Up a Notch Homemade Pasta & Pizza (已搬遷)

个日突然见到openrice 上面有依间餐厅！好似几有气氛！又有live music。睇到有百几个like同review都唔错。就系openrice 订位。一入去，职员好有礼貌咁带位！又有人系度live弹电子琴！个feel 好唔错！预左系小贵。咁就order左个意粉同一个pizza试下先！pizza 系黎先嘅！特别在有开心果系表面！几得意！味道就…普通，不过不失！之后意粉就黎了！好浓味！一个字。咸！(唔明review点解会有人推介。可能各人有各口味）我就拿拿声食就离开餐厅去买水饮…因为觉得唔值得再洗钱食或饮落去！前后都无食一个钟就走左了！…查看更多

首先喺IG睇到介绍呢间餐厅，跟住再上OpenRice睇吓，咁就同三五知己去咗呢间餐厅嚟试吓啦，本身我食素嘅，打电话book位嘅时候都已经问过有冇素食嘅选择，咁嚟到嘅时候见到餐牌又唔算太多素食嘅款式，咁我就拣咗个黑松露手工幼面，五式芝士薄饼，蕃茄沙律，火腿芝士拼盘，我帮朋友拣咗个二人set，主菜就有油甘鱼刺身，同埋鹅肝啦，佢哋都话好食，而黑松露手工幼面系做得比较出色，又多汁，黑松露味道有浓，主菜就有羊架，同埋upgrade咗个M5西冷扒，佢哋都话好食嘅，甜品心太软亦都做得出色嘅。我觉得芝士拼盘嘅芝士可以再多少少款式，另外我哋叫咗两支白酒。而餐厅嘅经理亦都好有礼貌咁介绍，整体食物同环境都几好，下次可以再去🩷…查看更多

我地一行几个人谂住咁耐无见揾个地方倾下计食野，咁朋友系网上揾到间西餐厅 谂住试下la去到间餐厅环境唔错 有个大电视同播紧d歌都几新 整体感觉都几好但问题开始出现啦！当日中午见都有好几台客人，谂住叫员工过黎点餐 举左一阵手都好似望唔到咁，咁我地再示意想落order la ，个位员工就话唔好意思等等，咁我地等左大约10-15分钟先黎帮我地落单之后每一次想要人都起码要等10-15分钟跟住个员工都有同我地讲 唔好意思，得佢一个人返工虽然我地表面接受 但你成间餐厅咁大得你一个员工关我地咩事？无理由我地因为你得一个员工我地每次要等成10-15分钟？你地经理唔识去安排多一个人手去帮手点解要食客去接受同体谅？食物同环境都唔错 其实个员工态度都无问题但我觉得无理由一个服务性行业提供唔到应有既服务啰！…查看更多

同朋友庆祝生日，拣咗呢间餐厅，餐厅好大，有两层，而且装修都几有feel，餐厅每晚7:30到9:30会有歌手唱live，大家可以食住饭听歌，我哋𠮶日个歌手中文加英文歌都有唱，嘢食方面，我超级推介牛舌，餐厅里面有个烧牛舌超好食，摆上枱已经好靓，之后食落好淋好易咬，熟度啱啱好，pizza意粉同猪肋骨都OK，意粉系手工意粉都几好食，而且咁啱𠮶日我哋系庆祝生日，餐厅仲有一个少少烟花用嚟庆祝生日，餐厅真系几有feel，服务员俾我感觉好似好急咁，猪肋骨食到一半就急住帮手换碟，但其实我碟上面个旧嘢食未食完🤣🤣不过整体都觉得几好…查看更多

想揾间餐厅可以饮下野，本身见呢间餐厅网上评价一般般，但用餐之后觉得几吾错㖞👀餐厅不同区域都有特色装修，仲有Live band show增添气氛，店员亦好耐心介绍餐厅特色Menu，最后同朋友坐左差唔多3个钟先走😳不失系一个聚会好地︎❤︎ 牛油果蟹肉塔塔($158)软滑牛油果蓉入面渗透住清香嘅柠檬味，配搭蟹肉作为前菜系非常轻盈清爽，加左藜麦仲有脆脆嘅口感🤣︎❤︎港式卡邦尼义大利面($148)酱汁质地好浓厚，做到每条面上都布满嘅效果，整体好重芝士奶味，仲有淡淡烟肉嘅熏香，真系适合香港人口味㖞👀❤︎BBQ牛肉手工薄饼($168)饼底属于薄脆路线，但批边都有保留应有口感🍕烧烤牛肉好入味好Juicy，芝士份量够满足，特别位系有加入腌甜椒，甜甜脆脆咁好解腻❣️…查看更多