The Grove

已经尼过呢间隐世台湾餐厅几次，位置隐藏于民居里面，唔系住呢头附近都要花少少时间揾吓。餐厅坐位分左室内室外既，加埋大概20个位左右，唔太多。室外可以比大家带埋小动物尼食野，都几好既。之前几次我都系尼食饭既，不过今日早左少少食唔落，所以叫左芝士烟肉BAGEL(蓝莓味)BAGEL 好韧，好难切之余用牙都撕左好耐。蓝莓味其实净系D JAM，甜甜地同芝士烟肉馅都几唔match男朋友点左盐酥鸡肉燥饭，盐酥鸡份量多，调味落得岩岩好唔会过咸，肉燥唔会太油，捞饭好正。抹茶珍珠奶绿，珍珠够烟韧，可惜抹茶味比较淡，奶味比较多。下次都系食返主食稳阵D。…Read More

放假时间最岩小妹去寻找美食，放狗之余又可以拍拖，于是揾到呢隐世台式餐厅，叫左卤水小食，样样都好入味，仲有浓烈花椒八角，必试，之后再叫炸鸡粒，一啖咬落去，好juicy！卤肉饭肉碎非常入味，值得一试。炸洋葱圈炸得爽脆，送酒一流。…Read More

今日去开大围做嘢，行过见到呢间餐厅好似几靓咁，就入去食个晏。原来系间走文青风嘅小清新台式料理店。叫左个肉燥饭，本身一黎到嘅时候，都觉得好似无乜汁咁，唔知会唔会太干。但食落又觉得肉燥嘅咸香已经好足够，亦都好湿润，用黎送饭绝对唔会干。喺大围嘅朋友可以试下！…Read More

原本想揾啲文青cafe hea下，点知个朋友仔睇医生成朝都未食野，就早啲出黎同佢食个brunch。早到都几好无乜人，得一枱客。其实想座室外位但因为呢两日落雨怕多蚊就座室内，但转个头lunch时间就两边门打开晒啲飞晒入黎😐。讲返食，见到个menu，除左4号比较破格，其他三个好稳阵（因为一早盘算好一阵间过隔离𠮶间Cafe食下午茶hea）所以呢个就系我哋叫咗1号仔同2号仔。配左侍应妹妹推介既蓝莓奶绿（转饮品每杯减$16）野食野饮好快就黎，可能未有太多客。蓝莓奶绿，杯野本身都几甜，起晒奶泡，滑口但无乜奶同茶味。牛肉面啲面质弹牙，感觉有啲似食紧韩国拉面既感觉。汤头浓郁唔油。牛肉系我大爱既牛筋腩😻好软入味但唔咸。又话辣既😂肉操饭个汁好多够𩠌晒成碗饭，饭系珍珠米😻酱油味浓得来带甜，肉操唔鞋口亦都唔肥腻。不过都唔够屯门某肉燥饭咁令人回味。…Read More

今次又比我发现一间比较隐世既文青影相cafe,其实去之前都系靠上网揾资料见到大围既呢间cafe,主要贪佢有露天茶座，咁样可以慢慢影相又吾惊骚扰到其他人，但如果去既朋友建议搭巴士或小巴会比较近，因为第一次吾识路搭左地铁再转火车，再步行左接近20分钟有多先到，而且cafe既附近系草丛同村屋，加上本人今日去既时候岩岩落完雨，特别多蚊，就系咁我比蚊针到一身都系好彩最后问职员佢地提供左蚊怕水比我先顶得住，所以大家如果要去影相想坐出面记得做好防蚊措施，吾好好似我咁喂饱晒啲蚊。***今次点左两个餐，都系觉得佢地既饭比较好食，面包就一般，但价钱合理，而且份量都正常。…Read More