OMW愈大就愈钟意食芝麻嘢，一嚟因为芝麻嘅独特香味好正，二嚟因为头顶啲白头发，最近有次selfie，影出嚟啲白头发好觉眼，真系有点少sad🥲 宜家已经过咗立秋啦，天气仲系好热🥵所以都系要食雪糕！！！ 🍨黑芝麻+黑朱古力雪糕+榛子朱古力筒我觉得呢个雪糕系物有所值，佢系由头到尾都好好食😍 先讲雪糕，口感滑身，质地黏黏的，𢳂落就知系Gelato！呢度嘅Gelato好正（后面再同大家分享一个澳门Gelato故事🥲），我拣咗黑芝麻同黑朱古力💕 👑黑芝麻OMW钟意芝麻嘢，呢个芝麻雪糕绝对系食过数一数二嘅高质芝麻甜品！一放落口，就系浓郁嘅芝麻香味，口感可以想象系高质素芝麻糊但再杰身啲，个芝麻味再香浓啲，一啖雪糕类似系浓缩咗两三啖芝麻糊，甜度适中，唔会过甜。黑芝麻控绝对不能错过呢个雪糕！！！🥰 ⭕️75%黑朱古力其实Venchi应该人人都识啦，专卖朱古力；佢个朱古力系一放落口你会即刻知道「呢个系真材实料朱古力」，食落有幸福感。但雪糕食落口，佢又甜咗少少，冇芝麻咁惊艳（可能因为我钟意芝麻多啲🤣）。唔知Venchi会唔会再出个再高%啲嘅朱古力雪糕呢？点都好，下次嚟我可能都系会拣返呢个，因为呢间出名就系朱古力🤤 👑果仁脆筒（榛子碎）我一开头咪话呢个雪糕由头到尾都好好食。宜家要讲食到尾，个cone够脆，加钱有得朱古酱+榛子粒粒围边，好好味，眨吓眼我就食晒。 📍Venchi(堂食-尖沙咀）✨亮点：雪糕好滑！芝麻好浓郁！食完劲满足！尖沙咀店有得坐低慢慢叹雪糕，啲位仲系counter遮住，好有私人空间，唔会畀window shopping嘅人望倒，食得都几chill、几舒服～ 🙇🏻♀️特别呜谢：同我一齐食雪糕嘅朋友！ 😭澳门Gelato中伏故事Venchi品牌嘅Gelato一定信得过系好味啦。其实OMW对Gelato有点少阴影，呢个系一个文化差异嘅故事。前年暑假去澳门，喺条街行到劲热，经过间装修好靓嘅舖头，佢话佢系卖Gelato，谂住咁热天气有Gelato呢啲高级雪糕食正啊，一球价钱系果啲好食Gelato价钱喇冇死啦，就行咗入去买。点知…出嚟系果种维记杯装雪糕，雪糕质地系维记果啲，食落仲有冰粒😑，只杯仲细过维记，价钱系维记4倍，食到我怀疑人生，仲去上网查吓Gelato系咩嚟。⚠️总结：喺澳门 Gelato = Ice cream，大家买嘅时候小心啲🫠🫠🫠 （之后有机会再分享吓澳门梳乎厘中伏事件，睇故事防伏🙈）…Read More
