Vivere

餐厅环境系好嘅，景观也好，服务亦系唔错，但你唔会觉得呢一度系好好食，抵食，好食，比较主观啦，68分。B-由于我系赴晚餐嘅缘故，抵食就冇可能㗎啦，一嚿鱼$289 , 唔知什么意粉$170几，好少份量, 讲唔上系好好食，烧虾同烧鱼系OK。但贵。呢个大厦嘅餐厅，有个特色，高档高价有余，高值，我唔敢讲，亦都讲唔出。可能仲有啲未帮衬，未发掘嘅。同大厦嘅餐厅食过三间，功德林，围炉，宫崎。再加埋今晚呢间餐厅，除咗功德林之外，其他嘅不用回头。6楼嘅宫崎烧肉，三年前帮衬过，亦都有喺OpenRice写食评，当时已经讲过，绝对不会回头，今日再去，宫崎已经人去楼空。唔抵呀嘛。咁啱，今日呢间餐厅，我都系觉得绝对不会再回头。值得一提，如果想去一啲好小人嘅餐厅，冇人打扰嘅，呢间餐厅系唔错，因为我由七点坐到九点几，我谂应该得两至三成嘅客。但系餐厅嘅服务员，服务系好嘅，经常斟水。可能系枱数比较少嘅关系。…Read More

餐厅楼底高，好有空间感，透光开扬大大玻璃窗，望到维港景色，好舒适。从餐厅望出去的景色开扬，餐厅有酒吧，有个舞台仔，仲有个大屏幕，装修时尚又够chill，座位阔落舒适，放工或weekend同朋友食饭，又或搞party嘅好地方👍🏻烤纸包忌廉蔬菜 $88呢个presentation都几特别，蔬菜刚刚好，唔会太腍overcooked，有好多唔同种类嘅蔬菜，忌廉唔会太重味盖过新鲜蔬菜本身嘅味芝士焗烟肉蘑菇忌廉汁面包 $98简简单单嘅芝士蘑菇，重点系个面包，睇落好似好实，食落完全唔系，好有面包香，伴埋芝士烟肉蘑菇，好好味😋香煎猪鞍配芝麻汁及椰菜花 $298猪鞍肥瘦适中，猪味浓，肉又够软腍，煎得够焦香，配芝麻酱都几特别，猪鞍下面嘅椰菜花，沾满猪油脂同芝麻汁好好味💯伏特加汁烟三文鱼螺丝粉 $158烟三文鱼捞埋伏特加汁好浓郁，螺丝粉够弹牙，三文鱼份量唔少，每啖螺丝粉都挂满三文鱼同酱汁💯Sunset Splash $98有益力多，士多啤梨，芒果同苹果汁，颜色超靓，好refreshing嘅mocktailMango Brûlée $128Vanilla Infused Vodka，芒果Syrup，Citrus同蛋白, Vanilla Vodka几特别，不妨一试…Read More

今日情人节想食餐正正常常嘅餐厅先book依间。点知一入去就安排咗张「门口位」俾我哋，完全唔明点解会觉得有客会想坐门口位。一开始order咗个软壳蟹Risotto。隔咗5分钟店员讲卖晒，问要唔要Pistachio Risotto，我听到之后明显吓亲因为我无谂到会有Pistachio Risotto依样嘢。我想话睇返Menu睇其他，但个店员就当我睇唔明Menu，当我ok Pistachio Risotto就走咗去。然后隔咗20分钟先上Starter，隔20分钟先上第一个Main，再隔5分钟先上第二个Main，出餐时间极慢。而店员讲嘅开心果Risotto其实系南瓜Risotto，本人亦都唔食南瓜。难听啲讲我有种感觉俾人误导咗，好似佢拎咗厨房嘅剩菜炒一碟饭俾我。总之成个体验好差，完全enjoy唔到。…Read More

放假约左朋友去食lunch，朋友拣咗呢一间位于铜锣湾嘅餐厅，餐厅对住维多利亚公园，可以望到海景，环境舒服，非常适合朋友倾偈。我哋两个就叫咗两个set lunch，性价比非常高。厨师沙律沙律爽脆，蕃茄仔多汁，芝士幼滑。是日餐汤薯仔忌廉汤口感creamy，入口幼滑，味道好浓郁。巴马臣芝士粉落茄酱肉丸意粉肉丸嫩滑多汁，芝士味道香浓，茄酱酸甜开胃，意粉煮到软硬适中，吸收哂酱汁味道。炸龙利柳薯条配青豆蓉龙利柳新鲜炸起，热辣辣，外脆内软，炸浆薄身，龙利柳肉质嫩滑juicy，青豆蓉口感绵密，薯条香脆可口。…Read More

#铜锣湾美食 #小莲星呑食铜锣湾🔻 Vivere铜锣湾糖街25-31号Sugar+ 11楼/🧃9安士澳洲安格斯肉眼扒配寿喜烧汁 $388叫咗五成熟，啱啱好，肉质鲜嫩juicy, 第一次搭配日本蛋黄同埋寿喜烧汁，微甜嘅汁同咸咸地嘅牛扒估唔到咁夹，令层次更丰富。/🧃波士顿龙虾意粉 $298今期厨师推介系波士顿龙虾！波士顿龙虾虽然得半只，但系都啖啖肉！爽口弹牙、龙虾味浓。意粉煮得好出色，弹性有咬口，搭配蕃茄酱汁好清甜/🧃串烧 有好多串烧选择。烧鳝外焦内嫩，烟熏香气十足；鸡软骨脆口，好有口感。牛舌心够晒厚，正！仲配搭咗两款盐，都好惹味。/🧃熔岩巧克力蛋糕配云呢拿雪糕 $108个朱古力熔岩蛋糕劲有惊喜，真系超级爆浆，而且个朱古力好浓郁，唔系假朱古力味。蛋糕体亦都非常湿润，配埋冻冰冰嘅云呢拿雪糕，简直系享受。/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig…Read More