THE MATCHA TOKYO (屯門市廣場1期)

✨今日行街行到攰，中午揾间餐厅食野抖下，经过Matcha Tokyo见佢有set lunch又唔洗排队就入去试下。🍝Set Lunch - 拿坡里意粉意粉好腍，个汁都hea，冇乜配料，似叮叮意粉质素，冇咩可以唔洗试，真系贪平试下，填肚用。包左杯抹茶梳打，几清爽但偏甜。🍨甜品 - 士多啤梨抹茶芭菲呢个芭菲超好食会覆卓，最顶系抹茶雪糕，然后有士多啤梨脆脆、cream、士多啤梨雪糕、士多啤梨酱、白玉。值得一赞系个脆脆超脆，通常店舖为方便出餐d配料都系装起一大盒一大兜，会较易令材料受潮，但呢度个脆脆系比雪糕浸湿左表面都仲食到中间系脆，令成个芭菲多一重口感，配埋抹茶雪糕唔错！白玉都超大粒烟韧，配埋雪糕果酱一齐食好正。加左个Croffle，唔够热唔够脆唔够香，冇咩特别。🍹饮品 - Matcha Latte抹茶浓而不涩，粉幼细，同奶blend得好好，唔记得叫少甜但都唔太甜，个平衡唔错。🏠餐厅装修以简约风为主，水泥、木质靠墙位同白色小圆枱，唔算坐得舒服但食个快嘅ok接受啦。总结嚟讲，set lunch冇咩特别，唔洗浪费卡路里试，填肚可以考虑，$58包野饮算系咁。甜品饮品都好味，黎食tea几好，抹茶类嘅甜品饮品都高质，虽然定价少贵（用set lunch价钱比较的话），但用料高质份量实在，性价比高。…查看更多

对The Matcha Tokyo印象一般。南丰纱厂分店未结业前，去过饮抹茶、食甜品，当时刚开业，人多挤迫，食物水准唔高，惟独抹茶软雪糕几好食。今日有机会喺呢间分店再食抹茶软雪糕。店舖布置简约，台椅组合系2-4人台，有明亮黄光，感觉唔错。抹茶软雪糕：份量几大，可拣杯/筒装；雪糕奶味重，够冻够滑但快融；雪糕面洒咗绿茶味糖粉，有沙沙的口感，配搭软滑的雪糕一齐食，几好味。服务方面，舖头有3-4个店员，佢哋除落单外，可以讲系0服务+0服务精神。出餐时，佢哋唔会主动俾餐盘；想要水就要直接同佢哋讲，然后，佢哋会将斟好的水放喺出餐台面，由顾客自取。每张餐台有标示话食完请自行将食具放到counter，不过，店员都唔得闲即时处理。另外，对住客人（包括落单）时，佢哋冇一个有笑容。出去食具位置，谂住攞只甜品匙食雪糕，发觉冇细匙羹，问店员，佢话喺其中一格（放食具的筒）自取，但果格空空如也，然后，佢答：「冇就冇喇」。最后，只好拎咗大大只的饭羹，返埋位𢳂雪糕食。唔知日本系咪都系咁？抑或开到嚟香港，就毋须执著日本的服务同用餐文化？再次对呢间舖头失望添~…查看更多

平时得闲都会嚟Matcha Tokyo 食吓甜品𠮶啲 呢间推介抹茶控嘅你咁啱又想揾个地方坐呢间就适合你啦 ！😍😍今次嗌咗平时都会食嘅两款芭菲黑糖啫喱抹茶芭菲 抹茶雪糕再加埋黑糖啫喱真系好夹，一攞到上嚟佢哋个分层已经好靓打卡一流！本来会以为好细杯啦，但其实够晒两个人食都得😁😁芭菲入边呢佢最上层就有一个好玩嘅抹茶雪糕啦，跟住中间就会有啲黑糖啫喱再加油脆口嘅饼啦最佳都有层牛奶雪糕真系好正 另外嗌咗个草莓白玉抹茶芭菲 （唔记得咗佢个名系咪呢个） 𠮶啲白玉好有咬口好好食 再配上抹茶雪糕超级正 中间仲有层士多啤梨果酱配脆口嘅饼干超级好食推介…查看更多

最近试了这款冻抹茶朱古力，感觉有点失望。虽然抹茶的味道还不错，但朱古力的部分却没有了忌廉，口感变得干涩，让人有些不满。再加上现在的价格上涨，却感觉到材料的减少，实在不值。希望能够改善配方，让这款饮品回到以前的水准，否则真的不会再回购了。唉，期待能有更好的改进！…查看更多

想揾个地方坐下，而又钟意抹茶嘅你，呢个系一个好好嘅地方！今次我叫咗两款产品！1. 抹茶鲜奶黑糖啫喱我试咗抹茶鲜奶黑糖啫喱，真系令人赞不绝口。啫喱嘅质地非常滑溜，入口即化，搭配浓郁嘅抹茶香气，令人感到非常满足。黑糖嘅甜味亦适中，唔会过于腻口，令整体带来一种完美嘅平衡。非常建议抹茶爱好者试一试！2. 黑糖啫喱抹茶芭菲讲讲黑糖啫喱抹茶芭菲，呢个甜品层次分明，视觉效果已经好吸引。本来以为会好细杯同埋份量会好少！但令人惊喜嘅系比我想像中好好多！上层系香滑嘅抹茶冰淇淋，中间有黑糖啫喱，底部则系脆脆嘅饼干屑，口感非常丰富。每一口都有唔同嘅味道交织，令人回味无穷。整体来讲，呢个芭菲绝对系一个唔错嘅选择，适合分享或者自己享用。希望呢两款甜品可以带俾你一个愉快嘅味觉体验！…查看更多