Turkeyano

今日路经呢度，就决定试下买外卖返屋企做晚餐。两个服务员都非常nice，喺我有选择困难症嘅时候，建议我可以试下“清真肉食Pizza”，呢度每款食物都系即order即场制作，分工非常之有默契。鸡块：非常酥脆肉嫩，有三种颜色嘅特色酱，加埋一齐食更添风味。烤鸡肉卷配薯条：鸡肉嘅份量有好多，配埋蔬菜同埋秘制酱汁，真系皮薄馅靓，令人回味无穷。而薯条无论系点茄汁或者系特色酱都一样好食。清真肉食Pizza: 见服务员将啲材料铺到好厚，果然系真材实料，有鸡肉，肉肠，同埋啲酸味配料，最后仲加咗特色香料，风味满满，果然冇介绍错。土耳其餐，值得Encore!…查看更多

间中都会行过呢间土耳其食店，今晚就一于试下外卖做晚餐。全程都系由一个女店员一手一脚包办，薯条同埋肉卷嘅材料都系即炸即炒即整。All Day Set 烤鸡肉卷+薯条：薄薄嘅饼皮包住烤鸡肉，相当足料，配搭制酱汁相当惹味，夹杂埋蔬菜中和返冇咁heavy，正。薯条金黄脆身，食完一条又一条。套餐附加嘅炸鸡块：外脆内软, 点埋个三色灵魂酱汁，令人爱不释手， Yummi。牛肉辣肉肠Pizza：脆脆嘅薄饼皮，加上馅料份量同芝士底嘅比例恰到好处，每啖微微辣风味，一试爱上。土耳其风味Very Nice，会再Encore!…查看更多

今日赶住上堂，谂紧食咩好快快食，喺附近呢间土耳其外卖店，未试过㖞！好，睇吓有咩好食先。Shish chicken wrap，特色烤鸡卷里面有橄榄、生菜、青椒、酸瓜、洋葱系好多汁好juicy，当然唔少得鸡肉，肉既份量都多，面包好薄唔会食到食口粉，好好食。长长粗薯条，外脆内软，每条每啖薯仔肉。Popcorn chicken，爆谷鸡肉，新鲜炸起大大粒鸡肉，好香口好脆，虽然系外卖，我都忍唔住偷食一粒先。仲有特色酱汁，一次过试晒三个味道，好有土耳其风味…查看更多

🍢 土式街头风味盛宴 🍢 💥 必食指数 🍴🍴🍴🍴🍴（5🍴为最高） 油麻地食正宗土耳其风味，Turkeyano呢份外卖餐单真系惊喜满分！Lamb Doner Roll配埋脆卜卜薯条同饮品，羊肉香浓多汁；Chicken Wings外皮酥脆肉质嫩弹；F1 Baklava（2件）蜜香酥脆，开心果碎超香口，一个人食都够晒丰富饱足 🤤 餐厅主打地道土耳其街头美食，出品够晒地道，外卖包装细心，无论系叹住屋企食定系街头捧住食都够晒有feel！呢餐味道同份量都超有诚意，钟意异国风味嘅朋友千万唔好错过！ 📍 Turkeyano（油麻地弥敦道375-381号Honour House 6楼7号舖） hkfoodie #foodie #土耳其美食 #油麻地美食 #外卖必食 #DonerRoll控 #Baklava魂 #异国风味 #街头美食 #香港味道 #食咗未…查看更多

📍Turkeyano (油麻地)油麻地弥敦道375-381号金勋大厦地下7A号舖🌯 Mixed Roll（羊鸡）羊肉同鸡肉一齐卷落去，味道够晒层次，羊味香而唔膻，鸡肉嫩滑唔鞋口。加埋少少沙律酱同生菜，口感丰富又唔腻。卷饼外皮微脆，啖啖都系满足感，啱晒攞住行街食。🍟 Fries薯条炸得金黄香脆，外脆内松，唔会油淋淋。洒少少盐就已经好食，点茄汁或者芝士酱更加邪恶。热辣辣食落口感一流，系最稳阵嘅配角，无论配咩都唔会出错。🍗 Chicken Wings鸡翼外皮香脆，腌得入味，啖啖都系浓郁鸡香。食落有少少辣劲，唔会太火，啱晒一边睇波一边食。肉质嫩滑唔干柴，食完仲想添多几只，系聚会必备之选。🥗 Roasted Chicken with Green Salad烤鸡皮脆肉嫩，香草味渗晒入去，唔会太咸。配埋清新沙律，平衡晒油腻感，食落冇负担。成碟睇落健康又有味道，啱晒想食得清啲又唔失口感嘅人。回头:Yesyesyes!!!自从去完土耳其之后都好钟意食佢啲卷，终于揾到一间好出色好出色嘅卷，我真系会专登去买嚟食！😋😋😋…查看更多