Wagyu Ya (已結業)

這碗A4和牛飯物有所值，每一口都讓我感受到它的豐富口感和獨特風味。老闆熱情的介紹，讓我更加了解這道美食的製作過程和風味特點，讓我更加期待它的味道。當我咬下第一口時，肉質鮮嫩多汁，米飯的口感也恰到好處，讓我感到十分滿足。老闆特製的醬汁增添了這道美食的豐富風味，讓我一下子愛上了這碗A4和牛飯。這碗美食的物有所值，每一口都讓我感受到它的價值和美味，讓我覺得它值得再次品嚐。這碗A4和牛飯已經成為了我午餐的最愛，讓我期待著再次品嚐它的美味。🤪…查看更多

💎總評分：8.5/10-呢日小編想喺尖嘴食燒肉，見到呢間餐廳喺Openrise上好多好評，平日晚唔洗等位就入左去。店肉以黑色為主，門口位係bar枱設計，其餘大多係卡位，坐得舒服。每張枱都有set好晒嘅燒肉爐，抽煙系統不錯，即使每枱有小炭爐，但完全沒有濃煙。店舖標榜以岩手縣黑毛和牛認證書的和牛專門店二人套餐都算豐富，今次小編比較想散嗌1️⃣ 黑松露刺身帶子沙律 $148帶子大片新鮮，沙律菜用黑松露汁調味，酸甜中食到淡淡松露味，作為頭盤打開味蕾確實不錯，不過呢個價錢沙律菜份量可以多D。2️⃣ A5和牛Tataki $368和牛切成細薄片，一碟足10片夠多人share，四邊輕炙過後中間依然見到紅潤嘅牛肉，配洋蔥同醬汁已經足夠，鐘意食生牛肉嘅必定愛上！3️⃣ 食肉者 $588燒肉單點基本都要$400-500，如果想試多幾款建議叫拼盤。食肉獸($988）係4人份量，小編兩個人就叫左for 2人嘅食肉者，牛肩胛、三國腩、西冷、牛舌每樣兩片。 貴為A5和牛牛味濃郁，個人唔太鐘意食到成口油，呢度嘅牛肉油花分佈均勻油脂比例剛好，有入口即溶嘅感覺。最鐘意牛舌，厚薄適中燒耐左都唔會乾韌，有次燒到着火以為撻左Q，點知都仲好爽口無變肉乾！4️⃣ A5和牛鵝肝三文治 $428Sando早已成為IG名物，多士用牛油微烘至脆身，夾住吉列和牛同煎香鵝肝，加左金箔點綴令賣相更加矝貴。一啖咬落鵝肝同和牛既油脂瞬間爆開，非常邪惡！日式和牛可樂餅 $88小編到以家都唔知點解croquette中文譯成可樂餅，因為佢其實同可樂無關～有驚喜喎！對比起其他食價錢最平嘅小食應該比較平平無奇點知肉餅超口生熟程度拿捏得剛剛好外層炸得香脆中間濕潤嘅黃牛在點上醬汁無可挑剔是日雪芭有菠蘿同香橙兩個口味，同樣原個上，原汁原味，小編暕左後者因為己身經食到好飽，心諗橙點都會比菠蘿細D，酸酸地有橙嘅清甜，為晚餐飯畫上完美句號！…查看更多

未請到假去日本旅行住唯有係香港食住日本和牛先，今晚同朋友去左尖沙咀既Wagyu Ya品嘗佢地既和牛盛宴，揀左個Tasting Menu一次過試哂佢地既人氣食品和牛沙律和牛片份量都唔少，配上新鮮爽脆既沙律菜，非常開胃和牛紫蘇天婦羅一口size既天婦羅賣相好精緻，上面加左少少食用金箔夠氣派，兩者配搭得唔錯和牛鵝肝三文治麵包烘到金黃色，和牛同鵝肝既油脂融為一體，出色和牛拼盤 (牛舌、西冷、肉眼、牛三角各兩片)先來兩片和牛薄燒，會有專人負責燒唔怕燒燶，入口即溶既口感好正，包住蒜片一齊食口感非凡，其他幾款和牛就要自己動手燒啦，不過質素都唔錯，見到啲雪花紋咁靚就知正野啦…查看更多

尖沙咀高質日本燒肉✨🦥專吃和牛的專門店，食肉獸必愛！💕💕餐廳用上座枱圓形式的燒烤爐，環境寛闊，很有日本燒肉店的感覺！非常適合生日、紀念日慶祝，和朋友輕鬆聊天的飯聚燒肉餐廳。餐牌上每樣菜式也非常吸引，每樣也想吃呢！有選擇困難症的朋友可考慮新推出了和牛套餐，套餐內的食材全是和牛，真令人興奮！🤩《和牛套餐》$888/位（最少兩位）✨🫶🏻套餐包括有五款菜式、麵豉湯和甜品，每樣也菜式也是以和牛為主，相當吸引！《和牛沙律》前菜先以沙律開始，這是非一般的沙律，沙律上放了多塊的和牛片，令沙律增添色彩！和牛的牛味濃郁，口感軟腍，配上沙律醬，令人開胃十足！🥩🥗《和牛紫蘇天婦羅》紫蘇葉的香味包裹住濃郁牛味的和牛，中間夾著的和牛更是半生熟的，粉紅嫩肉，賣相精美，吃起來很滿足！💛《和牛鵝肝三文治》不論是味道，還是賣相，也是相當完美！烘底的三文治夾著厚切半生熟和牛，加上鵝肝的配合，整件三文治邪惡又美味！表面更撒上了少量金箔，令三文治變得更高貴！咬一口，和牛的肉汁也令人吃得滋味滿足！🥪🥩吃完後更可品嘗醃製的小番茄，醒胃解油膩。《和牛拼盤》推薦✨✨✨✨✨牛舌、西冷、肉眼、牛三角、薄燒，各兩片。薄燒：超級好吃！薄片和牛相當大塊，雪花油脂，以網燒的方式，很有動感，熊熊火焰，燒好後點上蛋漿和加上青蔥蒜片，令味道更惹味，入口即溶，軟綿嫩滑！牛三角：位於肋脊周圍，被稱為肩胛肉的部位，甜美的油脂搭配著嚼勁十足的瘦肉恰當好處，每面以網燒燒十秒左右，吃起來入口溶化，肉汁鮮甜！肉眼：肋骨上方的肉，位於肩胛跟西冷中間。肉眼的脂肪和油花較豐富，有明顯的油脂，呈現霜降狀態，口感軟，溶化於口腔之中。西冷：牛腰後端接近尾的部分，帶有豐富的油脂，呈現很美的霜降，口感軟嫩，經加熱融出的油脂十分鮮甜。牛舌：油花均勻分佈，軟嫩、鮮脆且多汁，口感有彈力，咬下就會被軟嫩肉質與細膩油花驚艷。《和牛櫻花蝦舞茸釜飯》吃完燒肉後，更有個足料香味撲鼻的釜飯，舞茸的香味超香！和牛亦舖滿了整個釜飯！米飯充滿著和牛的肉汁，更有飯焦的效果，相當惹味！💕最後有麵豉湯和甜品，甜品有抹茶、海鹽雪糕，及日本蜜瓜，甜甜蜜蜜！總結：超高質的日本燒肉店！…查看更多

🐮LET’S EAT LIKE A COW AND PLAY WITH FIRE!!!!🔥🥩 全港Top 3最推薦A5和牛燒肉店！一定要BOOKMARKKK‼️ Wagyu Ya 嘆盡高質爐燒岩手黑毛和牛、和牛三文治、和牛拼盤:牛舌、西冷、肉眼、牛三角、薄燒！仲有喜之次！作為魚迷簡直食到樂極忘形！未完，仲有日本松葉蟹鉗，極之吸引啊啊啊！豐富！幸福感到不行❤️❤️❤️成餐飯食到忘形！牛魔王盛宴🐮 滿足所有食靚牛嘅願望！…查看更多

和牛真係我嘅comfort food有咩事食和牛就可以解決好認同老闆依句一齊食和牛可以解決好多紛爭Special tasting menu $888/位成個set由頭到尾都係和牛和牛沙律胡麻醬沙律 都無乜機會出事再加幾塊和牛係面營養好均衡和牛紫蘇天婦羅好努力咁想挑塊紫蘇葉出嚟 但唔係好成功😂就連埋紫蘇葉食埋 好在唔係好重草青味和牛炸完好香仲Keep到啲肉汁和牛鵝肝三文治無得頂🥹🥹🥹麵包烘到好香好脆 鵝肝同和牛都好厚切鵝肝嘅油爆晒出嚟🥹再夾埋和牛 係幸福牙🦦跟住就到燒肉和牛拼盤 (牛舌, 西冷, 肉眼, 牛三角, 薄燒) 薄燒會有專人負責燒夠晒薄 燒一燒就好香 再配蒜片食其他部位就有小廚神出手👨🏼‍🍳最愛牛三角🥹牛牛嘅脂肪燒完出嚟 嫩滑得嚟 重點係啲油香正到呢和牛櫻花蝦舞茸釜飯個汁唔係好啱我口味🫣好在食薄燒有個生雞蛋 依個飯撈蛋汁食一流沖淡原本個汁 又多咗啲蛋味 而和牛仍然都仲係咁肉嫩多汁🥹食到尾都食唔厭🦦(個frd太weak 中段食到牛三角就話膩最後食埋生果同雪糕 滿足…查看更多

放假想搵一間靚和牛慶祝，係Openrice search下，搵到這間。見到D食評好似勁好，即刻電話book位啦，點知由打開鋪頭門嘅瞬間就後悔。入到去，發現一個人都冇，星期六夜晚！八點！包晒全場！？都知係伏啦，即刻由套餐轉做散嗌，捻住食少幾樣即閃，點知都勁差！簡單來講，看評價麻煩仔細篩選，仔細看D相可以看出間舖通常都係冇人幫趁，特別將這段寫高D，請大家一定skip這間廢野，相信我，哩個價錢你值得食到更好嘅一餐，以免影響心情！和牛鵝肝多士：500兩件，薄到細件到多士一半都唔夠⋯不過已經係全場味道最易接受嘅一款，起碼自助餐質素有達到，幾香口⋯和牛拼盤：598，有四個部位，牛舌，西冷，肩胛同三角腩（如冇記錯）其中有兩個部位咬落全！部！都！係！筋！！！根本咬唔到！！！不知所謂！同店員投訴，還算客氣，補左三片，但係雪到硬邦邦⋯⋯⋯多謝嗮⋯⋯⋯最好食係兩塊粟米，都算甜。蟹腳鍋：598左右，記唔到detail。算係少人提到嘅款，亦係最伏果個，大家睇相就知。全部D海鮮都係霉嘅，唔新鮮過D佳寶冷凍貨！個湯一D鮮味都冇！價格配埋咁嘅質素，係想打去消委會投訴果種！…查看更多

同朋友慶祝生日，特別黎嘆返餐非常豐富滿足既和牛盛宴～❤️食肉者 有A5牛匠岩手和牛西冷+牛肩胛肉+三角腩+牛舌，因為朋友唔食牛舌，好貼心咁俾我地轉做日本摩赤雞既雞髀肉～和牛好嫩，輕輕一燒已經好重油脂香，每一片都係幸福滋味!! 而摩赤雞既雞髀肉，肉質結實又好香雞肉味，真係一啖就知不同凡享!!🧡A5和牛壽喜燒鍋 因為燒爐用左黎燒肉，鍋物直接由廚師煮好～個湯底濃度甜度都岩岩好，A5和牛熱鍋慢慢浸到半熟，非常軟嫩，牛肉味再加壽喜燒甜味，超好味!! 煮軟娃娃菜吸晒湯汁好甜好正，配料仲有豆腐+粉絲+摩芋，好味又好飽💛日式和牛可樂餅～中間全部都係和牛肉餡料，好足料，外面好香脆，入面有芝士+和牛香，好高質💚雜錦天婦羅盛合 3隻新鮮彈牙大蝦+日本南瓜+冬菇等等，新鮮即炸，粉漿夠薄，又香又脆💙上瘾海苔白飯魚脆脆 紫菜上面鋪上白飯魚再炸脆，好香口，真係會上癮唔夠食…查看更多

同朋友喺呢邊行街，好耐冇食過牛肉。行過見到呢間居酒屋好靚，二話不說睇完個餐牌覺得幾啱食就入咗去。環境就腳就在尖沙咀，而且環境好似置身於日本料理一樣。坐低咗我哋都好肚餓，就揀咗個靚小小嘅試吓。Tasting Menu‘Special Tasting Menu’（$888/人）（最少兩人）推介指數：❤️❤️❤️❤️❤️1.和牛沙律2.和牛紫蘇天婦羅3.和牛鵝肝三文治4.和牛拼盤（牛舌，西冷，肉眼，牛三角，博燒 各兩片5.和牛櫻花蝦舞釜飯6.麵豉湯7.是日甜品醬汁：岩鹽， Wasabi，牛肉汁和牛沙律 好香濃軟熟加埋酸甜醬汁嘅蔬菜好開胃。和牛紫蘇天婦羅好香嘅紫蘇葉同牛好夾味，識落一啲都唔油膩。呢個最吸睛，黃牛加上鵝肝配上金箔好高貴。識落仲係爆汁，好香濃牛 配埋鵝肝簡直係一絕，頂級超卓！職員幫我地燒既簿燒牛加上蛋醬 加埋蒜片 呢個組合一定係最好食，蛋又香濃 牛肉絕對不是便宜貨色，油脂分布平均，超正！和牛拼盤（牛舌，西冷，肉眼，牛三角，博燒 各兩片每分都很精緻，各有特色，最愛吃西冷 軟熟入口即溶！牛舌好林好軟熟！牛三角肉味較濃郁。和牛櫻花蝦舞釜飯呢個飯好惹味，和牛加上蒜片，菇同埋秘製醬汁。一啖一啖停不了。最後食埋個甜品，當造嘅蜜瓜好Juice好美味。已雪糕有綠茶同鹽味，好食，有一個完美嘅晚餐。…查看更多

今日朋友生日，朋友想食日本野，於是帶佢嚟食好啲。呢度呢間出名食日本和牛的小店。餐廳的裝修同日本燒肉店好似，好似回到我們當年一齊去日本的感覺。座位闊落舒適，適合聊天。MENU 的選擇好吸引，每一樣都好想食。由於選擇困難症發作，於是揀佢地的Tasting menu ($888/1人) ，由前菜到主菜到甜品都有齊。驚豔程度遠超我預期➰Special Tasting Menu➰（$888/人）（最少兩人）1.和牛沙律爽脆新鮮的沙律菜，搭配輕輕燒過燒過的和牛，配上胡麻醬正。單係前菜已經覺得和牛嘅和牛相當有水準，非常開胃2.和牛紫蘇天婦羅賣相擺盤非常精美，用上金箔作點綴。炸衣非常薄，用紫蘇葉的香包著生和牛，沾上少少鹽，提昇食物的味道。3.和牛鵝肝三文治呢個睇到都真係流哂口水，非常邪惡。吉列脆脆的牛味濃的和牛配上煎香過嘅油脂香的鵝肝，真係冇得輸。三文治仲要用牛油烘過，外脆內軟，完美！！！一路食一路流汁，好好味！4.和牛拼盤 和牛拼盤分別有牛肩胛、西冷、牛三角、牛舌、薄燒、青波椒店員為我地介紹食的先後次序。每一款式都好高質。職員為我們細心燒「薄燒」。燒完撈埋蛋汁，加埋蒜片同蔥花擺入口，和牛的油脂香充滿整個口腔，正。整體嚟講牛味濃郁，件件的脂肪分布好，仲可以自由配上有醬汁(岩鹽/wasabi/燒肉汁)，wasabi的醬汁亦吸引都我，於一般的不同。5.和牛櫻花蝦舞釜飯和牛櫻花蝦舞茸釜飯原個煲上，和牛的份量好多，平時唔食飯我倆，都比佢的櫻花蝦、菇和牛肉飯的精華吸引。不禁一啖一啖放入口，超香！6.麵豉湯7.是日甜品➰日本蜜瓜➰海鹽雪糕➰抹茶雪糕兩款雪糕的牛奶味濃，配上勁多水的蜜瓜，為呢餐劃上完美嘅句號…查看更多

食物質素高的日本料理，價錢親民，而且環境舒適，CP值高。店舖裝修類似居酒屋格局，入門是吧枱位置，沿走廊再入就是卡位。抽煙系統不錯，即使每枱有小炭爐，但完全沒有濃煙。店舖標榜以岩手縣黑毛和牛認證書的和牛專門店。為著「WAGYU」而來，想不到其他菜色也有驚喜。職員推薦「二人前」，一次過可以食壽喜燒及燒肉。刺身帆立貝野菜沙律配黑松露汁沙律菜新鮮爽脆，帆立貝肥美鮮甜，加上黑松露汁。酸酸甜甜，簡直打開味蕾。楓葉活鰻燒火炙後的魚皮焦脆，滲出濃濃的魚油。魚肉味鮮肉實，咬落甘香，配上檸汁及蘿蔔蓉，非常清新。A5和牛壽喜燒粉嫩的和牛下面，是滿滿的配菜。包括菇、娃娃菜、豆腐、洋蔥及魔芋等等。壽喜燒汁甜度偏高而味濃，和牛肉質鮮嫩﹑油脂分布平均，肉味香濃。配上蛋汁，入口即化。各款蔬菜都好鮮甜，豆腐滑溜。所有配菜吸盡牛的油脂，特別香甜。溫泉玉子御飯半熟的溫泉蛋上鋪滿海苔、芝麻，同珍珠米拌勻後，整個飯惹味香滑。配壽喜燒食，非常滿足。A5和牛肉食者包括4款牛部位，和牛西冷、和牛肩胛、和牛角腩、牛舌。和牛西冷油脂雪花含量多，入口即化，肉質也是4款牛肉中最柔軟。和牛肩胛肉質較扎實嫩口，油脂分佈平均。和牛角腩油脂較豐厚，油香四溢。牛舌爽口彈牙，肉味香濃。整體來說，4款牛肉味道濃郁，不沾醬食已經非常出色。但配上Wasabi汁 / 燒肉汁 / 岩鹽，又別有一番風味。最後上的漬製小蕃茄、網紋蜜瓜、海鹽及抹茶雪糕，也非常出色。綜合價錢、食物質素考慮都令人非常滿意，值得再試。…查看更多

餐廳位於尖沙咀金馬倫道，座位劃分卡座及吧枱兩部分，提供多款和牛及海鮮菜式，有選擇困難症人士可似我點選套餐😆🇯🇵二人前（$1,688/ 2位）🥗刺身帆立貝野菜沙律配黑松露醬汁野菜沙律好新鮮，帆立貝厚切又大粒，份量仲唔少，配黑松露醬汁開胃又惹味😌🐟喜知次一夜干喜知次燒過後帶焦香，食落唔多骨又啖啖肉，唧上青檸汁及配蘿蔔蓉酸汁同食，味道清新帶酸😌🍲A5和牛壽喜燒壽喜燒湯底唔會好甜，味道啱港人口味；牛肉質素唔錯，即使浸耐咗至全熟亦唔會韌，配日本雞蛋同食，口感滑溜，另配菜如菇類及蒟蒻等亦吸收咗湯底精華，入味又惹味😋🥩A5和牛肉食者拼盤有牛舌、牛肩胛、西冷及三角腩共4款部位，店員建議先由油脂較少部位開始食。牛舌厚切又爽口，牛肩胛軟嫩帶油香，西冷肉味及油香兼備，三國腩則油份最豐富，入口即溶🤤另可配Wasabi、芝麻燒汁及岩鹽同食，味道各有特色😌🍚溫泉玉子御飯珍珠米配溫泉蛋、紫菜及芝麻，雖然配搭簡單，但好下飯，與燒肉同食亦都一流😌🍨自家制甜品日本水蜜桃爽口又鮮甜多汁，海鹽雪糕鹹甜並重，味道清新😌…查看更多

店舖門口頂有一大隻牛牛logo很易認， 職員推介了Wagyu ya special tasting Menu, 二人餐 $888/位， 啱晒選擇困難症嘅人。▪️Wagyu ya special tasting Menu𝚂𝚝𝚊𝚛𝚝𝚎𝚛▪️和牛沙律▪️和牛紫蘇天婦羅▪️和牛鵝肝三文治𝙼𝚊𝚒𝚗 𝙲𝚘𝚞𝚛𝚜𝚎▪️和牛拼盤（牛舌，西冷，肉眼，牛三角，薄燒）各兩片薄燒會由職員代燒，不過當日職員錯手燒燶了一片😅 職員很好有即時跟進，隨後取了多一片薄燒出來再燒過，說實話這片薄燒是成個餐最好味的和牛，入口即溶，令我對之後的和牛更有期待。不過其餘的和牛都切得比較厚身，略嫌有啲韌。另外，根據餐牌所示二人餐份量正常每款有四片，但是上枱時每樣只得三片，詢問過職員表示因為要視乎廚師所切的厚度，再去決定多少塊…▪️和牛櫻花蝦舞茸釜飯▪️麵豉湯▪️清甜蜜瓜▪️雪糕整體來說，整個和牛盛宴中規中矩，的確吃得很飽很滿足，如果和牛切薄一點會比較好。奇怪的是整晚，只有我們一枱客，其實質素都還可以，職員表示當日是紅日，所以晚上比較少人，日間都很爆場的。▫️Wagyu Ya (尖沙咀)📍尖沙咀金馬倫道29A號地舖…查看更多

如果要講一個唔食素嘅理由，我會話和牛係令我無法抗拒嘅存在🐮 今日趁住朋友生日，帶佢嚟食好啲，到訪呢間出名食牛嘅小店🤍 今次試嘅係佢哋嘅Tasting menu ($888/1; min. 2 pax) 驚豔程度遠超我預期😳前菜係和牛沙律🥗沙律菜新鮮爽脆，搭配和牛冇咁膩，但係單係前菜嘅和牛已經相當有水準，放落口和牛油脂香真係好得😆如果沙律菜係用佢嘅爽脆解膩，咁第二度嘅和牛紫酥天婦羅卡係用紫蘇葉香解膩😛咬落去紫蘇葉香同和牛嘅牛味好夾，外面亦都炸得好香脆，炸衣厚薄適中，賣相加埋金箔夠晒貴氣🧡和牛鵝肝三文治真係邪惡爆🥪吉列和牛搭配煎香過嘅鵝肝真係冇得輸🥳而且麵包用牛油微微烘過，外脆內軟，食完落口同行友人都忍唔住講咗句和牛世一🤩和牛拼盤分別有牛脷、肩胛、肉眼、三角腩同薄燒，店員推薦我哋跟返佢哋肥美程度逐件品嚐，整體嚟講牛味濃郁，見到件件脂肪分布均勻，慢慢食真係試到唔同部位嘅獨特口感同油脂🤪食咗咁多件，最鍾意當然係最後嘅和牛薄燒，燒完撈埋蛋汁，加埋蒜片同蔥花擺入口，任由和牛嘅脂香係口腔爆發真係超正💗三角腩位都有入口即化嘅水平，牛舌口感都好正，其實件件都好正要我揀都好難揀🤫其實食到呢度已經好飽，但而家先食到主菜🤣和牛櫻花蝦舞茸釜飯一上枱係原個煲上，和牛嘅份量好多，飯底索晒櫻花蝦同埋菇嘅精華超香🥰 明明已經好飽但係都會忍唔住一啖一啖咁放入口😚最後上菜嘅是日甜品係抹茶雪糕配蜜瓜，冰感比較重但係入邊有少少果仁碎，食落去抹茶味好濃郁，加埋果仁香超正🍵加埋超甜嘅蜜瓜為呢餐劃上完美嘅句號💚估唔到尖沙咀有一間咁出色嘅和牛小店🥰 特別想讚呢到坐落都幾舒服，店員服務都幾殷勤，成餐飯食得好滿足🫶🏻推介大家係重要日子帶牛魔王嘅另一半過嚟🤙🏻…查看更多

@wagyu_88_cwb｜絕要課金支持靚和牛！💛🥩對於油膩野敬而遠之嘅我居然有一日會食和牛專門店🫣因為實在太想試和牛三文冶😎果然好味！和牛牛油香實在令人念念不忘🥲用餐間都聽到老板娘好關心食物出品，不斷問我地食物是否滿意，背後亦分享佢地好俾心機去研究新餐牌，但即使提供了各類優惠，當晚所見食客都不算多，😨真係少少心酸😔超希望大家可以支持下！真心好食！唔貴！和牛都可以好平！🥲我就一定會Encore再食！🥹🥢食物：推薦✨：和牛拖羅海膽丼 🐮$328- 中意食拖羅嘅朋友一定會愛！錯！應該係在座各位每一位朋友都會中意食(⁎⁍̴̛ᴗ⁍̴̛⁎) 細膩醇厚嘅和牛無需咀嚼，濃厚油香就會在舌尖上散開～👅單係配著飯食就係最佳搭配！🤲🏻一旁的海膽大塊得來味道又幾鮮甜，實在令美味再加分，最別致係幾粒醃漬蒜頭🧄，食到一半時咬一啖甜甜酸酸嘅蒜頭，口中清新不少，再嘗料理味道又多了變化～🥹兩個人一齊分享食就係完美！滿滿嘅幸福感要嗌出碗邊了💗輕鬆清哂！用料超值得呢個價～🥹推薦✨：和牛藜麥牛油果沙律拌紅菜頭汁 🥑 $188 - 🌞想食和牛又想偽健康之選！🫣粉嫩嘅和牛入口有肉香又有油香，沾上甜甜嘅紅菜頭汁清爽又開胃，還有熟透軟極嘅牛油果😈💗再加上爽脆清甜嘅沙律菜和藜麥粒粒🥗，好想黎碗白飯配住食！😂👻推薦✨：日本產和牛西冷三文治 🥪$ 358- 坦白講，對於想試和牛三文治又怕油膩味嘅朋友絕對係初嘗嘅好選擇！～😎不過偏愛食到單純嘅牛油香味而非醬料味嘅嘅朋友就未必太合心水啦🧏🏼‍♀️- 一咬入口先係食到外層麵包烤到金黃酥脆嘅口感、再係酸甜嘅濃厚醬汁、隨而係薄脆嘅吉列炸皮，而最中心嘅粉嫩和牛軟到無需牙咬就會融化般將油香四散至唇齒之間。🥹- 若要挑剔的話就嫌醬汁過於重味成了主調，🧚🏻‍♂️但確實這一搭配令和牛三文治變得更為清爽～作為初嘗者實在令我對這一菜式有極高嘅評價👻會想再試下其他鋪頭嘅出品！😈和牛牛乳咖啡 ☕️$42柑橘柚柚梳打 🍸$42- 不同造型嘅牛牛冰再各自淋上咖啡和梳打～☺️打卡得黎又幾好飲！價錢仲平過係齋打卡嘅CAFE😂更有得追加一次野飲真心抵玩～🍯😋其他：- 部分菜式上台現燒，可能會有少少油煙味～🧚🏻‍♂️- 經Openrice訂座、醫護消防等均有折扣～🤗📝超級推薦！一分錢一分貨～😳雖然價錢稱不上平價但係和牛要返咁上下質素自然就會有咁上下定價，😂出品、服務都絕對同價錢成正比。💛食落就知係用心製作😋 宜家食個西餐都要人均二百落樓了係咪～🥺以呢個價錢可以食到呢個質素嘅和牛真心覺得超抵！🥰就算大家不想食太貴，呢到用餐都可豐儉由人，都有百頭百中嘅菜式可以揀～真心一定要黎幫襯同支持！😭好想佢地可以做落去兼晚晚爆場💗（8.5/10）📍 和牛 88 Wagyu 88 - 銅鑼灣登龍街28號永光中心13樓…查看更多