The Corner Coffee

营业中

休息中

依晚小編要去會展睇show 🎫，而晏晝食咗個好豐富嘅午餐，仲係幾飽下，所以臨睇show前選擇咗輕食當晚餐，揀咗依間大家喺灣仔行行人天橋時，都必定會見過嘅cafe 😎🥮 自家製 伯爵茶 鬆餅 配果醬 😋😋😋😋鬆餅硬身實淨少少🤏🏻，茶香味好突出～ 由於小編唔食果醬，所以冇點到，齋食鬆餅都👌🏻☕️ Cappuccino 😋😋😋😋可以揀選咖啡豆味道，小編例牌飲nutty 😚 拉花好完整，咖啡飲落唔會太濃，奶味適中～下午茶 💵💵 約港幣$80/人💁🏻‍♀️ 上到嚟cafe嘅空間感比喺行人天橋望入嚟嘅大，仲有兩大區域擺放寄賣品、畫作～ 枱與枱之間唔會好逼，單人位至梳化位都有～ 用餐完畢，記得自己收拾餐盤 😉 假如大家第日喺灣仔要逗留一陣，依個地方都唔錯㗎 👍🏻

紅酒牛肋肉飯定食是餐廳的招牌之一，牛肋肉燉得非常入味，搭配紅酒醬汁，味道豐富而不膩。飯上撒有香脆的芝麻，增加了口感的層次。蘆筍雞腿菇炒意粉是我最喜歡的，意粉微辣，帶有橄欖香，但不油膩。雞腿菇和蘆筍的搭配，讓整道菜更加清新。雞湯的加入，讓意粉更加滑嫩。接木果茶當日的接木果茶適合搭配微辣的意粉，清新解膩。茶香浓郁，帶有一絲甜味。食物質素不錯。環境舒適，店內裝修簡約，給人一種放鬆的感覺。最啱閨蜜同行安靜聊天，唔會有人趕。特別是蘆筍雞腿菇炒意粉，微辣的口味和橄欖香氣讓人難忘，而且完全不油膩。搭配一杯清新的接木果茶，整個用餐過程非常愉快。餐廳的服務也算周到，等餐時間唔會等好耐，不過離開時候要記得自己收拾碗碟到收集處。唔系真係會有員工出黎提醒你（哈）。推薦給灣仔鬧市中喜歡清淨，又想嘗試新口味的朋友們。

間cafe成個環境好靚好大，一入門口就有好多精品賣。隨便就搵位坐低，就睇下個menu有咩食，見到啲價錢真喺呆左，一個牛扒要$200幾？求其叫左$52既bagel,諗主唔會好差，應該好好食，好多料。由落單到野食到，等左15-20分鐘有多，一嚟就見到個包又細個，個樣好普通好普通，啲餡料又少，一咬就feel到個包皮好硬，🫨🫨🫨🫨🫨，唔知喺咪焗定過龍，定擺左好耐，定配料問題？真喺唔好食！到最後又要自己拎啲碟出去？間野啲野又難食又貴又要0服務要幫佢收碟，有時會諗，如果拎出去果時唔小心打爛左啲碟我係咪要賠錢🫨呢間野真喺無下次！

環境5分：樓上西餐廳响舊樓一樓入面，近地鐵站夠方便，地方好大好四正。門口果邊有好多野賣。坐响度望住玻璃出面嘅行人天橋人來人往都幾過癮，感覺自己正在慢活嘅節拍，可以畀五分。衛生5分：梳化位非常整齊闊落，廁所响𨋢位隔離，非常獨立。點完餐會有個搖控器，等响就可以去落野食，牆邊有任攞飲用水，餐具同紙巾，好乾淨企理，衛生一樣畀五分。服務 5分：侍應生解釋咖啡飲用次序好清楚，落單同備菜時間都快，效率高，滿分。味道5分：1)    個啖啖蜆肉辣味明太子意粉份量足，Ｄ意粉好al dente，蜆肉超級多，鮮甜肥美，少少辣味帶起個胃口，非常好食。2)    個秘製辣醬炸雞芝士漢堡配黑松露醬薯條個漢堡包大大個，視覺上非常震撼，包夠鬆，面層有大大塊芝士黐住，雞扒好脆又唔嚡，中間仲有幾圈紫洋蔥，生菜同蕃茄，全部夾埋黎食非常豐富飽肚。另外上嗰個黑松露醬好重菇味，點薯條一流。3)    熱Black Sesame Charcoal Latte拉隻狗仔花非常得意，個芝麻味好重但又唔搶，有少少奶香，一定要encore。 4)    杯凍木瓜乳酪味Columbia Hand Drip Coffee清香又清涼，飲完成杯咁清

**🐮 澳洲和牛蜜糖芥末醬芝士漢堡** 和牛漢堡肉厚實多汁，蜜糖芥末醬甜中帶微辣，搭配融化的芝士超邪惡！沙律清新解膩。 so fresh!**🌶️ 秘製辣醬炸雞芝士漢堡** 炸雞外脆內嫩，秘製辣醬勁惹味，嗜辣者必試！配黑松露薯條source with 香濃松露味!so devil!😈 **☕ Hand Drip Coffee - Columbia 木瓜乳酪** 咖啡控必點！哥倫比亞豆手沖，酸度明亮帶木瓜果香，完美中和漢堡的油膩感。 **🍓 Hand Drip Coffee - columbia 草莓奶昔 $85** 濃郁草莓香，口感滑，咖啡有草莓香同咖啡香really amazing !不苦，打卡一流！ **🍰芝麻 巴斯克芝士蛋糕** 外層微焦，內裡流心！濃郁芝麻加芝士香，口感綿密，完美飯後甜品～ #澳洲和牛漢堡 #手沖咖啡 #巴斯克芝士蛋糕 #打卡able #港女食評

成日係灣仔行人天橋，經過見到一間係大廈一樓嘅Cafe。今日特登走上去揾下呢間Cafe，飲個下午茶，食個tea。上去原來係cafe加商店嘅組合。居然仲有high tea食。自己一個人就叫咗一杯hand drip 一個蛋糕。咖啡豆就揀咗一款Ethiopia抹茶風味。Hand drip set，有一個聞香杯，一個熱飲杯，一個杯底杯，一份咖啡豆，仲有一壺had drip 咖啡。可以先用聞香杯，聞一下咖啡嘅香味再試味。味道微酸，但唔會last好耐，係一款接近茶味嘅咖啡。蛋糕同威士忌提拉米蘇幾好食，非常之濕潤，有微微嘅酒香，口感較結實嘅tiramisu 。

今日放假約咗朋友去 high tea! 朋友話灣仔附近有間好出名餐廳幾好，它位於灣仔駱克道150-158號一樓！ 餐廳非常寬敞，裝修以簡約風格為主調，角落都擺放了寄賣的特色貨品！ 枱椅擺設都好濶落，令人坐得舒服。 我們要了經典輕奢英式下午茶套餐：巴馬火腿配蜜瓜、牛油果油三文魚撻、特色臘味Risotto杯、炸蝦多士配港式是拉差辣沙律醬、法式小點心馬卡龍、柴犬香草馬德蓮、伯爵茶英式鬆餅配果醬及奶油、一口威士忌提拉米蘇；桂花酒釀咖啡和伯爵茶💝巴馬火腿配蜜瓜火腿的鹹香油脂與清甜蜜瓜超夾，口感豐富又細膩！💝牛油果油三文魚撻牛油果油能突顯三文魚鮮味！ 撻殼帶燕麥香氣，滿滿的餡料，鮮香可口！💝特色臘味Risotto杯港式臘腸與義式燉飯的完美的結合！ 米粒保留嚼勁與臘味的甘香！💝炸蝦多士配港式是拉差辣沙律醬酥脆蝦多士沾附甜辣醬，蝦膠彈牙，麵包底脆口但吸油少，很好吃的！ 💝法式馬卡龍外殼酥脆內餡濕潤，甜度適中！ 💝柴犬檸檬香草馬德蓮可愛造型帶檸檬香草香氣，非常吸睛！💝伯爵茶英式鬆餅鬆餅是搭配自家製的奶油沙律醬與藍莓果醬來吃，超正！💝一口威士忌提拉米蘇威士忌取代傳統咖啡酒，輕盈不膩！💝桂花酒釀咖啡中

偶爾經過灣仔地鐵天橋，見到一間樓上Cafe，正好是Corner位，好大環境好舒適，有環保產品賣，又是寵物友善餐廳，正合我心意。今日約埋Honey 去拍拖打卡，果然不負所望，好像走進歐洲的休閒餐廳，錯落有致的舒適座位，靠窗的沙發座特別舒服，餐廳有書有茶，見到不少白領和外籍人士正在悠然地用餐，手提電腦🖥正在工作或與遠方親友交通。🥁🥁主菜出色紐西蘭頂級肉眼扒配香草忌廉汁，伴新炸薯片和蔬菜七成熟的肉眼扒鮮香多汁，份量充足，配菜新鮮，無得彈，無可挑剔。👌香煎咖啡漬三文魚🐠，泰式酸辣汁伴法式扁豆和蔬菜超水平的製作，皮香肉嫩的三文魚扒，淡淡的咖啡味，泰式酸辣汁法式扁豆，開胃惹味，配肥美的三文魚真是絕配。👍👍🎉🎉五星酒店級甜品咖啡☕味巴斯克芝士蛋糕🎂，絕不能錯過的甜品，Honey 超喜歡這甜品，連少吃甜品的我也忍不住要多吃幾口。😋😋🥤🥤特色飲品Ethiopia 抹茶咖啡☕，純品咖啡豆，磨出頂級味道，讓味蕾慢慢品嘗咖啡的層次感，回甘久久不忘。😘這裡真是香港少有的充電餐廳，讓人感到滿滿的正能量。🤩🤩

最近到訪左一間樓上Cafe，環境舒適，入座冇限時，非常適合同朋友聚會，有啲座位更加有充電設備，非常貼心。香煎咖啡漬三文魚扒三文魚扒煎得恰到好處，外脆內嫩，淡淡咖啡香氣同魚嘅味道出奇地夾，搭配嘅泰式酸辣汁增添左清新口感，配埋法式扁豆以及蔬菜，既健康又美味。澳洲和牛蜜糖芥末醬芝士漢堡麵包有烘底，加上肉質鮮嫩嘅和牛漢堡扒同濃郁嘅芝士，配合蜜糖芥末醬嘅甜味和微妙辛辣感，食落好有層次。黑松露醬薯條亦炸得香脆可口，黑松露醬香氣令人食到停唔到口。Marshmallow Chocolate濃郁嘅巧克力搭配輕盈棉花糖，口感柔滑，令人回味無窮。非常適合我呢啲喜歡甜品嘅人，特別喺寒冷嘅天氣入面，令人溫暖。Lemon Soda (Passion Fruit)檸檬百香果梳打非常解渴，酸酸甜甜嘅口感喝落清爽，尤其適合搭配薯條漢堡，平衡餐點嘅油膩感。伯爵茶鬆餅鬆餅充滿香濃伯爵茶味，咬落鬆軟可口，搭配果醬輕微甜味，味道啱啱好。Cafe環境舒適，我同朋友享受咗一個寧靜嘅晚上，如果你鍾意文青餐廳係唔錯選擇。

食物質素ok但係貴，大啡菇松露意粉松露味香，意粉有咬口。和牛burger都好食，薯條夠脆，有松露mayo。matcha bagel 外表小小硬，但裏面的matcha butter 餡很香。咖啡也ok，價錢$42 hot latte（揀 fruity ）。環境都有feel, 坐得舒服。不過！！一個男職員態度好差！！！每次再去counter落單都質疑你之前嗌過嘢食未（有80蚊minimum order 但我已嗌咗400蚊嘢食) 仲話“你係咪呃我”？？？唔會再幫襯

Nestled in a quaint corner of the city, this café is a breath of fresh air, far removed from the corporate chains that dominate the coffee scene. The café specializes in hand drip coffee, and it truly excels in this art. The Costa Rica blend, with its delightful dried mango notes, is a treat for the palate, offering a sweet and fruity finish that lingers. On the other hand, the Colombian coffee, infused with hints of papaya, brings a tropical twist that is equally captivating. Each cup is crafte

創意日式大阪燒燒汁煙_三文魚意粉配芥辣沙律醬🍝名字好長的意粉，但味道好食，真係會有大阪燒嘅燒汁味道，但係味道不會過分濃烈以致喧賓奪主，可以話係啱啱好適到好處😀 意粉本身的質地比起 al dente 冧身少少、口感算係軟硬取到平衡。算係一塊令我冇失望有驚喜的牛扒🥩 medium well 的食熟程度控制得好，調味的黑椒、鹽、香草碎～ 唔掂個醬都夠哂味。side dishes 有炸薯仔薄片同兩條焗甘荀咁嘢飲我叫咗杯黑芝麻竹炭latte （少奶）。小奶就會細杯啲，但係我覺得其實都夠飲，芝麻味都幾突出，味道似芝麻糊，口感就似牛奶咖啡啦當然最後同個friend食咗個咖啡巴斯克蛋糕，巴斯克蛋糕裏面菜包住咖啡味mousse～ 不俗：）環境同之前嚟嘅都唔同，之前就行wild camping style 會有唔少露營凳同露營枱，而家就變返日常的木系cafe style 🪵 但啲櫈就坐得舒服咗🤣

🔖位於灣仔站A1出口祥友大廈1樓 入口有啲隱蔽 以Camping為主題⛺️裝修整體偏木質調的輕復古 露營的椅子及木製手工傢俱裝飾空間大而且開揚 有靠窗充電位置 仲有夾公仔機〰️Cafe非常多元化 除咗飲食之外亦可以shopping 設有書店📚及售賣環保手作寄賣店食物方面有主食亦有Bagel🥯及甜品🍰小食坐喺度食吓嘢聽吓歌🎧感覺好chill✨😌❥ All day breakfast 份量大配料丰富 營養價值高🤤有煙三文魚 煙肉腸 炒雜菌🍄‍🟫炒蛋🥚酸種麵包🍞什菜沙律🥗薯角烤蘑菇加埋蒜🧄一齊好香煙三文魚鮮甜可口 厚身薯角外皮香脆 酸種麵包外脆煙韌口感 ❥ 紐西蘭頂級肉眼牛扒配香草忌廉汁伴炸新薯片及蔬菜嗌咗五成熟 睇得出牛扒🥩好新鮮肉質鮮嫩有肉味有咬口 點香草🌿 忌廉汁增添了風味炸新薯片有驚喜 薄薄一片 好香脆 食到停唔到口 如果份量多啲會更好🙈❥ 黑芝麻木炭拿鐵拉花好靚🩶入口滿滿黑芝麻味 非常濃郁口感順滑❥ Hand Drip Coffee- 木瓜乳酪店員會親自講解 仲教唔同嘅飲法帶有木瓜香氣 加入氣泡🫧泡泡口感綿密細緻🆙清爽得嚟又可以突出咖啡嘅香氣有唔同杯唔同飲法 幾有心思 值得一試🙌🏻❥

一入到去就覺得環境好舒服 好chill☁️雖然係Cafe 但係主食都好多種類揀😍而且側邊都有小店寄賣唔同類型既產品🌟 卡邦尼蘑菇芝士煙肉意粉意粉煮得適中，煙靭有口感！芝士味唔會太重，就連我呢個唔太好芝士嘅人都可以接受到😍而且醬汁充足每一條意粉都掛滿咗卡邦尼汁🤤🌟 紐西蘭頂級肉眼牛扒配香草忌廉汁伴炸新薯片及蔬菜🥩肉眼牛扒肉質嫩滑，油花分佈均勻，牛味充足，而且煮到七分熟，岩岩好係外脆內嫩，而且搭配香草忌廉汁，減低咗牛扒嘅油膩🥩🥩😍🌟蜜瓜冰淇淋hand drip coffee☕️本身係想試桂花酒釀味道，但係咖啡師話佢味道強烈一啲，如果想要冇咁苦嘅咖啡可以果味嘅咖啡☕️怕苦既我就揀左蜜瓜冰淇淋一嚟到就好香嘅蜜瓜味，中間嗰杯係濃縮咖啡，加水落去飲可以試到佢原本嘅味🌟Americano🌟 開心果巴斯克芝士蛋糕開心果香好濃郁，而且表面灑咗開心果碎，口感順滑，甜而不膩，食咗呢個蛋糕做結尾真係好滿足🍰

係灣仔有間全自助無加一既超寬落Cafe呢間Cafe特別在於除左有野食仲有好多文青格仔商店藝術氣悉爆棚，花茶，手作香薰等等好多人係度自修，任坐唔嬲可以傾一個下午。紐西蘭頂級肉眼牛扒配香草忌廉汁伴炸新著片及蔬菜 $208個名水蛇春咁長唔係流，除塊扒軟硬適中無渣，佢嘅配菜睇得出有心思，炸薯片香疏菜都要即煮，好考工夫泰式香辣冬陰功蝦肉意粉 $148辣度因人而已，我就唔覺得辣，但冬陰功味係夠的蝦亦唔係細蝦毛仔抺茶芝士蛋糕 $52芝士蛋糕唔會太多忌簾唔太流，質地軟滑，食完一啖會想食多啖柚子琉打特別在配答了果脆脆，添多份口感和味道芒果茶有好濃的芒果未，略一點甜，看個人口味食完可以去找店員唱代幣夾公仔就咁買係20蚊4個灣仔駱克道150-158號祥友大廈1樓