Times Coffee

营业中

休息中

Times Coffee (觀塘)
------------------------------
🫶🏻 脆炸軟殼蟹肉燥飯呢款飯算係幾特別，炸軟殼蟹外層香脆，內裡仍然保持嫩口，配埋肉燥飯一齊食，鹹香味濃，但唔會過重，整體味道平衡得幾好。 🫶🏼 巴馬火腿水牛芝士沙律呢款沙律清爽開胃，巴馬火腿帶少少鹹香，配搭水牛芝士嘅滑嫩口感，再加埋新鮮沙律菜，味道層次豐富，適合想食得輕盈啲嘅朋友。 🫶🏼 Caramel Latte咖啡味道唔錯，焦糖甜度適中，唔會蓋過咖啡本身嘅香味，口感順滑，甜而不膩，適合鍾意帶甜味咖啡嘅人。 🫶🏼 荔枝玫瑰冰茶呢款冰茶幾特別，荔枝味清甜自然，配上淡淡玫瑰花香，飲落非常清新，唔會太甜膩，夏天飲應該會特別舒服。
——————————————————

📍觀塘興業街18號美興工業大廈A座1樓C1室

—————————-—————————-
Overall 💗💗💗💗

位於觀塘工廈的Times Coffee，以懷舊課室為主題，一進門就好似回到學生時代，黑板、木桌椅、書架等裝潢都充滿心思，令人會心微笑。加上雲燈和掛燈增添溫馨氣氛，好有心機的佈置🥰蕃茄魷魚意粉🍝蕃茄醬汁酸甜開胃，魷魚新鮮彈牙，意粉煮得岩岩好，整體味道不錯，份量很多黑松露雜菌意粉🍄‍🟫黑松露香氣撲鼻，雜菌份量十足，意粉口感彈牙，醬汁濃郁creamy，令人回味無窮抹茶雪糕豆花豆漿🍵飲品很可愛的熊仔造型🐻抹茶雪糕香濃微苦，豆花滑嫩，豆漿帶點抹茶味，三者搭配起來口感豐富 層次分明。荔枝玫瑰冰茶🍹荔枝和玫瑰的香氣完美融合，茶味清新，甜度適中清爽解膩。食物質素幾好 環境又充滿特色，是一間值得一試的Cafe。無論是想懷緬學生時代，還是與朋友聚會聊天，都是不錯的選擇。🌟🌟餐廳位置較隱蔽，建議提前預約。另外，餐廳甜品和飲品選擇豐富，記得留肚品嚐！📍 Times Coffee (觀塘)觀塘興業街18號美興工業大廈A座1樓C1室

去到跟本就不見服務員，以為是自助，等到有人招待，嘩openrice訂枱，没有確認有没有订台就叫自己隨便坐，主菜好快就到，但D意粉已是凍有D硬，食物一般没有驚喜，食完special 甜品閒心果cheese cake就有驚訝，因為一件细细塊蛋糕平平無奇cheesecake 竟然收$70.大家見到已嘩一声.....

通常去到觀塘，我都會去啲小店幫襯，今日比我揾到間係工業區入面好適合一大班去食嘅餐廳！行入少少有條樓梯上去，一去到餐廳外有好可愛嘅裝飾，好啱打卡～巴馬火腿水牛芝士沙律巴馬火腿同蕃茄再加水牛芝士香味十足，份量都幾多下咖～玄米茶鮮奶 (熱)大杯 以為係抹茶鮮奶但真係玄米茶鮮奶，勁香玄米味！台式小食拼盤（餐）有地瓜球、薯條、台灣腸、餃子同炸雞幾個人分享係唔錯嘅選擇！伯爵茶鮮奶 (熱)大杯伯爵茶味道好濃，拉花好靚

環境一入到去好有校園Feel，餐枱佈置凳都係課室主題，好適合成班朋友一起聚會，環境較寧靜，店員不會打擾，好適合吹水嘅地方。食物抹茶雪糕豆花豆漿 $56好睇又好飲，綠色抹茶雪糕搭配白色的豆花，色彩對比鮮明，加上小熊公仔杯，讓人一見傾心，抹茶的淡雅香氣與豆花的滑嫩完美結合。巴馬火腿水牛芝士沙律 $130巴馬火腿的鹹香與水牛芝士的濃郁相互交融，係我最喜歡吃嘅沙律，特別之處再加了中華沙律，讓整道菜品更有特色。台式小食拼盤 $128香芋地瓜球+甜不辣+薯條+台灣腸+鹽酥雞十分齊全的台式小食炸盤。香芋地瓜球外酥內軟；甜不辣則是香嫩入味；薯條金黃酥脆；鹽酥雞的鮮嫩；台灣腸的彈牙

誰說工厦內不可有coffee time? Times Coffee 位於觀塘工厦，餐廳環境寫意，提供西式及台式食品，適合與閨蜜享受小時光。🍝黑松露雜菌意粉～份量十足的黑松露鋪於意粉面，搭配鮮味雜菌，creamy可口。🍢🥠台式小食拼盤～拼盤包括五款台式小食：甜不辣、地瓜球、薯條，台灣腸及鹽酥雞。甜不辣亦即台灣天婦羅，以魚漿炸成，屬台灣著名小吃。難得這裡的所有小食炸得香脆惹味之餘卻不太油膩。🍯☕️桂花黑糖薑蜜～薑味濃郁，微甜潤喉。🍵宇治抹茶鮮奶～茶香馥郁，口感綿滑。

位於觀塘區嘅「Times Coffee」真係一個好有特色嘅地方！佢主要以台式同美式食品為基礎，創作出唔同款式嘅美食，仲有各種甜品同飲品🍸，真係好吸引。餐廳嘅裝修以校園課室為主題，令人一入去就有種回到學生時代嘅青春感覺！✨ 我試過佢哋嘅鹽酥雞南瓜燉飯，南瓜嘅香甜同鹽酥雞嘅酥脆，食落去好滿足！🍚 而吉列炸蠔肉燥飯，炸蠔外脆內嫩，配上肉燥飯，味道真係無得輸。飲品方面，我選擇傳統咗Americano，咖啡嘅香氣十足，完美提神！☕️ 另外，抹茶雪糕豆花豆漿絕對係一個驚喜，滑滑嘅豆花配上抹茶雪糕，抹茶濃度甜度適中，味道清新又唔會太甜。總括來講，「Times Coffee」唔單止有好味嘅食物，環境亦好舒服，非常適合同朋友聚會。🥳

【觀塘•Times Coffee】@ππππππππππππππππππππππππππππππ首先是鹽酥雞南瓜燉飯（$88.0）。南瓜的甜味與鹽酥雞的鹹香完美結合，燉飯的米飯軟滑，吸收了南瓜的鮮美，讓每一口都令人滿足。黑松露雜菌意粉，這道意粉的香氣讓人垂涎。黑松露的濃郁味道搭配各種雜菌，口感層次豐富，意粉煮得恰到好處，彈牙又不黏。搭配的熱薑汁鮮奶咖啡，暖心又提神，特別適合冬季享用。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 240✨✨✨✨✨✨✨✨✨✨✨✨✨#觀塘美食 #Times Coffee #web3觀塘Times Coffee興業街18號美興工業大廈A座1樓C1室

Restaurant: Times Coffee (觀塘興業街18號美興工業大廈A座1樓C1室) 適合同朋友小聚嘅餐廳😍 宇治抹茶鮮奶 $48 拉得好靚😍濃濃嘅抹茶味同奶香味橙香咖啡 $25 好refreshing 蟹籽卡邦尼意粉 $123好多蟹籽😃 調味好好，唔會太濃味👍🏻😇好creamy台式小食拼盤$128好香脆，佢有炸番薯薯條同普通薯條🤓 好好味，佢啲薯條係粗薯條 😍仲有炸芋香地瓜球球😏👏🏻 台灣腸，鹽酥雞！

❤️裝修得超級靚，超級有氣氛！置身其中好似時光倒流返番課室🧡食物不俗！很愛黑糖薑蜜！凍冰冰嘅天氣飲番一啖已經可以全新暖笠笠，氣血都運行咗！💛而玫瑰冰茶亦都很適合配小食拼盤！清新但不會太甜！同朋友敘舊嘅時候適合潤喉❣️💚小食拼盤嘅台灣腸腸好好食！而炸雞塊都唔會太乾入邊仲有肉汁！🩵明太子意粉每一啖都有好多卜卜脆嘅蟹籽！而且份量都大！我同朋友分兩份食㗎～而蟹柳超大條💙會再嚟㗎！店員又唔會趕我哋走！

於觀塘工作後，發現了一間以校園風格的樓上cafe，店內放滿了讀書時的枱枱凳凳，地方十分寬敞，很適合一大班朋友聚會。店內午餐選擇有很多，一款主菜包一杯熱咖啡/茶，又或者可以以半價選其他飲品。蟹肉蟹棒明太子意粉，份量很多，一個女仔一定食唔哂！意粉熟度剛剛好，彈牙又有咬口，而鮮甜蟹肉、蟹棒，充分融合蟹籽及明太子的鹹香中，明太子醬很creamy，成個意粉配搭很好味，令人回味無窮，再配一杯凍Cappuccino，好满足！

好耐冇嚟觀塘搵食，今日就由友人帶路，嚟咗興業街一間以校園風做主題嘅 café，重拾童年回憶。餐廳佈置得很有特色，內在環境寬敞，裝修同設備幾乎同校園一模一樣，有課室檯櫈、書櫃同黑板等，加上門口嘅 M&M’s 公仔，童趣味十足。食物分門別類，簡單清晰，有  2 人套餐、主食、拼盤、沙律、小吃、飲品及甜品等，選擇不少。點咗客蟹肉蟹棒明太子意粉 ($138)、台式小食拼盤 ($128) 同 2 杯飲品。蟹肉同蟹棒份量下得很慷慨，非常足料，蟹棒鮮甜厚實、蟹肉一絲絲，明太子唔會好鹹😜 意粉煮得啱啱好，軟硬適中，而且非常掛汁，撈埋頂頭嘅蟹籽一齊食，啖啖滋味。小食拼盤用料亦非常豐富，有薯條，甜不辣，鹽酥雞，台灣腸同地瓜球，啱晒有選擇困難症嘅食客。薯條香脆可口、甜不辣軟糯煙韌、鹽酥雞酥香鬆化、台灣腸皮脆有肉汁，而地瓜球亦非常美味，外層金黃香脆，入面塞滿香甜綿柔嘅芋泥，入口Q彈帶嚼勁。 飲品點咗杯 Flat White (跟餐+$21) 同 蜂蜜青檸梳打 (跟餐+$21)，咖啡香濃順滑；青檸梳打清新怡人，加上蜂蜜甘甜，冰涼舒爽，解渴一流！

平日十一點幾諗住去食個early lunch, 點知同層另一間較出名食窩夫既餐廳已經full Booking，先發現原來後樓梯附近呢度有一間類似嘅Cafe，裝修都幾靚，就入去試試啦～叫咗個明太子蟹籽蟹肉意粉同埋炸魚burger配薯條沙律同兩杯咖啡～比較特別既係冇諗炸魚會係有兩塊，雖然係兩小塊，但就方便咗諗住share食既我地🫶薯條係我鍾意食果種脆薯條🤭朋友仲意食淋既，呢間就唔啱佢喇～整體上都好食，睇落細細份，但食落都好飽，所以就試唔到甜品啦～有機會再試啦！

🔎 Times Coffee (觀塘)記得中學嗰陣都有來食過！以前嘅小時光主打台灣菜而家就轉型做西台Fusion菜🤣裝修保持住校園風格🏫枱凳都係中學課室嗰種📚真係滿滿回憶🥹【蟹籽卡邦尼意粉】 $119⭐️⭐️⭐️⭐️ 味道唔錯👍🏻濃郁嘅卡邦尼醬配上鮮甜蟹籽，每一淡食落都係滿滿嘅蟹籽！意粉煮得剛剛好，唔會太軟【黑松露雜菌意粉】 $118⭐️⭐️⭐️⭐️ 黑松露聞落好香，配上各種雜菌，味道層次分明😋個人覺得可以再濃郁啲，但整體都好好味！ 【青桔仔氣泡特飲】跟餐⭐️⭐️⭐️ 清新又唔甜膩，啤啤氣泡搭配青桔仔，好解渴！【桂花黑糖薑蜜（冬季限定）】 跟餐⭐️⭐️⭐️⭐️ 呢個冬季限定❄️黑糖味濃郁，配上薑味，暖心又暖胃，非常適合依家咁凍嘅天氣🤣Cafe在官業工業大廈入面都幾隱蔽🤨但冇諗過平日夜晚去都幾多人！所以大家記住去嘅話最好都book定位！

難得今日經開觀塘，搵咗間隱蔽cafe黎試下。Cafe裝修行台灣高中theme，台凳都係中學學校書台，再播住以前啲偶像劇ost，都咪話冇feel🤭青醬帆立貝大蝦意粉 $128意粉軟硬啱啱好👌🏻 青醬都俾得好足，啖啖creamy青醬 仲帶點香草香味。大蝦同帆立貝都好厚肉，仲有啲菇搭配埋一齊食 口感豐富😋意粉黎講都唔算平，但勝在啲蝦同帆立貝都大大隻大大粒，個人覺得都食得過。抹茶鮮奶 $48（加配 +$24）好多時抹茶鮮奶一係冇抹茶味 一係好嚡口，但呢杯飲落非常滑口 balance得唔錯👍🏻 抹茶味濃郁得黎又唔會澀。抹茶味同奶香都平衡得好好 😋 跟意粉加配都只係$24 正呀我當日係閒日3-4pm黎，避開曬人群所以當時唔算多人。位置闊落，坐得舒服，適合自己一個人靜靜地me time。最後門口都有個打卡位可以拎住杯咖啡坐喺出面擺返個pose影張相✌🏻佢哋仲有lunch同tea menu。下次有機會經過觀塘都會過黎試下佢哋甜品同攤返杯抹茶鮮奶先走😌Times Coffee📍觀塘興業街18號美興工業大廈A座1樓C1室