我同家姐都系牛扒控, 间唔中就周围寻觅下有咩西餐好食, 早排系网上揾到依间系湾仔区专食牛扒既餐厅, 见到Menu有Dinner set一于去食下佢咩料分别有头盘是日餐汤, 自家制百里香蒜牛油餐包同凯撒沙律餐汤系蘑菇汤, 未饮已经闻到好香浓既蘑菇味, 饮落好Creamy同食到一粒粒蘑菇碎, 配佢地个自家制百里香蒜牛油餐包一齐食超夹, 个餐包个蒜香牛油味好强烈, 外皮系搽左层蒜香油, 完全唔同平时去扒房食𠮶啲表面干身𠮶种, 系有诚意既餐包, 超好味而凯撒沙律每份都有四分之一只鸡蛋, 整体调味啱啱, 芝士粉唔会过多, 生菜都几爽口开左个胃, 终于等到主菜出场, 有部分主菜系唔需要额外加钱, 我地就叫左依个280g美国WBI Double Gold 西冷牛排 (另+$50), 点左五成熟, 每个牛扒都可以自选酱汁, 依份配左阿根廷青酱, 配菜系脆炸薯条, 西冷牛排以炭烤方式煮法, 中间粉嫩色泽刚好系五成熟, 食落牛味好突出, 肉味香浓, 个牛脂香好正, 口感软熟带少许咬劲, 唔会太过冧身, 另外点阿根廷青酱估唔到个味道又几清新, 钟意食罗勒既人会喜欢另外块系280g美国安格斯肉眼牛扒 (另+ $90), 一样点左五成熟, 依份配左黑胡椒酱, 炭烤方式真系无得输, 同样煎得刚刚好, 口感比较有咬劲, 牛肉味道比西冷更浓郁, 点黑胡椒酱食完全系100%夹, 加埋黑胡椒香咁食真系回味无穷。 我地超欣赏啲薯条炸得好酥脆, 食落有薯味之余, 放左阵冻左都依然系脆口, 另外不得不赞依度啲牛扒份量都算几大块, 我地两姐妹各自食280g食一半都已经7成饱, 以依个份量如果男士黎一定够食!餐饮叫左杯热茉莉花茶同冻柠檬茶想食甜品可以加钱点, 又或者可以出去自取任食雪条同雪米糍, 真系可以食返够本先埋单走人! 店员都服务好友善, 落单之前都温馨提示我地边款系需要加钱, 食完执碟既时候都问返我地觉得啲野食点, 埋完单仲好开心同我地讲再见, 超窝心!…查看更多
