The Hut

之前佢啱啱开张时去食，好多人排，叫左个tiramisu味pancake卖相味道都满分。一年后再入黎，叫左个奶油pancake 谂住食番佢最基本嘅味道。一拎到黎，个pancake系烂左，夹硬砌番上去，放劲多奶油，一睇就知佢想遮住个整衰左嘅pancake。完全唔明入面冇客，得我同朋友，点解整衰左都会夹硬俾个客？每不一羹，全部都系一pat野咁，同我第一次食差天共地，我嬲到相都冇影，拿拿声食完就走。好失望，冇下次…查看更多

上星期日去咗西贡放松行吓，咁啱就经过见到呢间Pancake甜品铺The Hut!第一眼见到铺头装修同埋个Menu已经觉得好吸引🤩所以夜晚食完🍚就去试吓佢嘅Pancake！#蜜糖焦糖脆脆Soufflé Pancake + 曲奇雪糕💰$52 + $10所有甜品都系即叫即整，仲可以睇到🧑🏻‍🍳喺入面反紧Pancake！所以Pancake出嚟𠮶阵都仲系热辣辣㗎～热辣辣软绵绵嘅Pancake加埋凉浸浸嘅酱同埋上面嘅脆脆，真系有生以嚟食过最好食嘅Pancake之一🥰🤤环境方面虽然比较细，但都坐得舒适。呢个质素如果喺出面旺区食，绝对绝对唔只呢个价钱🥺所以如果入开西贡嘅话，记住要过嚟试下啊！🥞…查看更多

喺呢个放假日子，梗系入西贡玩吓啦！一早已经book mark定呢间新开嘅疏乎厘餐厅😝今次拣咗蜜糖焦糖脆脆疏乎厘，见好多人都系拣呢个口味！疏乎厘整到胀卜卜且软绵绵，食落带点空气感。焦糖脆脆嘅味道嘅甜味同疏乎厘淡淡嘅蛋香味食落好融合，唔会好油腻！另外仲叫咗杯香蕉朱古力沙冰，饮咗第一啖就觉得啲香蕉味有少少假假地，虽然饮落会食到啲朱古力粒，但系啲朱古力粒有啲硬，所以饮落唔系话太好饮。不过疏乎厘就值得可以再去食！…查看更多

呢间小店主要售卖梳乎厘同smoothie，不过🐷当日食完野先黎，实在试唔到呢度嘅梳乎厘，今次试住smoothie先，下次再食甜品！店内面积较细，只有1张长梳化同3张细枱，假日想坐低食可能要睇运气啦🫣🍓Berries Yogurt $58小店推荐味道之一，由于有大量果肉莓核加上沙冰，口感较为粗粒，味道酸酸甜甜，浓郁杂莓同乳酪味，好好味🥰🤍Yakult $58由两支益力多制成，仲有少少淡忌廉味，味道清新唔会太甜，同样都系消暑解渴之选👍🏻☕️店内仲有少量款式咖啡可供选择~…查看更多

有多款口味嘅梳乎厘pancake同沙冰选择，本身食饱咗，所以试吓Tiramisu 梳乎厘pancake配雪糕～口感柔软，Tiramisu嘅味度亦刚刚好！配朱古力雪糕食好夹！店舖比较细间，大概可以坐8个人～因为都几多人，所以等候时间会比较耐少少，around 15~20mins。⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服务： N/A环境： 6/10打卡： 5/10CP值： 6/10推介值：7/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯…查看更多