Vertigo Ultralounge

环境优雅,清静, 可以倾下计, 食物款式日日唔同,可以选择,卖相又靓,味道又好,睇得出厨师好比心机煮价钱合理,湾仔多番个好去处, 有coupon仲有小食或者甜品送,超抵, 下星期再去!!…查看更多

第一次到QRE PLAZA食野, 本身个FRD想去5楼食, 后尾因为没有室内既枱, 要坐露台, 而我地两个到系怕冻之人, 就去左26楼啦, 个场望落去好静, 又一个人都冇, 我地就入左去, 可以念住可以好静甘倾计. 叫左LUNCH SET.头盘: 初头要左蕃茄汤, 一送到上黎, WA....超大味, 好臭呀, 好似D印度香料味甘, 我真系顶唔顺, 推开左, 然后叫佢帮我转返SALAD, 个WAITRESS都好好人甘帮我转. SALAD既菜都几新鲜.主菜:我地叫左海鲜DAILY PASTA 同LASAGNE, 个 PASTA系茄汁SAUCE, 我见SEAFOOD以为系白汁TIM, 又系有浓烈既印度香料味, 食左好少就唔想食, 煎鱼就几好食既.LASAGNE算系几好味啦.但总结今次经验, 就系好差, 印度香料味令我一D都唔开胃, 同埋明明系西餐, 点解会有甘既味道?我不会再帮衬了. 之后仲去左M记买红豆批食.><…查看更多

早两三个礼拜来过这里，当晚那位性格大厨有事没有上班，整间店子因此瘫痪，无法做生意。今晚约好了几位朋友再来，终于有得吃了！很「潮」的环境，既有VIP房，又有美式桌球台，大厅更放上几张大梳化，音乐亦不会吵耳，是一个很轻松的地方。放工来Happy Hour，实是一件乐事。可惜当晚的朋友滴酒不沾，否则可能我会饮番两杯。套餐有头盘、沙律、汤、主菜、甜品和饮品，几丰富。主菜牛羊鱼各要一客，然后再自行资源分配。头盘有烟三文鱼和鱿鱼选择，我喜欢后者。鱿鱼爽口，不会韧，而且味道可口，再自行加点柠檬汁，是尚佳的开始。汤送上来，嗅到很厉害的印度香草香味，还有很多什菜、磨菇以及姜丝等材料，起初还以为味道会很浓，原来是比预期中味淡，个人不是太喜欢。幸好，汤仍是够热，唔算太差。沙律同样两款选择，分别是田园沙律和凯撒沙律。想吃多点菜，就要个田园沙律。很大的一碟，好几款沙律菜，俱新鲜甜美、爽脆可口，很有水准。不过份量实在太大，为免太饱吃唔落主菜，还是不吃太多沙律。主菜方面，我的是羊架，有三件。生熟程度对办，肉质不嚡，很香口，味道浓郁，即使不点芥末或薄荷酱，已经很好味。伴碟的薯条也不少，反正我没有太高要求，够脆口便可。尝了朋友的三文鱼扒和牛扒，个人较喜欢鱼扒，煎得外脆，里头仍有点生，很软滑，最合我心意。牛扒不是不好，但朋友苛打太熟，厨师亦照做，对我来说实在太韧了。甜品本来有三款，可惜是晚的Apple & Pear Crumble售罄，唯有只要芝士蛋糕和Chocolate Fudge Cake。先吃较淡味的芝士蛋糕，质感不够实在，同埋芝士味太淡，有进步空间。Chocolate Fudge Cake则好得多，朱古力味浓郁，甚至浓得有点苦，又有层次感，正是我想要的。全晚只得一两台客，服务也自然可以更贴身，大厨亦会主动出来问客人意见，是值得称赞的。未知那厨师是否就是当日的性格大厨?下次再来，可以打下桌球！(不过美式桌球究竟点玩?)…查看更多

有新餐厅开左，想同朋友去试下新野，见之前位食家既食评话麻麻，起初都有d犹疑…但为希望第时lunch time会有多个选择的大前提下，即管试一试！做午市既area唔大，2人枱有5张、4至6人梳化枱5组左右、2大1细既vip room就无开放，我地1pm正上到去，一半都坐唔满…至于环境，好幽静…人少嘛，唔似系la bons甘好似酒楼甘嘈…见坐4至6人枱既人坐得好舒服。入坐后睇睇个简单set lunch menu，有3个选择：(1) $68 + 10 % service charge - 面包+是日餐汤+二选一主菜+咖啡或茶。(2) $58 + 10 % service charge - 任饮是日餐汤+任食自助salad bar。(3) = (1) + (2) 但唔记得几钱… 今日set lunch既主菜系 (a) Greek style roasted chicken with parsley potato & (b) 焗芝士海鲜白汁意粉。我地见salad bar不太吸引，所以一人叫一个set lunch交换试下。 是日餐汤系之前既食家讲过既: 豉油汤+洋葱既洋葱汤，而且超级多油，伴一片冻冰冰唔松软面包。可能自己钟意食热烘烘香喷喷软绵绵既面包，呢片咬左一啖试过就算，而个汤…都系像征式试一啖。其实呢个洋葱汤好唔好味，真系好见人见至…你系鬼佬会好钟意，因为系好正宗既洋葱汤的话就系呢种「豉油汤+洋葱」式。但香港人所认为既西汤系较creamy，所以无论呢个「豉油汤+洋葱」式既洋葱汤再点浓郁有洋葱味，都感动唔到「香港人」。 Greek style roasted chicken with parsley potato : 个卖相ok la~~ 但d鸡唔滑，个所谓Greek style sauce 又无咩特别... 除了parsley potato 做伴碟外仲有三块，紫、绿、黄色类似茹子既物体做伴碟，但好又系好油lor … 而parsley potato… 讲真好难找到间西餐厅会整呢个整得唔好食 … 朋友既焗芝士海鲜白汁意粉：海鲜方面有鱿鱼粗条、方粒三文鱼，好多芝士粉，溶左既芝士，较粗身既意粉并白汁。先讲白汁，好creamy奶香既白汁。方粒三文鱼肉质同调味几好。鱿鱼粗条唔韧。个意粉就有少少「生骨」甘…咖啡或茶：其实我都唔奢望呢度既奶茶有好高既水准，但用lipton 茶包未免有d教人失望，甘既档次既餐厅，起码用twinings丫，仲要「即叫即冲」，甘短时间，真系无茶味…总括而言，甘既价钱系个甘幽静既环境食饭系好抵，服务又周到，但如果剩系从食物方面睇，未免有d唔值。如果有食家想试下的话，不妨等多阵，等餐厅运作耐d，水准再稳定d再去。…查看更多

一大伙人打算试新野，去左湾仔Vertigo，试左两款午餐， 味道系：(1) (餐汤) 用鼓油开水嘅洋葱汤.....(2) (肉) "骚"味十足嘅肉......似由内脏组成，问左系咩野肉，冇人答我地，总知系.......难入口(可能只系我唔识欣赏) (3) (鱼) 白色无味的一旧东西 (4) (餐饮) 咖啡，味道不错!!! 不过，啲侍应生手脚好慢，比咖啡又唔顺便攞埋花奶过嚟!!另外，有两位智者选择左salad lunch，据说话：不错!! 我地10个人去，叫大家比比分，结果大家总共比左14分!! (最高为50分 / 食沙律𠮶两位智者已经比左6分)不过，呢度环境好好，我谂嚟饮野应该会OK!!…查看更多