，每次行過見到晚市68$有意粉都想試下，但次次都唔見有人系入面，今次終於收工一個人肯入去試。入到去落完單，等左15min, 之後開番個openrice 睇，點知見到幾個評價都話要等成鐘鐘（當時已等30min, 諗住都差唔多）舖頭當時只有一個店員用緊電話，我一入去又見佢即刻番去廚房，仲以為都好盡責。之後我落完單又見佢系廚房行尼行去，諗住佢已經幫我煮緊就算啦，可能慢煮同即叫即整系等得耐d, 點知等左成個鐘，真系坐到洽眼訓同patpat 攰又一個人唔知做咩好，真系忍唔住問佢 "請問我個飯幾時有？" 點知換黎佢一句"下 乜原來你落左喇？我仲以為你未落"哈哈～咁我系咪應該講 🤡哦系也 我落左成個鐘喇，系咪要我等多一個鐘呀？最後罰坐左一個鐘，然後乜都冇食😁😁然後就唔再等了真系難怪點解次次都冇人系餐廳坐左成個鐘，店員冇留意到，冇關心客人系咪唔識落單，只系一入去就講左句隨便坐同QR code 落單就完左😁冇推介仲要全程系廚房陪迴唔知做乜9其實個客食完走左都唔知😃初初比個環境吸引左，但入到去發現櫈已有好多積蝕曬入去，同埋有條女性長頭髮系櫈上面未清潔就還可以接受，始终都系成本同要長用，咁我都比4分既但服務真系0😑有待改善已黑名單…查看更多

平時從來都唔寫食評，但我好鍾意呢間舖頭，咁啱喺OpenRice見到，撳入去發現頭幾個都係差評，覺得好驚訝，想為佢平反。1. 食物質素：即叫即整，特別推介漢堡同所有煎炸嘢，我仲食過佢啲意粉、熱朱古力，依兩樣就冇乜特別。2. 環境：同其他評論一樣，佢樓底高，人流唔算多，坐得幾舒服3. 服務：店主定係唔知經理好熱情，又叫我哋隨便唱K4. Pet friendly：依點係好處定壞處就見仁見智啦總之我好唔想佢執笠🙏🏻…查看更多

今日去咗一向好想去呢間餐廳，環境都幾好，而且因為Pat Friendly 所以就想去，手機自行落單之後我叫咗一個all day breakfast,一個牛肋肉意粉,等咗將近一個鐘意粉先嚟，我哋一路都冇催過，因為覺得應該要耐心等耐，食物應該製作中而且有期待，但牛肋肉意粉味道麻麻，只有茄汁意粉同牛肋肉完全冇其他配料的，而我個我個all day加咗$15牛油果，牛油果嚟到非常唔新鮮係黃色嘅，而且全部有黑點，唔明點解見到咁樣仲可以比客食，已經非常失望，再繼續等我個all day超過個半小時都未有，終於忍唔住問吓就話整緊，之後嚟到個牛角包係焗到燶晒好硬、食唔到，最後我係冇食到，埋單二百幾蚊，總之非常失望，有啲後悔，早知去隔離南豐紗廠食啦，不會有下次了…查看更多

尋日同老公見有社交媒體網站谷介紹呢間餐廳，見成日帶狗去the mills經過都無試過，咪去試吓。坐低後要用QR code手機落單同俾錢，用我哋坐嗰張枱個code，但發現已經有人用咗嚟落單，然後去問職員，佢先話個code有人用咗，叫我哋用第二個。然後問題就嚟啦，佢首次飲品上錯，兩個凍檸茶，就嚟咗一凍一熱。見佢需時都幾耐先上飲品，就費事再換了。然後，等咗成50分鍾，先上我碟蕃茄肉丸意粉嚟，一上枱我第一眼就覺得，份量少到連女士都唔夠飽。食落就係茶餐廳嘅味道，重要漏咗俾我加錢加嘅煎蛋。算了，嗰刻已經餓到有咩食咩算了。然後等多10分鍾先上我老公碟意粉，但佢居然又上錯，叫牛肉意粉就上蕃茄蝦意粉，等咗成一個鍾居然俾錯嘢，重要碟嘢係另一枱的，即係我老公個牛肉意粉係重未整。我老公勁嬲，即刻攞袋走人🤣。我食完個意粉都重係覺得餓，搞到又要再去第二間食先夠飽。其實要搞電子落單都係想方便客人同減少出錯，我唔明呢間餐廳點解可以用到個QR code落單咁樣。上菜慢成咁，催個職員，佢都只係話整緊啦，然後同熟客玩雀，遲過我哋15分鐘嚟嘅客都有嘢食先過我哋，可能我唔係熟客所以得到咁嘅服務啦。但咁嘅服務，唔好講做熟客，再嚟都唔會lu。…查看更多

煙三文魚留心蛋沙拉配埋杯咖啡輕食早餐岩岩好環境舒服 可以坐好耐店員都好niec 得閒都會同客人傾下計問下啲野食有冇需要改善個日黎食早餐仲見到有寵物係餐廳有狗仔，同埋鸚鵡係個幾好嘅體驗 下次再黎睇下會唔會遇到…查看更多

南豐紗廠有活動，雖然無養小動物都過去行下，行到攰就喺附近搵到呢間 Pet Friendly Cafe 🐱🐶 裝修都有心思，係比較貴高價的 Coffee Shop，主要飲咖啡、食 All Day Breakfast 同埋漢堡包 🍔位置寬躺 (枱與枱之間都有好多活動空間俾小動物)，約有8張枱，午市過後唔駛排隊～但都因為歡迎寵物，都吸引咗唔少人經過望下 😗餐廳人手不多，手機自助落單+付款，都算容易～嗌咗份牛油果大啡菇植物火腿漢堡 $118 🍔，加配松露薯條$8 🍟 同埋熱朱古力 $5 ☕️ 食物等咗好耐 (我諗半個鐘左右)，雖然有啲耐但店員都好好主動解釋唔夠人返工所以出餐會慢，俾咗份沙律我地食住先～ 👍🏻 漢堡包 🍔 份量 OK, 啡菇多汁好味～薯條新鮮脆口，配上松露醬好香 😋 朱古力夠濃，如果可以加 Whipped Cream 就正啦!!! (老闆要考慮下 😌)總括黎講都係一間輕鬆 Cafe，食物雖然偏貴 (六/日/假期貴$30) 但味道及賣相都不錯～如果餐廳有多啲寵物玩具/裝水器皿/寵物餐單就真係 pet friendly 了🐕🐩…查看更多

主打賣burger的餐廳，見門口貼主好多推介手工啤所以去試下，入去先叫餐付款之後坐低食～門口及周圍貼咗好多食物推介但介紹不太清晰，尤其手工啤，連餐牌都無介紹～其實我鍾意me time時鍾意周圍飲下酒，見佢有買一送一所以問下，但侍應只不停話burger 餐有餐飲，之後我話想飲craft beer先話+48，我問係咪買一送一先話$78先係，語氣似我飲唔到咁多咁😅 （不過可能係我理解能力睇我有睇左一輪餐牌先問）之後黎左burger，見支酒咁耐都未到都未敢催，以為即場手工釀製，跟住食左一半忍唔住問係俾漏左，諗住問吓頭先侍應，原來後面成枱都係侍應黎，我好高興佢地好second home 好free，我開頭以為得收錢嗰個得一個做野好忙唔敢問太多煩住佢～好啦另一位侍應跟返支手工啤，佢都好有禮貌既，拎左2支黎問我飲邊支，咁我梗係問下有咩分別，我好多間有手工啤既地方都會介紹下，點知佢呆左咁拎住2支野問返收錢個侍應，跟住好hea咁轉達我知一支濃啲一支啖啲☺️之後另一枱見我有酒飲就問個侍應係咪有，收銀嗰個又好熱情咁介紹，係咪我太樣衰唔想同我講野😃其實主打手工啤但又唔想介紹唔緊要，可以加返落drink menu 架，所以服務方面有待改進～總結一下： Burger 套餐星期一至五會減$30包一杯野飲唔飲餐飲+$48一支特價手工啤手工嚟$78買一送一…查看更多

WhySo💚H. Green AllDay $128配Iced Earl Grey Tea澳洲和牛芝士漢堡 $118配Iced Latte人均消費: $123 (2人)-H. Green AllDay🌱好七彩繽紛🌈 打卡able😝包括有大啡菇 炒蛋 粟米 沙律菜🥗仲有植物素火腿 植物素炸雞寶 黃金烙餅Paratha🫓大啡菇🍄好大嚿 好juicy🤤唔會齋食到好重嘅調味料味會食到真係佢嗰個個菇味口感煙韌 啱啱好👍🏽炒蛋🍳佢上面有香菜同埋胡椒做調味🧂隻蛋好香滑同埋份量都比較多😋粟米🌽甜甜地🥰食到佢唔係嗰啲盒裝粟米沙律菜🥗都比較新鮮配埋唔知係咪意大利黑醋嘅🇮🇹黑醋🤣個黑醋味道偏甜容易比一啲食唔到酸嘅人去食😚植物素火腿🌱🐖切成一絲絲有咬口 煙韌同埋有浸素煙肉嘅煙熏味🤣好香 好好味🤤植物素炸雞寶🌱🐥食到都有浸素味啖啖肉😋唔會話太油膩嘅炸同埋加埋佢甜甜地嘅茄汁 一流😚黃金烙餅Paratha🫓佢好特別🥰唔似坊間咁香煎油膩食落去同聞落去有就好特別嘅香味🤤類似可能係麵粉入邊嘅小麥?!同埋食落去係真係甜甜地總之與眾不同 好好味😋·Iced Earl Grey Tea🍷有種清香伯爵茶味😚佢雖然係凍不過佢係本身杯暖 再加冰🧊都幾大杯下🤤可以一邊食嘢 一邊減走油膩感(雖然其實都唔係好油膩🤣)·🌸：澳洲和牛芝士漢堡🍔個牛好厚好juicy🤤同埋個包仲要係handmade嘅 甜甜地性價比幾高下🤩不過我太飽食唔哂因為薯條份量實在太多🍟(薯條係偏長同粗 同埋係連皮🥔唔會話太鹹🤤不過茄汁就要另外去自助吧嗰度jit佢嘅茄汁係偏甜同埋偏液體🥫Feel到佢係與眾不同🤣)·Iced Latte🥤不過不失飲唔飲都得🤣·以上評價 同🌸一齊寫所以帶返頭盔先👷🏽 -10/9/2022 ate佢價錢方面係平日先減$30如果係weekend嘅話 都係上年嗰個價錢枱上面佢仲有提供胡椒同埋鹽🧂仲有紙巾 消毒噴霧同埋佢樓底幾高下🤣仲有個月亮嘅背景🌚咁啱仲要中秋節去 好應景🤣同埋閂唔實對門 店員都好親切幫手-好味程度：🌕🌕🌕🌕🌑抵食程度：🌕🌕🌑🌑🌑環境靚靚：🌕🌕🌕🌕🌑服務態度：🌕🌕🌕🌕🌑會回頭率：🌕🌕🌕🌑🌑·#od荃灣覓食之旅 #od食西式嘢·希望疫情快啲完結啦💛大家都要身體健康💛…查看更多

讚1 只係開lunch既舖仔 漢堡包係相當好 包係自己整既牛油軟包 鬆軟 漢堡扒煎得脆身香口 加埋個醬汁 的確係好味既漢堡 好過附近另一間名店2 咖啡都幾香彈1 環境望落都骨子 不過冷氣真係唔太夠 食食下都流緊汗2 等嘢食好耐…查看更多

成日去完南豐紗廠經白田壩街行返屋企時，見到新起嘅國際企業中心三期新開咗兩間餐廳，玻璃門望到入去，見裝修都幾靚。咁見長假期幾日，朋友又喺南豐紗廠擺市集，於是帶埋狗狗去探班，探班前要去搵下食。見到呢間CAFE pet friendly, 於是就同老公去試下啦! 入到去, 見到店面個店員, 同佢講我地2 位, 但係佢望住我哋冇反應! 然後，另一位喺廚房嘅員工安排入座。我哋坐咗喺最入面嘅位置, 初初唔知以為會有員工嚟落單, 於是揮手叫之前望住我哋冇反應嘅員工, 但係佢依然冇反應，後來先知原來要出去落單。室內樓底超高, 裝修係工業風, 玻璃門, 採光好好! 食物方面見到有BURGER 同ALL DAY BREAKFAST 都算多選擇。我同老公都不約而同叫左ALL DAY BREAKFAST 加凍AMERICANO。AMERICANO 夠凍, 而且用NUTTY 嘅咖啡豆, 不錯!ALL DAY BREAKFAST 份量可以, 好多沙律菜, 牛角包夠熱夠脆! 不錯不錯! 除咗一入店冇反應果位店員，其他所有店員都好NICE, 食完落雨好主動咁叫我哋坐住等, 又話借遮俾我哋!之後我哋都再有去食多次, 感覺都係不錯的! …查看更多

美，是一種主觀的感受，每人皆有獨特的一套生活美學。生活美學，是一種生活態度，是一種能體會生命本質的呈現方式。食之美，把食物當作美學，好比把食物當作信仰，優雅而不失鋒芒，讓座上客體會品質生活，也許使人深信會是Why So的開店宗旨。店內左方牆壁中間位置人手砌上店名WHY SO，感覺清雅淡麗。另設有大型投射屏幕，店舖雖開業不久，估計未來或會在此舉辨一些興趣班，是一個relax + chill的gathering place。F. Satisfy All Day $108，餐牌上有幾款全日All Day早餐，煙肉+炒蛋+粟米+韓國芝士腸+沙律菜+菠菜芝士薯餅+牛角包，一共七款。炒蛋綿香奶滑；牛角包份量剛好，自帶酥香；韓國芝士腸中心流心，可做拉絲效果。沙律菜上唧上原裝意大利直送的黑陳醋Balsamic Vinegar，店主不惜落重本，大方得體。Why So ….. Nice! Double Australian Wagyu Cheese Burger雙層澳洲和牛芝士漢堡$118，配薯條。店內自家製的麵包Hand Made Bun，麵包氣孔壁厚，分佈均勻，入口鬆軟，沫上一片牛油，帶酥香。以寸計算的和牛漢堡，目測或超過兩吋厚，還要是doubled up 打孖上，油脂比一般漢堡也要多，香氣撲鼻，油香橫溢。五種口味手工啤酒，不能以跟餐combo價加配，實在美中不足。本地品牌手工啤酒$48，乃輕日系風格，煎茶溝柑橘，茶底醇，一縷果香，感覺清爽！小總結：地理位置稍為偏遠一點，距離荃灣站或荃灣西鐵站均需十數分鐘的步程。如果目的地是南豐紗廠或是附近的上班人士則不在話下。品質屬中上水平，惟定價較為進取，間中吃無妨。現行外賣自取，全日八五折，也是區內不錯的選擇。…查看更多

星期日早上，原本想行去荃灣廣場果邊睇下有無啲特別少少既餐廳或cafe食個早餐，點知經過白田霸街，有間好開揚，又新裝修，樓底超高，空間感極好，係外面望入去已經感覺好舒股既cafe，立即入去試一試。早餐試左4款食物：Scottish Smoked Salmon Salad 蘇格蘭煙三文魚沙律三文魚同蔬菜都好新鮮，再加上黑酸醋，早上食起來，覺得個胃都清新左All Day Breakfast - Fresh All Day煙三文魚+炒蛋+栗米+韓國芝士腸+沙律菜+牛角包正常一個早餐全餐，無乜驚喜，又唔係好好味，但一啲都唔難食。Bacon Australian Wagyu Cheese Burger 煙煵澳洲和牛芝士漢堡呢個漢堡，高度推介，成個配搭係perfect match，包既質地鬆軟，煙肉又好有口感，個漢堡非常juicy，絕對要試。Spicy Fried Half Cut Chicken Wings 香辣一字骨雞翼好重炸粉，太多了，如果用黎happy hour送啤酒還可以既，可惜我係食早餐時間，覺得好油膩。整體感覺係好好既，因為cafe樓底高，再加上門口開放式，空間感同舒適度已經高一班，再加上，工廈區好難搵到呢啲cafe，食物質素都唔差，值得再去。…查看更多

位置喺南豐紗廠旁邊，晚上去到Cafe一個人都冇，可能因為工廠區已經放晒工。餐廳環境唔錯，樓底好，高座位闊落，裝修新淨。睇睇Menu，有burger同埋all day Breakfast 帶我去嗰晚只有Burger可以點，點了cheese Burger和無激素雞扒burger餐，包薯條和飲品，平日無需加錢，但星期六日需要加錢轉餐。兩個餐大概$170，cafe界算抵！牛肉burger有生菜絲和紫洋蔥配菜，牛都ok有牛味，但唔係好香濃嗰種。雞扒醬汁有驚喜，風味有少少泰色感覺，但兩個包都係偏甜，似提子麥包的味道。薯條炸得很酥脆，似啤酒薯條的質感，可惜有點油益味。跟餐凍咖啡就有待改進，似西式餐廳跟餐飲的咖啡😅因對Cafe的咖啡有種期待，可能如可加錢轉飲latte會比較好！整體感覺都OK會在去試其他嘢食！…查看更多

荃灣。ⓝⓔⓦ。樓底高服務讚超可愛的貓貓茶壺Cafe在南豐紗廠後一條街早上到訪的時候人流不多早餐大概供應四至五款包括一杯飲品.............................. ..............................煎雞扒水準不錯滑蛋夠滑但調味略淡Iced ocean latte 層次分明Espresso + 藍色的？！（已忘了是什麼哈哈）緊記拌勻飲用否則較甜啊謝謝店員為我的紅茶轉換了貓貓茶壺平日要水果茶才配搭這可愛茶壺呢(´▽｀)碎碎唸：食物正常發揮高樓底和服務態度留下好印象牆邊座位還有叉電位適合休閒的坐着放空最猜不透為何店內擺放着聖誕裝飾…查看更多

無意中發現呢間新cafe高樓底香港少見食物都唔錯😋係南豐紗廠後面白田壩街很多打卡位值得一試放假來飲杯咖啡一流Aʟʟ ᴅᴀʏs ʙʀᴇᴀᴋꜰᴀsᴛRᴏsᴇ ʟᴀᴛᴛᴇ …查看更多