Whole day

朋友好钟意食半自助餐，比起自助餐抵食之余又可以食到好饱，朋友住呢度附近，话同我试下呢间餐厅，我见地点喺围方非常方便，地铁站一出就到，又见好吸引，所以就一齐食。 入座后，职员好细心比个篮我地摆袋，基本上拣左主菜，就开始出去自助吧拎野食了。 自助海鲜沙律吧呢度沙律吧都几多选择，净系沙律方面选择都已经有好多款，而且好多款酱汁，好有诚意。冷切肉盘，有两款火腿，两款都好香好好味。 海鲜方面，青口好新鲜，又大只。翡翠螺好鲜甜，又弹牙。白虾好爽口又大只，有鲜味，最欣赏餐厅已经煎了头尾尖位和须位，方便客人进食。酱汁选择都多，有柠檬，泰式等等。而且海鲜不停refill，唔惊冇得食。 烟三文鱼烟薰味好香，非常适合搭配沙律。 我同朋友嘅主菜系share黎食。经典牛肉汉堡配竹炭包汉堡个卖相好靓，汉堡肉质好juicy，大大块又有牛味，竹炭包口感松软，芝士好浓郁，仲有蕃茄同生菜都好新鲜。  意大利云吞酿鲜虾蓉布拉塔芝士配龙虾汁有五粒云吞，大大粒，而且鲜虾蓉好好味，云吞皮烟烟韧韧，龙虾汁又浓郁又香。 本身有杂菜汤，另外亦有餐饮，非常丰富。 呢度都几抵食，主菜好食之余，沙律吧又多选择，仲有海鲜，样样都好新鲜。…查看更多

原来都有几个月冇黎围方啦，原来开左一间新嘅西餐厅，晚市时间仲有半自助套餐食，估唔到都几高质!餐牌上有多款主菜可以选择，拣好主菜就可以到自助区享用自助海鲜沙律吧，另外套餐亦包有餐饮及餐汤!沙律吧有虾、青口、翡翠螺、沙律、冷切肉盘、烟三文鱼等可以拣，选择都几多!香煎带子配龙虾汁意大利烩饭，烩饭加多$58就可以食到，烩饭口感烟韧，有香浓嘅龙虾味，带子煎到半生熟，味道鲜甜，唔错!黑松露烟肉卡邦尼手工意大利粉，意粉口感烟韧，有淡淡嘅黑松露味，烟肉令意粉带有咸香，十分美味!香煎鲈鱼柳，鲈鱼柳加多$48就可以食到，整碟卖相不错，鱼柳煎到香口，鱼肉都算鲜甜，除左鱼柳，还有薯蓉、南瓜等蔬菜拌碟，够哂健康!Jade Ocean，餐饮加左$28叫特饮，呢杯饮品味道酸酸味味，带有柠檬味，感觉清新!Yuzu Soda，呢杯都系$28变特饮，饮品内有柚子肉，酸酸甜甜又有口感，有种解腻嘅感觉!Black Latte，跟餐也是加$28可以饮到，上面嘅拉花好靓，系海马，饮品有香浓嘅黑芝麻味，中意芝麻味嘅朋友唔好错过!…查看更多

2025年10月15日 星期三今晚收工已经唔想买𩠌煮饭，一于同老婆两个人系大围揾间餐厅食就算行过围方竟然见到呢间餐厅有半自助晚餐食，主菜都有几多款式可以选择，而且价钱都唔太贵，一于就入去试下餐厅环境都装修得几有风格，感觉好文青，用左大量木制家私，而且仲贴近万圣节嘅关系，挂满咗万圣节嘅装饰，充满气氛餐厅行到最入就有自助海鲜沙律吧，摆满左各类食物，沙律都有6款菜可以拣，仲配有唔同酱汁，而且虽然海鲜只有几款，不过全部都好新鲜，啲虾劲大只，完全唔黐壳，青口都好鲜甜我每样都拎咗少少嚟试吓，烟三文鱼几厚身，烟熏味几重，唔会太咸，腌蕃茄同红菜头食完之后酸酸地更加开胃主菜我哋就要咗黑松露烟肉卡邦尼手工意大利粉，呢碟意粉一上枱就已经好吸睛，手工意粉煮得啱啱好，唔会太腍亦唔会太硬，口感有啲弹牙，咬落去有种「啖啖实在」嘅感觉酱汁方面，黑松露味唔会太霸道，但够香，系种慢慢渗出嚟嘅幽香，配埋烟肉嘅咸香同油脂，成件事好有层次烟肉煎到微微焦脆，上面仲有啲微型菜苗同食用花点缀，唔止靓，仲有少少清新感，令味道更平衡之后有白酒忌廉蟹肉手工粗管面，粗管面煮得啱啱好，外层滑身，入面仲保留到少少咬口，酱汁系白酒同忌廉混合，唔会太浓腻，反而有种淡淡酒香，令整体味道更有层次蟹肉份量唔算少，捞埋酱汁一齐食，鲜味即刻涌出嚟，好似喺口腔度爆开咁，唔系𠮶种死咸嘅海鲜味，而系清新又有深度上面洒咗啲香草同花瓣，唔止靓，仲有少少草本香气，令味道更平衡甜品方面我哋要左是日雪糕，系北海道牛乳雪糕，雪糕质地超滑，唔系𠮶种硬邦邦嘅冰感，而系柔软得嚟又够挺身，入口即化，仲带住阵阵奶香，好似饮紧一杯高质牛奶咁味道方面，唔系死甜𠮶种，而系有层次嘅甜味，前段系清新奶香，中段开始渗出微微乳脂嘅浓郁，食到尾仲有少少回甘，令人忍唔住一啖接一啖最后埋单大约七百蚊左右，食到劲饱！！…查看更多

Whole day 位于大围站大型商场内的法式西餐厅，交通便利，从大围站出发只需要2分钟，便到达餐厅。餐厅装修走简约时尚路线，光亮整洁，座位宽敞舒适。Whole day晚巿主打半自助晚餐。自助海鲜沙律吧提供多款美食，摆盘精美，使人垂涎欲滴。美食包括冷切肉盘，烟三文鱼，各款芝士，青口，翡翠螺和白虾等。烟三文鱼好大块又新鲜，新鲜青口配上泰式酱汁，爽口美味。沙律菜都提供八款，让客人可按自己喜好选择，十分贴心。蕃茄浓汤蕃茄味香浓，色泽吸引，蕃茄汤入口酸酸甜甜好开胃！意大利云吞酿鲜虾蓉布拉塔芝士配龙虾汁 意大利云吞内馅饱满，鲜虾蓉新鲜，布拉塔芝士够味。龙虾汁口味浓郁，但又不太腻。经典牛肉汉堡 配竹炭包 竹炭包卖相好特别，外层烘至香脆，包身软棉棉。牛肉汉堡又大又厚，肉香多汁，仲有蕃茄和生菜做配料，好丰富。餐饮选择了冻柠茶和冻柠水，清新解渴。Whole day 提供丰富的美食选择，服务员态度殷勤，服务周到。餐厅仲特别安排 2点半-8点 为happy hour时段，酒精类饮品低至8折。餐厅还有私人位置 可作包场之用。客人如 提前两星期预订有，仲有85折优惠，十分吸引。 餐厅都多客人光顾，记得要预留时间等候入座。…查看更多

今天来到大围围方逛商场后到一间开业不久的西餐厅吃［半自助午餐］：包括了自助沙律吧+主菜+汤+咖啡/茶。餐厅装修簇新，简约时尚，光洁亮丽，坐得舒适。自助沙律吧选择非常丰富：有十多款新鲜蔬菜、沙律及前菜，还有冷切肉盘、烟薰三文鱼、芝士等，非常丰富。我最爱吃三文鱼，这里的三文鱼新鲜爽口，肉质细嫩，入口甘香。单吃沙律已经可以吃过饱！主菜：「宝云酥小羊柳配意式忌廉玉米蓉」卖相精致，有花瓣装饰。羊柳外皮包著香草面包糠烤焗，特别酥脆香口。羊柳肉质鲜嫩多汁，腍软可口，没有羊膻，好滋味，配菜有芦笋苗、甘笋、忌廉玉米蓉。玉米蓉比起薯蓉多了香甜和质感。「虎虾配龙虾汁手工阔条面」卖相一样不俗。烤香大虎虾，肉质弹牙，味道鲜甜。配上龙虾汁的阔条面，非常入味，蔫韧弹牙。餐汤：杂菜汤酸酸甜甜，非常开胃。餐饮：意式咖啡精致拉花，一丝不苟，咖啡香浓甘香，选用上乘咖啡豆。这里的食物质素高，制作认真。店员介绍下午2：30~晚上8：00“欢乐时光”时段，酒类饮品更有8折优惠。而且两星期前预订“私人位置”又有85折’，我计划约大班朋友来聚会！…查看更多