The Cipollini Pizzeria

2025年11月12日 星期三最近喺启德揾到间几有惊喜嘅意式餐厅——The Cipollini Pizzeria，主打薄饼同手工雪糕，不过我哋今次试咗佢哋嘅热前菜拼盘、两款意粉主菜同自家制雪糕，全部都几有水准餐厅虽然唔系太大，不过环境几舒适，有外国风情，一枱一凳都几有特色，一开始去到客人唔算太多，但系坐低咗之后就逐渐入嚟，好快就坐满晒成间餐厅餐牌都有几多款式食物可以选择，除咗招牌菜薄饼之外，其他菜式都好似好吸引，价钱都唔算太贵等咗一阵食物就开始送到，首先有热前菜拼盘，里面分别有蒜蓉大虾、鸡翼同肉丸，虾身啖啖肉，唔算太大只但胜在新鲜，啖啖都弹牙，酱汁系微辣带甜，蒜蓉炒得香口又唔会太腻，啱晒用嚟开胃而鸡翼就炸得外脆内嫩，皮薄唔油，咬落去有少少烟韧感，腌料偏向美式风味，咸香中带少少甜，似系蜜糖芥末混合黑椒咁，配埋啲香草点缀，食落唔会太heavy至于肉丸口感扎实但唔会太硬，咬落去仲有少少肉汁渗出嚟，上面洒咗芝士碎，配埋微酸嘅番茄酱，味道层次几丰富，唔系𠮶啲罐头味，好似喺意大利小馆食到咁主菜有蒜香海鲜扁意粉，香草同蒜蓉味扑鼻而来，未食已经闻到海洋气息，扁意粉煮得啱啱好，唔会过腍，挂汁力强虾同蚬都够新鲜，虾肉弹牙，蚬味浓郁，仲有啲甜椒丝加埋色彩同口感，蒜香唔霸道，反而令海鲜味更突出添呢个系白汁烤鸡，鸡胸肉烤得啱啱好，唔干唔柴，切开仲见到少少肉汁，口感嫩滑忌廉汁唔会太浓腻，反而有种轻盈嘅奶香，配埋菠菜嘅微甘同车厘茄嘅酸甜，令到整体味道有层次又唔会闷最后甜品我地要左自家制意式雪糕，系餐厅每日新鲜打制，口感顺滑得嚟又浓郁我哋分别要左红桑子同椰子菠萝味，红桑子味酸酸甜甜，果香好突出，食落有啲似饮紧果昔咁清爽而椰子菠萝就系另一种 vibe，椰香柔和，菠萝味清甜，两者融合得好自然，有种夏日沙滩嘅感觉两球一齐食仲有层次感，甜中带酸，好有意式风情整体嚟讲，餐厅除咗薄饼之外，其他菜式都唔马虎，前菜够香口，主菜有诚意，甜品更系亮点之一啱晒同朋友聚餐或者饭后慢慢叹杯雪糕…查看更多

Pizzeria 就当然系意大利文啦🇮🇹，即系专门卖 Pizza 嘅餐厅或外卖店🤣，呢晚就同朋友一齐嚟咗呢间 Pizzeria 食 Pizza 🍕🤣Artisan Pizza 即系「工匠的披萨 🍕」咁拣咗 $228「火腿和芝麻菜配香醋奶油披萨🍕Prosciutto And Arugula With Balsamic Cream」：呢个系薄披萨🍕，12吋大大个，披萨皮做到有少少脆，基本上已经鎅开咗，再喺每一件上边放啲 Prosciutto仲放咗啲火箭菜，仲有甜甜地嘅 Balsamic Vinegar 意大利黑醋，简单几好食🤣$128「凯撒沙律」加 $30「鸡肉」：罗马生菜🥬新鲜爽脆，捞埋凯撒沙律酱，味道浓郁，仲加有脆卜卜嘅小烟肉片同 crouton 脆面包粒 🤣；鸡肉就够软熟🤣；整体几好食😋$188「蒜蓉忌廉三文鱼扒」：三文鱼扒厚切煎得几香口，三文鱼皮仲煎到脆脆哋🤣，蒜蓉忌廉汁系绿色嘅应该系落咗好多香草，配煎三文鱼一齐食增添美味😋$68「提拉米苏 Tiramisu」：够 creamy, 算系几轻身，好味道🤣…查看更多

Airside行咗一轮唔知食咩好，最后都系拣返呢一间食pizza，虽然之前都食过几次，但系佢都真系几好食，始终都系拣返佢。French Fries首先食个小食先，呢个薯条虽然简单，但系好好味，薯条粗幼适中系我钟意𠮶一款，炸得好香，外脆内软，咸牛油香气足，沾上黑松露蛋黄酱，好滋味。Wagyu Sirloin Pizza呢个Pizza有和牛西冷，一次过满足我两个愿望，又食牛扒又食pizza。pizza系薄薄脆口𠮶一款，馅料非常之丰富，加上特别调制嘅酱汁同埋芝士，好惹味。Squid Ink Risotto呢个墨鱼汁意大利饭好香浓，每一粒饭都挂满酱汁，八爪鱼片都几多，薄薄一片一片，完全唔会韧，搬入意大利饭度食口感好好。配料仲有一啲车厘茄Juicy Juicy，同个墨鱼汁饭味道好夹。Ricky road gelato最后我哋梗系要食返个甜品啦，见佢个雪糕柜好吸引，我哋要咗一球石板街配waffle cone，朱古力味好香浓，加上一啲果仁碎粒，配上香脆嘅雪糕筒，我哋两个人share一个食得好满足。…查看更多

喺启德睇全运会，在Airside揾食。路经一间叫Cipollini Pizzeria嘅意大利餐厅，装修走意大利乡村同现代风格结合，环境好温馨，仲设有开放式厨房，可以望到师傅即场整Pizza，感觉份外有亲切感。Cipollini主打手工薄饼、意粉同多款Appetizer，啲Pizza有12吋圆形或方型切片，选择够多元，适合朋友或者家庭一齐Share。Caesar Salad沙律用料新鲜，罗马生菜爽口，面包粒脆卜卜，芝士带咸香，加埋烟熏三文鱼，食落清新开胃，层次好丰富。Chicken Wings鸡翼外皮炸到香脆，肉质Juicy，入味又带微微辣，啖啖肉。Tom Yum Pizza冬阴功味系最推出嘅口味，Pizza饼底薄脆，咬落好弹牙，馅料够晒丰富。冬阴味道层次分明，酸辣感突出，芝士溶化香浓，虾肉够爽口Juicy，咀嚼间渗出海鲜鲜甜同香草惹味。Grilled Salmon Steak三文鱼扒烧得啱啱好，卖相好靓。外层微焦香，鱼肉嫩滑入味，保留到鱼油嘅Juicy同鲜甜，入口即融，配埋蔬菜一齐食，更加清新爽口。Gelato榴梿味雪糕系细滑又有奶香，入口即溶，甜而不腻。…查看更多

自从 #港铁🚇 多咗条 #屯马线，#启德 已经成为变成 #小秘书 嘅新蒲点。为咗打卡，我哋一朝早就走到去「零售馆」𠮶边，手机食饱，又系我哋揾嘢食嘅时候☺️ 朋友仔提议返过去「Airside」帮衬一间 #意大利餐厅「The Cipollini Pizzeria」，佢话包我钟意❤️餐厅地方唔算太大，不过两边落地玻璃，睇起嚟空间咁都唔错，如果钟意大自然，仲可以拣开放式位置，感觉都几chill㗎！打开餐牌选择都唔少，成两点都未食早餐嘅我，梗系要叫多几款，试吓师傅嘅手势啦🤤头盘🐣鸡翼 - 鸡翼上铺上薄薄嘅炸浆，口感脆脆地，加上香辣嘅味道零舍惹味😚自家制意粉🍝菠菜瑞可塔芝士意大利云吞配番茄香草汁 - 师傅将 #菠菜蓉 同埋 #芝士酱 酿入 #意大利云吞 里面，手功制嘅云吞皮零舍有口感，再配埋啲 #蕃茄香草汁 一齐食，估唔到有几特别㖞！主菜🐮和牛西冷扒蘑菇汁 - 五成熟嘅 #和牛西冷扒 肉质鲜嫩，入口仲充满肉汁🤤 而伴菜嘅嘅 #薯蓉 亦做得相当绵滑，整个配搭非常出色🤩甜品🍧Gelato意大利雪糕 - 佢哋嘅 #Gelato 雪糕 都系手工仔嘅，而且口味都唔少！一向系 #榴梿铁粉 嘅我，又点可以错过佢哋「期间限定」嘅 #榴梿口味，入口充满榴梿香、奶味亦非常浓郁，啱晒我嘅口味😉 而朋友仔就拣咗 #泰式奶茶口味，我偷食咗一啖，味道又真系好似㖞！餐厅整体食物都做得非常出色，充满意大利风味，而且店员亦好好笑容😊 怪不得朋友仔极力推介啦！📍The Cipollini Pizzeria（启德）AIRSIDE G楼G012号舖…查看更多