Tommy Yummy (康怡廣場北座)

自从小妹妈妈手术后，就好似「坐月」咁，常常留在家中休养身体，近排听到小妹妈话喺屋企食到有啲闷闷地，小妹立刻睇下附近有咩新餐厅开咗，原来楼下商场开咗间人气泰式休闲Cafe ~ TOᗰᗰY YᑌᗰᗰY呢间泰菜位于《安金稻》旁边，地方不算隐蔽，康怡广场巴士站落车就会见到👏🏻餐厅配色十分泰，以浅啡、森林绿色、木🪵色及泰茶色作主要配色，环境都算唔错！近日推出了夏日餐牌，仲有大热的卷卷意粉系列😍卷卷意粉呢排真系好受欢迎呀，一定要叫嚟食😋😋「Summer Delights 」🧡啖啖肉烧香茅猪仔髀超抵食❣️两件猪仔髀配烤香蒜及秘酱，用传统泰式串烤方法，令肉质外脆内嫩😍经过烤焗过嘅蒜头代替牛油，配搭起来有少少辣口增加层次感😚😚超推介🤟🏻🤟🏻🧡打抛肉碎煎蛋·蚬肉卷卷意粉人气大热卷卷意粉🍝终于都食到啦，食落先明白咁受欢迎的理由！意粉口感似食紧弹弓，劲过瘾😆打抛肉碎及蚬肉有少少🤏🏻辣，辣吓喉咙，令意粉十分惹味💕🧡雪映芒果原本谂住尝试雪映西瓜🍉，可惜卖晒🥹转咗饮芒果口味，奶盖好香好滑唔太甜，就好似咬紧芒果芝士蛋糕🍰咁好味；芒果沙冰偏重奶，似芒果布甸，成杯都好好饮😋我谂西瓜实劲好味「Thai Classic」💚泰姬贵妃鸡配秘制酱汁（半只）贵妃鸡版海南鸡，超级正无骨㗎，不过某啲位的鸡肉比较柴，有点逊色！「Dessert」🤎奶茶雪糕忌廉牛角窝夫奶茶雪糕及奶茶酱比想像中美味🤤只可惜，牛角窝夫有点儿失色，都系配番普通格仔窝夫🧇就最好🤭「Smoothie」💛椰香菠萝飘雪小妹妈大赞飘雪好饮丫，香浓的椰子味配菠萝的果酸味，妈妈本人不喜欢太浓稠的饮品，于是点了少冰及少甜，不过太多Cream，下次要走cream🫰🏻…查看更多

本来食开下午茶的肉碎煎蛋饭同埋牛肉船面 但见到有新的鲈鱼片冬荫功面就试试十分难食十分失望 讲真全没有味 汤底有颜色但又不辣 面每一啖都没有味道 鱼也是很腥 我食了两啖都真系食不下去 浪费了六十几元 消费了但真系一肚气讲真 如果继续这样的食物质素 真的很快会结业被淘汰 加一也没有服务 在康怡广场其他食肆下午茶比你这间更便宜都有很多 但真的没有一间这么难食 我最终决定去买一个华御结饭团真系冇咁嬲 希望香港各大食肆用心制作 唔好让消费者食完后悔 浪费时间和金钱…查看更多

今次嚟到太古康怡广场食泰国嘢，价钱都相当公道。啖啖肉烧香茅猪仔髀 $49猪仔髀烧至外皮焦香微脆💥，肉质厚实饱满。香茅腌料好份味，肉身带微微烟熏香气。骨肉轻易分离，仍然kepp到有肉汁💧，搭配酸甜烧烤酱更惹味。打抛猪肉碎煎双蛋饭 $88非常咸辣惹味，煎蛋煎至外缘焦脆，蛋黄保持流心🍳。所有捞匀真系好送饭，除咗肉碎仲有蔬菜粒，食起嚟更加有口感，而且唔会好辣，啱香港人口味😋。云映香芒 $38底层系打到好绵密嘅芒果沙冰🥭，芒果嘅果味甜甜地好清爽，奶盖好厚身又棉密。…查看更多

好早就已经想试呢间泰国菜，不过因为附近好多写字楼，午餐时间成日爆场，好难有位。今日收工特登过嚟食晚餐，啱啱好门口有枱，即刻就安排入座，以星期五晚嚟讲算系几顺利。坐低就见到佢哋有个二人套餐，价钱$298，已经包晒拼盘、蔬菜、小菜、主食同饮品，晚市嚟讲真系抵食。叫完之后望下隔离枱，差唔多全部人都系叫呢个餐，系抵食首选。拼盘有串烧、鸡翼串同鱼饼，啱啱上枱热辣辣，香味好吸引。蔬菜就拣咗椰菜苗，用虾酱炒得好惹味，爽脆又唔会太咸。小菜方面，我哋加咗$58拣冬阴功酱原条鲈鱼，酸酸辣辣好开胃，鱼肉新鲜滑溜，份量都几足。主食就拣咗肉碎煎蛋饭，煎蛋边位香脆，配埋肉碎同饭一齐食，好有层次。虽然成个餐都够晒食，但都忍唔住加多个烧猪仔骨，听讲系佢哋新菜式嚟嘅，酱汁浓郁，肉质嫩滑，食落真系好惹味，成餐更加丰富。至于服务方面，侍应好有礼貌，落单加菜都好快，反应够快，成个用餐过程舒服又流畅。总结嚟讲，呢个套餐价钱合理，食物选择多，味道有水准，加埋服务水准好，值得推介！…查看更多

🍉 云映西瓜超幼滑粉红色沙冰加上一层厚厚嘅奶盖，加咗细细棵绿叶做点缀，造型超梦幻。真西瓜果肉味，清爽，唔会太甜，系食辣嘢时嘅完美救赎。🐷 啖啖肉烧香茅猪仔髀猪仔髀色泽好靓，外层微脆，以为口感会干身啲，但食落原来入面仲保留住肉汁，同埋肉质都好嫩滑。伴碟嘅嘅泰式酸辣汁做得好惹味，开胃，为呢道啖啖肉嘅菜式增添咗清爽感。🍜 鸡肉干炒宽河粉估唔到碟河粉系有啲镬气，似系重火快炒炒出嚟。河粉系偏厚身款，但炒得唔会黏、唔碎，仍然保持到弹性。鸡肉份量多，而且系嫩嘅、唔柴。配料加咗 玉米笋、菠菜、红椒、甘笋丝，颜色好丰富，整体感觉比一般干炒河粉干净健康同冇咁油。面头洒嘅蒜碎令成碟变得更加香口。味道方面比较香酱香 加炒香味主导，食完唔觉滞，带少少甜味调和，唔会太 heavy。…查看更多