Two Square

同事介绍，礼拜日下午时段餐厅唔算多人，但陆陆续续都有客。第一次嚟唔知质素如何，叫咗个最贵嘅肉眼扒都系$170多啲，块扒好大，七成熟切落肉质一啲都唔韧，好容易切，有肉味，配个紫菜饭，个饭竟然好好😄，加$5叫热咖啡，👍🏼👍🏼有质素，好过出边大品牌𠮶啲。朋友叫汉堡包，块牛肉都好得，另一个叫鱼柳，好好食，豆浆都系即磨，好欣赏👍🏼👍🏼。员工个个有礼貌。而家呢个时势，用心做嘅小店更加要支持。…查看更多

时不时都与家人到店进餐，最近亦和朋友一起去午饭。已尝了好几款sets, 款款都有惊喜。食物卖相显心思，食材亦很新鲜。味道有层次，每每入口都使我有点惊喜，可想制作过程绝非庸庸俗俗。肉眼扒很嫩，酱汁味香色靓，意粉锁汁而且质地刚好，汉堡份量足而且用料和配菜都新鲜，饮料和甜品都内外兼备。服务员态度亲切有礼，是香港良好待客的榜样 ... 希望有更多本地的餐厅能有如斯内涵。香港要能再吸引游客，良好的态度是首要。这确是一间很有价值的餐厅。…查看更多

近期土瓜湾好多店舖转手，连sugar taste 都结业，今晚冻冻地，打消吃寿司念头，见到Sugar taste旧舖开咗间Two Square ，晚餐价钱合理就试下，个虾油蟹肉糙米饭好好食，虾味浓稠，西西里汁红虾意粉个汁系蕃茄汁大虾味，都非常之特别，最后个西冷牛扒煎得刚刚好，离开之前都忍唔住要赞吓呢间舖头，因为食得好开心，顺带一提，佢个蘑菇汤都好浓郁，而甜品奶茶茶冻就淡咗P，都好幼滑，真心推介呢间，有诚意！…查看更多

几日前经过见到餐厅出面的黑板餐牌，餐单都几吸引，而且价钱合理，所以决定今晚去试试。我和男朋友分别叫咗两个晚餐，一个系牛腹扒拼蒜香意粉，另一个系烟肉牛肉汉堡，意粉炒得好香，软硬度啱啱好，牛腹扒口感唔错配上酱汁真系几好味至于牛肉汉堡，牛肉混合洋葱碎，溶咗的芝士黏著牛肉，连汉堡包都烘得脆脆的，真系好好味，一定会再嚟食仲有今晚餐汤系浓郁的南瓜汤，稠稠的南瓜蓉，好味…查看更多

第一次写评论，但真系几好味，同埋几抵食，所以写个评论支持下。周末嚟同朋友嚟食晏，等咗一阵好快就入得。叫咗个Brunch menu嘅set C：虾油蟹肉忌廉糙米饭（＄88），食落唔会太腻，啱啱好。Brunch set仲有包饮品，可以拣鲜豆浆或香橙冰茶，我拣咗香橙冰茶，佢有片橙干，几好饮，饮豆浆嘅朋友都话豆浆好饮，下次会试下。到埋单先发现佢系免加1服务费嘅，突然觉得所有野都好抵，土瓜湾区少有，所以先有写咗呢篇评论。…查看更多