The Story Cafe and Bakery

同朋友食早餐，見到以下問題：1.兩個員工當住客人面前鬧交。明顯後生既唔服一個自稱管理層既阿姐所以當場發飆，不過眼見後生既對客人都有禮貌。阿姐應對比較笨拙2. 明明已經用了qr code落單，野食已經黎到。但電腦無我地單要口講返落左咩先埋單3. 見到唔同檯既客人都有各種投訴，例如兩個老人家呆等好耐都未有野食。4.食物方面四十幾蚊一個沙嗲牛肉麵，中規中矩，好立克太甜。 另外朋友叫的沙律話有堿水味5. 管理方面都分混亂，所以需要改進，如果唔係好難長遠…查看更多

同男朋友約咗一齊去迪士尼，出發前緊係要食番餐豐富嘅早餐先啦！😆迪士尼啲嘢食比較貴，所以我地就早一個站落車係青衣城食番個靚早餐😚🍽️用餐人數：2▪️香煎厚切雞扒配腸仔、煎雙蛋、田園沙律配厚多士/牛角包$46食落係正正常常嘅西式早餐，覺得份量都好大份，雞扒厚實易咬，都有啲juicy👍🏻同男朋友唔同嘅係煎雙蛋個要求係全熟，佢係太陽蛋，煎兩個都煎得幾好，全熟嘅蛋外層脆脆地👍🏻總括而言：呢個早餐真系好飽肚！！…查看更多

經常幫襯，尤其下午茶十分抵食！食得最多嘅係薄牛扒配多士、炒蛋及沙律。炒蛋非常之嫩滑，看得出廚師用心製作。每次亦必點他的咖啡，非常之香。另外，雞肉肉醬意粉味道亦不錯。以後會經常幫襯。…查看更多

本人喜歡獨自食早餐的，今日也不例外就決定自己去嘆個早餐•••這間已開多時，而新開張時試過一次食物麻麻，所以一直都冇再嚟，今日經過見到有些人在內，我想應該有點改善，所以決定入去試吓！食物唔係太有驚喜，但要讚的是煎蛋應該係即叫即煎及是我喜歡的😅多士就求其咗啲，因為一啲都唔似多士，只係一片乾嘅厚麵包（白雪雪的）…查看更多

諗住快脆買個外賣，俾錢時侍應問我要唔要餐具，我問餐具使唔使加錢？佢話要加所以冇要。點知返到屋企見到張單，原來外賣盒加咗$4，外賣杯加咗$2，外賣膠袋加左$1，總共2個餐外賣加咗$7。🤡食物普通，價錢唔平，外賣錢甚貴！🤡🤡…查看更多

今日係青衣附近工作，我同同事見到餐廳食物種類同價錢吸引到我地，我自己叫左午餐香草雞扒飯再叫番薯薯條同埋炸雞翼兩個小食 。。。。。。。。。。。。。。。。。。。。。。。。。。。。。雞扒飯雞扒皮脆肉嫩有肉汁。。。。。。。。。。。。。。。。。。。。。。。。。。。。。番薯薯條即叫即炸外脆肉軟，食落帶甜，仲要越級大份，我同同事都食唔晒。。。。。。。。。。。。。。。。。。。。。。。。。。。。。。炸雞翼皮脆香口，如果中意食麥當勞雞翼既朋友就一定要叫依個。。。。。。。。。。。。。。。。。。。。。。。。。。。。。…查看更多

舉手叫餐，掂行掂過成個餐廳得5個人，第一次黎見到個環境幾靚所以坐低左。諗完食咩就舉手，有位職員見到我（有眼神接觸個種）跟着照行走左，以為佢有嘢做轉頭會返嚟，但之後無返🤡，之後唯有行出去叫餐🙃收銀個位職員立即黑臉，又掂行掂過🫠真係好吾掂🤣…查看更多

早上本來滿心歡喜 ， 和家人到來坐坐，順便食兩個早餐，於是叫了麵食同埋牛扒早餐。 太太叫咗牛肉湯麵， 發覺湯不夠熱， 所以食麵嘅時候覺得的食材好似啲麵煮咗放喺度好耐先至拎出嚟.... 如果這麼簡單的處理都唔能夠保溫 ，或者煮完麵之後拎出嚟需要攤 凍咁耐 ，真係會好令到街坊失望。 還有我叫的牛扒早餐就真係極度極度失望， 牛扒質素比以前真係差咗 ，但係最唔開心嘅係多士用嘅牛油竟然係極唔健康嘅反式脂肪； 一直以來這間餐廳用的都係純正鮮牛油比較健康， 真係唔知幾時買手或者供應商在最近改了用這些極度邪惡的反式脂肪， 諗住唔用牛油食多士點知多士非常堅硬而且都係凍嘅。 其實麵食多士要有溫度， 牛油用正常嘅這兩件事根本係非常簡單， 希望這間餐廳能夠盡快改善， 畀我哋啲街坊用多一個藉口繼續幫襯。…查看更多

星期日的青衣城很多人，路過經過這間餐廳打算去試一試。 叫咗一人一個晚餐套餐，等了好耐先上湯和飲品。 只椰菜花湯的賣相有點意外，冇什麼味道⋯落單後等了大約20分鐘終於來了漢堡扒。 味道中等，漢堡扒略乾。 另一款肉眼扒，整整等了35分鐘，雖然這塊肉眼扒賣相不只七成熟，但是食落OK不會很難切開，味道是OK的。但這份食物足足等了35分鐘，真的是10分誇張。 我向店員索取蕃茄醬，店員竟然沒有反應，看着我然後走開了。 隔了一會兒又給我返茄醬。 所以他應該是聽到，但是不給我回應。我們永遠都不會再來了。…查看更多

今晚同朋友收工食飯，成八點半後先去青衣城食，揾咗呢間，未食過。入座時間約20:50分。立即落單，一份肉眼扒鐵板跟薯菜，一份吉列魚什扒意，唔使六分鐘先上鐵板，但冇薯菜，問職員回應冇晒，更主動扣減薯菜差額，這個還好。而肉眼鐵板睇真啲，卻仲有血紅，似6成熟，唔接受，叫職員處理過熟啲，時間超快唔使3分鐘，上枱一看，由原來鐵板上變咗普通膠碟上，碟上原有洋蔥消失咗，扒係比原先熟咗2成，呢個可接受，而食鐵板原意要熱辣辣口感保持，但換成膠碟失咗保溫，餐廳冷氣又比較大，扒身好快變得韌，算啦，味道仲可以。之後到吉列魚意粉上(時間21:04)，味道還可以，而那時職員說用餐時間只能去到21:35，乜話，食物剛上時間要30分鐘食完走，佢原來收21:30，咁45分鐘前入座點解唔早講，仲上菜時先講，我話時間太短冇可能，但佢哋話有職員失職唔記得提醒，可以比我哋食多10分鐘😏算了，再點咗俩杯跟餐凍檸蜜飲，超快到(趕收工)，味道還好。最後食到21:56分先離開，基本1小時用餐，以後入餐廳真係要問清楚用餐時間，依家店唔會有下次😑…查看更多

今天4月24日2024年中午點了一個香草烤鮮三文魚忌廉意粉，三文魚又乾又柴，意粉好哽胃，因為主要原因是汁彼得過少，他們家的忌廉汁太稀，作為一個廚師衡量一款菜品，汁過稀就俾多少少，或者意粉份量減少，依度菜忌廉汁同意粉的比例唔平衡，負評就感覺花了很多錢吃了一個自家攞啲超市現成忌廉汁都好過他們家的，可能是因為香港租金太貴，尤其是在青衣城商場入面，但作為一個消費者感覺既然開得在商場裏面應該可以保持品質質素但今日當我唔好彩…查看更多

住咗青衣區一段日子都沒有試過The Story 呢間cafe, 見到食客啲食評，大部份都係有彈冇讚，所以估佢地好快捱唔住，但點知見佢地做下一年做下一年，仲可以過渡埋疫情至今仍屹立不倒在青衣城! 咁啱今天中午我路經青衣城，又未食野，即管入去試試!坐定定後，環顧四周，由於樓底很高，空間感尚算寬敞，所以坐得很舒服，沒有壓迫感!看看午餐餐牌，選擇款式算幾多，價錢又不算太貴，午餐平均$70～80一位，而且全日又免收加一，單看價錢在青衣城來說，超抵食!坐定定後，我就order了一個All Day Breakfast，價值$78 包一個餐湯和一杯熱飲!首先講講個湯，本想個湯是送的，故沒有太多期望，但當飲了第一口後，竟然有點驚喜，濃道與味道恰到好處，都幾好味!跟住就食個All Day Breakfast，賣相不錯，有salad菜、三文魚、炒蛋、德國腸、煙肉、啡菇、炸魚手指、炸薯餅、茄汁豆和牛角包，而且食物嘅質素、份量、溫度和味道都OK!最後，當然就嘆埋杯咖啡啦! 雖然呢度啲咖啡不及出面啲專門咖啡精緻、講究，但係佢地用左隻鐵杯來盛載咖啡，故食完個餐後再飲杯咖啡，仍然有種溫暖圓滿的感覺，都幾聰明!:)至於員工服務態度，我就沒遇到太大問題，夥記姐姐有禮貌地幫我落單，而且我仲叫佢俾多兩杯熱水給我，佢都無唔耐煩，都算好好啦!總括而言，我覺得這間餐廳沒有想象中咁差，而且還有些喜出望外㖭!…查看更多

下午茶餐到5:30當時5:31到想快啲問侍應可唔可以幫我落咗下午茶order先點知佢走去斟水慢慢行過嚟，然後我問佢係咪仲可唔可以落下午茶爭一兩分鐘然之後佢解釋都冇解釋直接將下午茶將餐牌攞走，然後擰轉身同另外個侍應說將所有下午茶牌攞走，然後就冇理我跟住我就企身走人，佢亦都冇理執咗杯水問題唔係有冇得食下午茶係佢當你隱形嗰種態度真係犀利非常差的服務其實知道呢間餐廳係隔離茶樓同一間集團，但係都唔好咁明顯表現出你咁冇服務質素啦唔該…查看更多

先講結論：食物：普通正常，但係差唔多價錢嘅話商場有其他更好選擇。服務：侍應其實有禮貌，不過唔知喺度做乜，其中一個重要係生手，撳機都唔熟。廚房：運作好有問題，食完餐飯仲要催先有湯飲，嘢飲唔催都唔畀。我哋夜晚嚟到餐廳嘅時候得四五張枱有人，諗住咁樣唔算忙，就快食個飯。我哋2個人坐低，叫咗兩個晚餐，一個係黑松露帶子意粉，一個係雞扒蛋包飯。等咗15分鐘都未有嘢食，飲品同湯都冇，同個侍應講乜嘢都未有，之後過多5分鐘先有飯同意粉就上枱，食物正常味道。食到一半，同侍應講先肯拎兩碗湯嚟。食完飯同意粉，嘢飲都仲未嚟，就同佢講幫我轉外賣杯我拎走飲。個侍應都覺得唔好意思，然後去到收銀機幫我搞，但係搞咗5分鐘都仲未撳到個掣，我直接拎埋張單出去同佢講埋單，跟住就有另一個侍應過嚟，幫我喺張單度加返外賣杯錢，同時有另一個侍應包緊我兩杯嘢飲。咁我比完錢拎完兩杯嘢飲就走，之後打開袋嘢睇，畀錯咗嘢飲，嬲嬲地直接掉晒兩杯嘢，嘥埋我啲錢同個外賣杯。…查看更多

去嘅人唔係我，係我另一半，但我從佢嘅WhatsApp對話都可以體會到佢有幾咁耐。當日我另一半自己去咗青衣城呢間The Story到諗住飲杯咖啡坐下，佢就好簡單嗌咗個栗子蛋糕同埋杯咖啡，點知最後等咗超過大半個鐘都無黎到，好老實講，個蛋糕其實一早整定，喺雪櫃攞出嚟就可以，而杯咖啡仲好笑，另一半話未飲過咁難飲嘅咖啡，我就咁睇相都見到啲顏色唔對路。而其實係等緊嘅期間，我另一半都問過侍應啲嘢食仲未上嚟，點知個員工聽完就當無咗回事，繼續忽視我另一半。前後總共搵咗侍應三次，到最後嘅問返我嗌咗啲乜嘢，係咪黐線㗎？連當期時坐我另一半隔籬枱嘅食客都覺得好差。已經唔想再打字去浪費自己啲時間，總之呢間嘢食物差質素差態度差環境差，全差！…查看更多