The 5B Private Corner

今日係我同老婆結婚11週年紀念日，地點係佢揀的！咁啱就係我地公司同事十年前有去食早餐和午餐的餐廳The 5BPC, 我地7點多上到餐廳，入到去其實同我以前不太大分別，架靚靚單車仍然係度！布置仍然係咁舒服，有無敵海景Bar枱位！不過可能真係巿度麻麻，連埋我只有兩台客人……坐好後點了份牛扒Set，兩個意粉Set及一個阿女最喜愛嘅小食薯條，餐湯有點淡，但可能係我自己本身喜愛重口味，但如果注重健康飲食嘅人應該剛剛好👍🏻我個要求好高的皇帝女話啲牛扒好好味，不過當然佢都係話薯條先係最好味啦😅用餐完後上預訂了的畫碟甜品，店員姐姐好熱情咁上前幫我地一家影相，重放了少少點綴係枱，非常細心！最後重比阿女抽中個小食，所以決定下次搵埋同事一齊再去幫襯👍🏻而家佢地做緊十週年優惠，只要係社交平台 like and share就有95折！大家不彷一試😋加油The 5BPC💪🏻🦾💪🏻🦾💪🏻…查看更多

最近光顧了一家寶藏餐廳，體驗超棒！一進門就被溫馨的環境吸引，燈光柔和、佈置用心，用餐氛圍輕鬆愜意。服務員全程微笑服務，熱情又專業，有任何需求都能及時響應，讓人感覺被重視。菜品更是沒得說，每道菜都精心製作，色香味俱全，辣忌廉煙肉海蝦意粉吸收了濃郁醬汁，海鮮與煙肉鮮香入味，每口都充滿驚喜。慢煮黑毛豬肉質好淋又保留到黑毛豬獨有嘅咬口。最正係個自家製蘋果醬，清新嘅甜味同豬扒嘅油脂香撞到嘭嘭聲，解膩之餘又帶出鮮味。講到甜品的創意更是戳中我，生日主題盤的溫馨感拉滿，服務溫度讓人難忘。價格也很親民，性價比超高！總之，這裏從環境到菜品再到服務，都讓我感受到滿滿誠意，以後還會常來，強烈推薦給大家～…查看更多

生日必打卡嘅西餐廳，職員好用心機準備生日畫碟，想畫乜都得啊，畫得好靚！畀咗屋企人十足驚喜！食物好大碟，味道好驚喜！一定會再嚟！一上枱成碟烏卒卒！好大劈蟹籽好過癮！撈勻之後每條意粉都掛滿濃濃嘅龍蝦湯，仲有爆多蟹肉同蟹籽，一啖放入口，個口感豐富到爆炸！墨魚汁意粉煮得啱啱好，煙韌有咬口，龍蝦湯嘅鮮甜同蟹肉嘅鮮味夾到不得了，仲要每啖都食到卜卜脆嘅蟹籽，成個海洋嘅精華好似喺個口裡面開party咁！最正係個汁，creamy得嚟唔會膩，鮮味濃到黏嘴唇，真係忍唔住要舔碟！呢隻香草烤雞真係「邪惡」到極點！雞皮焗到金黃色，脆卜卜好似餅乾咁，但一啲都唔油膩。切開嗰陣，啲肉汁多到好似瀑布咁流出嚟，雞肉嫩滑到呢，用叉子輕輕一拮就離骨！香草醃得超入味，每啖都係濃郁嘅香草香，食完成個口都係餘香。最正係連雞胸位置都唔「鞋口」， juicy到漏！忍唔住用手拎起隻雞髀大口咬，啲汁爆出嚟嘅感覺真係無得頂！抵讚係佢唔會太鹹，完美還原咗雞肉嘅鮮味。呢塊美國牛扒認真無得彈！一上枱已經聞到陣陣炭烤香，切開見到粉嫩嘅肉色，啲肉汁多到爆棚！我叫咗五成熟，真係啱啱好。外面層皮煎到脆卜卜，裡面啲肉就軟淋淋，入口即化。牛味超濃，仲有陣淡淡嘅油脂香，咬落去勁juicy，啲肉汁係口裡面爆出嚟，正到呢！配埋薯條，佢哋啲薯條真係好脆，簡直係完美配搭。雖然價錢貴少少，但係質素真係對得住個價，食完大滿足！各位牛魔王，呢塊牛扒絕對值得試吓！呢杯女伯爵橙紅茶，真係秋天嘅小確幸！沖緊嗰陣，佛手柑嘅優雅香味搶先走出嚟，跟住係甜橙片嘅鮮明果香，夾埋一齊勁溫暖治癒。茶湯係靚靚橙紅色，飲落去，錫蘭紅茶嘅醇厚同柑橘嘅清新甜美平衡得啱啱好，口感滑溜，飲完之後喉嚨有陣溫柔嘅回甘，一啲都唔澀！無論係自己一個嘆，定係同friend share，杯茶都即刻令人心情靚晒，真心正！超推介！呢杯係心型Latte飲第一啖，個奶泡綿滑，帶住濃濃嘅奶香。咖啡同牛奶嘅比例啱啱好，甘醇唔苦澀，飲落喉嚨好舒服。最正係個溫度掌握得夠準，由頭飲到尾都係暖笠笠，唔會話凍咗就變酸。預早一日打電話叫職員幫手準備，畫咗屋企人最鍾意嘅蠟筆小新，呢一份驚喜，相信我嘅屋企人會開心好耐！職員都好用心機畫，真係好靚！100分！點咗件芝士蛋糕都非常好食，好濃郁嘅芝士味，一啲都唔流！贊！！！…查看更多

5B 轉咗手之後真係愈來愈差。今日有時間，就上嚟坐下，諗住飲杯咖啡。點咗杯 Latte，唔洗等好耐，但杯野真係超難飲，三合一都好過佢！因為要自助清理垃圾，我就拎返杯去叫職員幫手倒埋，佢個樣好驚訝。我直接講因為杯野太難飲。最後傾咗幾句，佢話要重新沖一杯比我。😐 其實我唔想要啦，已經畀左錢，而我根本唔係想投訴。再者，覺得再沖都難飲。佢叫我教佢，然後就真係重新沖一杯比我。傾咗幾句之後，發覺原來佢加咗水喺杯 Latte 度，奶又完全無打過，真係大癲！佢唔知奶要打，所以覺得唔加水就唔夠大杯。而且，見到我驚訝嘅樣，佢解釋話係同事教佢嘅，無理由唔岩。我真係無言。唔係要你好叻，但作為一間咖啡店，連呢啲基本嘅都唔知，真係好荒謬。唔識唔緊要，但經營一間餐廳，至少應該做返基本既功課。即使唔係精品咖啡店，收你一杯飲 $40+，都應該做到基本質素! 見住 5B 咁愈來愈差，真係幾 sad。…查看更多

去完南豐紗廠睇吓附近有咩食，搵到呢間工廈既餐廳，好寧靜好岩兩個人食住飯傾吓計，黃昏時間去仲可以望住窗外天色既變化，好舒服晚餐有5-course set叫，有餐湯、多士、主菜、飲品、甜品🍴比起單點抵食好多.✨餐湯係西蘭花忌廉湯，比較稀身但唔會好味精味；多士制作簡單，有種家庭式既感覺✨慢煮黑毛豬配蘋果醬✨黑毛豬好軟腍juicy，甜甜地既蘋果醬好夾豬肉既油香，減低油膩感，如果可以多啲就好✨煎盲鰽魚柳配龍蝦汁意大利飯✨意大利飯偏多汁，容易入口，唔會好漏；龍蝦汁味道岩岩好，唔會太咸；魚都煎得岩岩好，外皮香脆✨甜品：抹茶Cheese Cake, 曲奇雪糕…查看更多

今日隨緣同朋友去了一間有海景及很多遊戲玩的餐廳、有得串珠仔啦，很多卡牌玩啦、店員見到我們帶了公仔打卡、我隨意請問她有沒有時間畫碟、店員非常之熱情、當然我們亦叫了甜品在碟上畫畫。黑毛豬非常好味，點了一杯橙咖啡特飲非常特別、好fresh😍🥰會介紹朋友下次再來呢 …查看更多

已經食過幾次👍🏻每次上去氣氛都好好 同食物質素都幾好大大碟同大大件咁雖然上餐速度有少少慢但可以chill住咁玩下broad game 睇下書✨係一個好好打發時間嘅地方走之前仲可以玩埋個遊戲先而家仲有珠仔串…查看更多

同女朋友慶祝生日，請職員幫手畫佢最鍾意嘅Chip and Dale，唔單只完美還原，仲畫得好用心，完全係驚喜非常！上蛋糕個陣仲有埋生日歌，氣氛一流如果將來再有其他朋友生日都一定會記得黎呢到另外仲叫左黑毛豬潛艇堡，世界級好食！豬肉唔會太咸，仲要好香口，加埋其他配料，比例同味道配搭都係一流，仲有個包都係一絕，係有事先烘脆左嘅，唔會好似一般包咁好硬，而係外脆內軟！加埋啲嘢食一齊食，簡單係冇得輸！如果有機會一定要叫黎試下！…查看更多

Ordered 2 dinner sets- 烤半边鸡+苹果酱+薯条- 盲曹鱼燴饭鸡又嫩又多汁，和酱很配， 薯条很脆。鱼没有骨，饭很足、很绵、很浓郁。小食也好好。加了炸鱿鱼圈+黄金薯圈虾+炸明太子鸡翼。饮品叫了两个瓶装奶茶，奶浓茶味足，杯里的🐻冰也好可爱。甜品方面，叫了抹茶起司蛋糕+柚子起司蛋糕。不漏唯一失色之处是送的餐汤，不够热、味道淡。不过环境chill, 服务态度好, 也不会赶你走。如果你是来叹、来开派对的，这地方很适合你。价钱是贵了点，不过套餐送汤送甜品，算均真Overall recommend. …查看更多

有兩位朋友生日，諗住荃灣附近搵餐廳食晚飯慶祝，見到呢間餐廳食評有生日碟，又見到有試過畫卡通人物，就試吓問餐廳可唔可以畫朋友鍾意嘅人物，想俾啲驚喜佢哋，餐廳應承會盡力畫。當晚唔多人，叫上甜品後，員工播住生日歌，拎蛋糕上黎，朋友見到生日碟好驚喜🥳👍🏻無諗過畫得咁靚😍食物、環境同服務都ok～…查看更多

今日特意嚟到呢間餐廳試佢嘅慢煮黑毛豬，餐廳環境有日式嘅感覺，有唔少紙牌遊戲同書籍。去到用QR code落單，叫咗出名嘅慢煮黑毛豬，叫咗8成熟本身都諗緊豬可唔可以唔全熟，但嚟到都ok,咬落好嫩口，只係有少少筋配菜薯條偏幼，無特別，沙律菜無咩汁，我配咗啲蘋果醬食，都ok整體感覺唔錯…查看更多

5B private corner之前幫襯過兩次，非常好食，尤其是佢嘅慢煮黑毛豬配蘋果醬，朋友都讚不絕口。今日嚟開南豐紗廠附近做嘢，特登上嚟食個午餐，平日lunch hour呢度真係爆曬棚，今日被安排坐window seat，雖然坐高櫈唔係幾舒服，但對住個海景都幾chill。今日同同事一人叫咗一個餐，我係all day breakfast，如圖所見係好豐富，個牛角包都好脆夠熱，但同事嘅豬扒意粉就唔係好得，塊豬扒好韌，咬到牙都軟，唔知咁午市時間太忙，啲肉煮到過曬龍，不過呢間工廠餐廳整體水準都係唔錯，下次睇下再畀唔畀機會佢。…查看更多

下個月生日👧🏻朋友已安排生日飯🎂今次揀左間好隱世既樓上café 仲可以望到小海景🌊好闊落又任坐唔嬲 ~又可以boardgame任玩🩷訂位備注「生日」🎂有生日歌 + 甜品碟 會幫手影相📸食物質素唔錯!!! 一定會再encore~📍慢煮西班牙黑毛豬配自家製蘋果醬賣相好吸引!!!!廚師推介8成熟🧑‍🍳外面少脆唔會好韌以香煎+慢煮方式去整黑毛豬🐷肉質好腍好粉嫰💕食落去都油脂甘香🥩肉味唔錯自家製嘅蘋果醬🍎真係可以解膩 好fresh主食仲可以揀意粉或者薯條🍟意粉用香草🌿橄欖油炒過 好香～📍香草烤雞烤雞上枱見到金黃色💛個外皮好香脆，切開都係啖啖肉👅肉質好Juicy唔會好乾身~整體好濃香草味🌿 薯條份量都ok🍟如果可以炸得再脆D 就好了👉🏻👈🏻📍炸魷魚圈可以喺晚市set用優惠價加配～大約有10件 炸得好香脆😆魷魚🦑好煙韌 當小食share很可以！📍焗朱古力心太軟可以喺晚市set用優惠價加配～生日可以寫Happy Birthday🎂🎉仲有個靚靚生日backdrop打卡 💯好用心機佈置心太軟配雲呢拿雪糕🍦真係好夾切開係朱古力🍫流心！！！好邪惡…查看更多

中秋夜食不限時晚餐，慢煮西班牙黑毛豬配自家製蘋果醬：肉香軟嫩，加上有少許肥邊，油香加埋蘋果醬，好夾。柑橘慢煮鴨胸肉配焗西蘭花薯餅：鴨胸嫩滑滲岀淡淡柑橘香味，薯餅煎至外脆香口，內裏薯蓉清香滑口。薯絲蝦：外脆內軟，配柑橘蜜，醒胃。凍香橙梳打美式咖啡：第一啖有啲怪，先是橙味跟住至感受到咖啡味，但越飲會越想繼續飲。訂位時備注用餐目的是為家人慶祝生日，職員會上甜品時播生日歌，喺甜品碟上寫上壽星名，畫上圖案及祝福語，並且會幫我哋影相…查看更多

假期想帶屋企人嚟Chill吓，或同三幾好友嘆下下午茶傾下計，嚟呢度一定冇揀錯！任坐唔嬲！入到嚟俾人一種好舒服嘅家嘅感覺！雖然係一間樓上Cafe，令人驚喜嘅係佢每個菜式都匠心獨具！食物質素非常高! 又靚仔又好味！個個都讚不絕口！👍🥰🐤慢煮柑桔鴨胸配自家制西蘭花薯餅慢煮過嘅鴨胸肉非常鮮嫩多汁，有濃濃柑橘香味，令人食欲大開，搭配酸酸甜甜的黑醋醬更提升咗口感層次！值得一提嘅係佢嘅自家製西蘭花薯餅，外層焦脆，入面係好滑薯蓉，亦好濃芝士香味，加上西蘭花碎，口感一流！🐓香草烤雞外皮香脆，咬落去肉質好Juicy，好濃香草味！回味無窮👍👍👍🦪檸檬蒜香忌廉藍青口 配香草牛油多士Wow!檸檬香配蒜香原來咁搭！青口好鮮美，食完個青口，再用多士點個汁，巧香脆巧cream 巧巧味啊！食晒！😋👍🍹香橙梳打美式咖啡成件事好橙 好有夏日feel！🤓咖啡好香醇，回甘！搭配梳打同埋橙汁！好飲，又醒神！飲晒！😋👍…查看更多