The Americano By Texas Burger (已結業)

朋友订左午餐，订坐有 85 折（应该无85折唔会黎）赞左先，唯一赞嘅就系侍应姐姐非常有礼貌，好招呼，……….不过可惜得一个人要照顾成场成20-30 人🤦🏻🤦🏻🤦🏻又要落单，又要执台，又要攞水攞食物，辛苦晒。食物，可能选左普通汉堡餐（$118-$128）汤系冻嘅，茄汤啲色又怪，又酸又冻，好似饮紧呕吐物🤷🏻‍♂️试左一啖，即刻比返佢地无谓贪食搅到入医院。汉堡扒就一般，柴过鞋底，系啲菜同蕃茄可以，就系因为咁难食所以觉得薯条好食🤣🤣系杯野饮值得推介。见到个厨行出黎几次，心谂野食又唔得，见到个同事咁忙又唔帮手，都唔知做乜？🤷🏻‍♂️因为咁，连想试 $2xx 嘅扒嘅念头都无埋，普通野搅唔掂，一阵成左个贵野中伏就大镬。…查看更多

欢迎follow Instagram @paintful_studio !😋.🍔🍟🍹The Americano by Texas Burger 德洲烧烤牛肉汉堡配薯条 $128烟肉蓝芝士汉堡配薯条 $128热情果芒果特饮 (跟餐+$6)菠萝青柠特飮 (跟餐+$6)———————————————————————Lunch Set包餐汤 当日系普普通通嘅蘑菇汤～.汉堡面包有牛油香 好软熟！！半吋厚嘅牛肉汉堡扒 肉汁丰富但唔油腻 出色🤤中间夹咗一层好似韩式炸酱味嘅烧烤酱同埋两嚿洋葱圈 好多层次 但食落又融为一体 MATCH！蓝芝士酸酸甜甜咁 可以解腻 另外呢个酱比较流质 食完整个汉堡 个口都唔会太干😋值得一提！幼薯条炸得好香脆！好食！.蝶豆花菠萝青柠特饮都几好饮💜好多菠萝肉喺底 望落仲好梦幻 啱晒拎嚟打卡～🤪…查看更多

即兴约朋友去食午餐，突然想食汉堡包朋友喺荔枝角返工，佢介绍去工业大厦食汉堡包！呢个工业大厦都几多舖头，有婴儿用品、模型公仔同食市等朋友预先喺OpenRice订位，大约12点到达时，仲有好多空位，见窗边有几个卡位，但由于我哋得两个人，所以安排咗二人枱俾我哋本来谂住试吓软壳蟹牛肉汉堡，估唔到12点几已经卖晒所以我同朋友分别叫咗三重芝士牛肉汉堡($128)同德州烧烤牛肉芝士汉堡($128)餐汤系黑松露忌廉汤👍🏻有别于其他西餐店，黑松露味道唔会太重我同朋友大家一人一半对分汉堡包，咁就两款都可以食到汉堡牛肉味浓好Juice 👍🏻柠檬茶嘅茶胆，亦都好清香佢哋嘅薯条炸得好脆，好香口朋友果然冇推介错，可以再encore…查看更多

本身好少去工厦餐厅，但睇过食评感觉唔错、又要去开𠮶头，咪Book位试试。今日book左13:30同妈咪同埋个仔去食，因为今日星期六惊人多，但系去到只有两枱人！今日叫咗三个lunch set，经典炸鱼薯条同埋德州牛肉芝士汉堡都OK，薯条唔林仲好脆，相反串烧虾饼饭感觉hea咗啲啰，见到个卖相完全唔想食，食落去真系非常一般，完全唔值呢个价钱！嘢饮方面，试咗个焦糖奶茶+金橘热情果红茶，都唔错，至于个蘑菇汤非常出色有机会，都会继续帮衬…查看更多

之前净系试过旺角果间，估唔到荔枝角都开咗间Texas Burger，Lunch Hour 又多个选择今次同两个朋友试咗招牌德州烧烤汉堡，好足料，烧烤酱汁比较惹味香口。平时好惊食到啲burger个包系软淋淋，今次呢个脆身啲、兼冇咁油腻！啱啱好 另外叫咗个带子深海鲈鱼，估唔到竟然有鲈鱼，感觉有啲惊喜，海鲈鱼鱼皮薄脆，鱼肉嫩滑，带子就比较Creamy，口感丰富，如果个汁再浓啲就更加好！整体空间感十足，座位多适合一大班人来聚餐！…查看更多