The Italian Club

喺社交媒体成日见到依间餐厅嘅黑松露二人套餐post ，搞到我心郁郁，所以就book咗枱，俾咗$200订金。一心一意谂住去食黑松露，去到之后个店员个面口都唔系好好，不过算啦。我哋仲睇紧嗌咩嘢食嘅时候佢上咗两个餐包，中规中矩啦。之后个店员突然间同我哋，”just that you know we don’t have any truffle today” 我：？！？！佢个Menu有唔少嘢都系有Truffles，仲要有个专系Truffle嘅二人餐，你突然间同我讲冇Truffle?! OK算，当理亏，我冇book嘅时候讲清楚，咁谂住求其食够个订金就走啦。嗌咗一个carbonara 一个Lasagna。谂住两款经典pasta实冇死啦，carbonara就中规中矩，纯粹系啲guanciale 非常薄。。。个Lasagna就不得了啦，唔讲以为系一pat肉酱，卖相核突到一个点。个Lasagna系得两层，仲要完全食唔到任何pasta嘅感觉，系一Pat嘢。。。都唔好话唔系层层分明啦，直头要用匙羹食我哋忍唔住问个店员「唔好意思啊，我想问吓个lasagna 系咪suppose系咁嘅样㗎？」你估吓佢答咩？（我谂咗好唔同答案，点都谂唔到呢个）佢话：「Oh yea that’s what our supplier gave us」 （大概系咁嘅意思具体字眼我唔记得）我： ？？？？？我谂紧你系咪讲紧直头系预制菜？唔怪得个Carbonara 3分钟就攞到出嚟啦。原来微波炉叮㗎咋？？？为咗唔好误会佢哋，我仲专登问清楚佢哋系咪直接reheat Supplier 俾佢哋嘅材料，佢竟然答我间接承认咗总括而言，味道我唔会话系难食嘅，但系绝对唔值得百几蚊食两度预制菜，仲要咁低水准。。。（仲未计个店员黑口黑面同埋冇黑松露）BTW听到隔篱枱客好似喺WhatsApp讲到明要甜品，嚟到个店员同佢讲冇…Read More

社交平台见到佢有优惠。 Happy hour88蚊加10％ pizza同pasta。 book位嘅时候，写5点钟入座6点半last order。 可以坐到7点。 点知一入到去。 𠮶位服务员就同我哋讲要6点半离开因为佢夜晚好Full。心里面有啲唔份气。但系既然嚟咗，就算啦照坐低食。其实食物质素系ok嘅。可惜服务员态度甚差，冷气都系我哋叫先开。唔知系吾系因为我哋食happy hour阻住佢休息。其实我哋坐低咗后。带来两枱walk in人客，都算系帮佢哋增加咗收入。但明明同一时段， 佢冇推广 happy hour特价，叫人扫qr code落返ala carte menu。如果唔想做推广特价，不如唔好做啦。大大个mon喺出面写有happy hour。可惜一间餐厅， 只要你请错一个员工。 就会影响一切。有时真难怪大家要北上消费。果啲网上平台优惠啲服务员帮你用手机㩒到为止。…Read More

朋友试过带我过去，谂住食意大利菜都应该贵夹唔饱，点知去到睇餐牌，竟然有set 食，唔贵仲有好多选择，地方唔算大，但干净企理，唔会觉得迫虽然碟头唔算大，但个餐够哂食，咁鬼抵忍唔住手，仲叫左支红酒饮，饮饱食醉后埋单，真系谂唔到意大利餐可以咁嘅价钱。老板都好好人，都有出黎吹下水，佢都讲明，食材佢一啲都唔悭，最紧要客人食得开心，咁嘅价钱，食物质素高又唔似其他餐厅有限时，叹住食嘢、饮酒同朋友吹水，而家香港地真难揾呢啲地方。…Read More

昨晚同朋友2人点咗个夏日优惠套餐,头盘两份(order了parma ham同烤拖罗),5式芝士pizza,海鲜意粉,西冷牛扒最后有2个甜品(推介开心果雪糕),食物质素中上,其实每项内容有好多选择,2人餐份量十足,呢个优惠套餐未加一前只系$450左右,抵!短期内会再黎食!…Read More

今晚本来想去一间网路红人介绍嘅餐厅，点知佢哋off, 咁我哋就四围行，揾到呢一间意大利餐厅。入到餐厅后，先发现佢哋做紧一个tasting menu, 详细可睇下佢哋嘅社交媒体网站, 超抵，所以我先生就叫了支酒一同品尝，支持一下。讲真食物真的有惊喜，由于tasting menu, 价格相对便宜，但材料绝对冇因此已downgrade. 刚啱老板亦系店𫗦，好friendly, 我哋亦同一个熟客倾计，佢话呢个老板好执着，材料一定要用意大利，绝对不会用其地方，所以成本好贵，tasting menu只系想大家可以试下，欣赏下。我最喜欢就系可以慢慢品尝美食，因为依家好多餐厅都限时(冇人等都要限时），呢处我哋足足食咗两个多钟，waitress仲话可以慢慢添。最后个人意见，如果大家有机会去试tasting menu, 觉得好食嘅话，我都希望大家继续支持正价，否则有heart做餐厅嘅人就越嚟越少了。…Read More