WhySo (已結業)

之前外卖试过汉堡唔错，谂住见系公司附近就堂食，每次行过见到晚市68$有意粉都想试下，但次次都唔见有人系入面，今次终于收工一个人肯入去试。入到去落完单，等左15min, 之后开番个openrice 睇，点知见到几个评价都话要等成钟钟（当时已等30min, 谂住都差唔多）舖头当时只有一个店员用紧电话，我一入去又见佢即刻番去厨房，仲以为都好尽责。之后我落完单又见佢系厨房行尼行去，谂住佢已经帮我煮紧就算啦，可能慢煮同即叫即整系等得耐d, 点知等左成个钟，真系坐到洽眼训同patpat 攰又一个人唔知做咩好，真系忍唔住问佢 "请问我个饭几时有？" 点知换黎佢一句"下 乜原来你落左喇？我仲以为你未落"哈哈～咁我系咪应该讲 🤡哦系也 我落左成个钟喇，系咪要我等多一个钟呀？最后罚坐左一个钟，然后乜都冇食😁😁然后就唔再等了真系难怪点解次次都冇人系餐厅坐左成个钟，店员冇留意到，冇关心客人系咪唔识落单，只系一入去就讲左句随便坐同QR code 落单就完左😁冇推介仲要全程系厨房陪回唔知做乜9其实个客食完走左都唔知😃初初比个环境吸引左，但入到去发现櫈已有好多积蚀晒入去，同埋有条女性长头发系櫈上面未清洁就还可以接受，始终都系成本同要长用，咁我都比4分既但服务真系0😑有待改善已黑名单…查看更多

平时从来都唔写食评，但我好钟意呢间舖头，咁啱喺OpenRice见到，揿入去发现头几个都系差评，觉得好惊讶，想为佢平反。1. 食物质素：即叫即整，特别推介汉堡同所有煎炸嘢，我仲食过佢啲意粉、热朱古力，依两样就冇乜特别。2. 环境：同其他评论一样，佢楼底高，人流唔算多，坐得几舒服3. 服务：店主定系唔知经理好热情，又叫我哋随便唱K4. Pet friendly：依点系好处定坏处就见仁见智啦总之我好唔想佢执笠🙏🏻…查看更多

今日去咗一向好想去呢间餐厅，环境都几好，而且因为Pat Friendly 所以就想去，手机自行落单之后我叫咗一个all day breakfast,一个牛肋肉意粉,等咗将近一个钟意粉先嚟，我哋一路都冇催过，因为觉得应该要耐心等耐，食物应该制作中而且有期待，但牛肋肉意粉味道麻麻，只有茄汁意粉同牛肋肉完全冇其他配料的，而我个我个all day加咗$15牛油果，牛油果嚟到非常唔新鲜系黄色嘅，而且全部有黑点，唔明点解见到咁样仲可以比客食，已经非常失望，再继续等我个all day超过个半小时都未有，终于忍唔住问吓就话整紧，之后嚟到个牛角包系焗到㶶晒好硬、食唔到，最后我系冇食到，埋单二百几蚊，总之非常失望，有啲后悔，早知去隔离南丰纱厂食啦，不会有下次了…查看更多

寻日同老公见有社交媒体网站谷介绍呢间餐厅，见成日带狗去the mills经过都无试过，咪去试吓。坐低后要用QR code手机落单同俾钱，用我哋坐𠮶张枱个code，但发现已经有人用咗嚟落单，然后去问职员，佢先话个code有人用咗，叫我哋用第二个。然后问题就嚟啦，佢首次饮品上错，两个冻柠茶，就嚟咗一冻一热。见佢需时都几耐先上饮品，就费事再换了。然后，等咗成50分钟，先上我碟蕃茄肉丸意粉嚟，一上枱我第一眼就觉得，份量少到连女士都唔够饱。食落就系茶餐厅嘅味道，重要漏咗俾我加钱加嘅煎蛋。算了，𠮶刻已经饿到有咩食咩算了。然后等多10分钟先上我老公碟意粉，但佢居然又上错，叫牛肉意粉就上蕃茄虾意粉，等咗成一个钟居然俾错嘢，重要碟嘢系另一枱的，即系我老公个牛肉意粉系重未整。我老公劲嬲，即刻攞袋走人🤣。我食完个意粉都重系觉得饿，搞到又要再去第二间食先够饱。其实要搞电子落单都系想方便客人同减少出错，我唔明呢间餐厅点解可以用到个QR code落单咁样。上菜慢成咁，催个职员，佢都只系话整紧啦，然后同熟客玩雀，迟过我哋15分钟嚟嘅客都有嘢食先过我哋，可能我唔系熟客所以得到咁嘅服务啦。但咁嘅服务，唔好讲做熟客，再嚟都唔会lu。…查看更多

烟三文鱼留心蛋沙拉配埋杯咖啡轻食早餐岩岩好环境舒服 可以坐好耐店员都好niec 得闲都会同客人倾下计问下啲野食有冇需要改善个日黎食早餐仲见到有宠物系餐厅有狗仔，同埋鹦鹉系个几好嘅体验 下次再黎睇下会唔会遇到…查看更多